“මම එයා වෙනුවෙන් මොනතරම් කැපකිරීම් කරාද?
“අපේ ආදරේ සාර්ථක වුණේ එයාගේ කැපවීම් නිසා”
“කැපකිරීමක් නැති ආදරයක් මොකටද?”
ආදරය සහ සම්බන්ධතා සම්බන්ධයෙන් මෙවැනි කතා ඕනෑතරම් අසන්නට ලැබෙනවා. ආදරය සාර්ථක වන්නේ කැපකිරීම් මත බවට ද අපි බොහෝ දෙනෙක් විශ්වාස කරනවා.
ඒත් ඇත්තටම ආදරයක් කැප කිරීම්වලින් පිරෙන්නට ඕනෑ ද? අපි අද ඒ ගැන කතා කරමු
කැපකිරීම් නැති ආදරයක් කියන්නේ මොකක්ද?
අපේක්ෂාවන් නොමැති ආදර සබඳතාවක් මේ ආකාරයට හඳුන්වන බව සබඳතා සම්බන්ධ විශේෂඥයන් පවසනවා. මේ සම්බන්ධතා තුළ බලාපොරොත්තු නැති තරමටම පොරොන්දුද පවතින්නේ නෑ. පවතින ආදරයට හෝ විවාහයට පිටතින් පවතින සබඳතා ද මේ කාණ්ඩයට ඇතුළත්. සමහරවිට ශාරීරික සමීපතාවයක් හෝ ලිංගිකත්වය වෙනුවෙන් ආලය කිරීම මේ කාණ්ඩයට වැටෙනවා
කැපවීමකින් තොරව ආදරය කරන්න පුලුවන්ද?
ඔබ ඔබේ සම්බන්ධතාවය ගැන සතුටු වෙනවා නම් සහ එයින් ලැබෙන නිදහස භුක්ති විඳිනවා නම්, කැපවීමකින් තොරව ආදරය කිරීමේ වරදක් නැහැ. කෙසේ වෙතත්, ඔබ දිගුකාලීන සම්බන්ධතාවයක් සොයන්නේ නම්, ඔබට කැපවීමක් කරන කෙනෙක් අවශ්‍ය විය හැකියි.
කැපවීමකින් කරන ආදරය සතුටුදායකයි ද?
ඔව්, එය උද්වේගකර, සහ නිදහස් වන අතර, යමෙකුගේ “පෙම්වතිය” යන අච්චුවට ගැළපීමට උත්සාහ කරනවාට වඩා ඔබේ සැබෑ ආත්මය වීමට ඔබට නිදහස තිබෙනවා, නමුත් නිසි ලෙස බැඳීමකින් තොරව ආදරයෙන් බැඳීම ඉක්මනින් ඊර්ෂ්‍යාව සහ අනාරක්ෂිතභාවය ඇති කළ හැකි බවත් අමතක කරන්න එපා.
ආදරය කැපවීමෙන් පිරෙන්නට අවශ්‍ය ඇයි?
පිළිතුර බොහොම සරල එකක්. ඇත්තටම ඔබ වෙනුවෙන් ඔහු කැපකිරීම් කරන තරමට ඔබට සම්බන්ධතාවයක් තුළ සැනසීම සහ සුරක්ෂිතභාවය දැනෙනවා.
ඔබ කැපකිරීම්වලට සූදානම්ද?
ආදර සම්බන්ධතාවයක ඊළඟ පියවර ගැනීමට සහ කැපවීමට සූදානම් දැයි දැන ගැනීම උපක්‍රමශීලී දෙයක් විය හැකියි. ඔබ කලින් සබඳතා පැවැත්වූවානම් ඔබට මේ කාරණය සම්බන්ධයෙන් යම් අත්දැකීමක් තිබෙනවා.ඒ අත්දැකීම් සමඟ, ඔබ ඔබේ සහකරුගෙන් සොයන්නේ කුමක්දැයි ඔබ දන්නවා.ඒත් සම්බන්ධතාවයකට නවකයෙකුටනම් සබඳතාවයකට කැපවීම භයානක අත්දැකීමක් විය හැකියි. ඒත් ඔබ දිගු කලක් සම්බන්ධතාවයේ රැඳී සිටීමට බලාපොරොත්තු වන්නේ නම් කෙටි කාලීන විනෝදය පමණක් නොව ඔබ බොහෝ විට කැපවීම අපේක්ෂා කරන්නට පුලුවන්.ඔබේ සහකරු සම්බන්ධයෙන් ද එය එහෙමමයි. ඔබ කළ යුතු දේ සහ එකිනෙකාගෙන් බලාපොරොත්තු වන දේ කෙරෙහි අවධානය යොමු කරන්න. ප්‍රීතිමත් සම්බන්ධතාවයකදී, ඔබ සම්බන්ධතාවය සඳහා ඔබේ කාලය හා ශ්‍රමය අඛණ්ඩව ආයෝජනය කළ යුතු බව අමතක කරන්න බෑ.
මේ ආකාරයට බලද්දී ඔබට කැපකිරීමක් නැතිවත් සතුටින් ආදරය කරන්නට පුලුවන්. ඒ වගේම අනාගත අපේක්ෂා ඇතිව මහත් කැපකිරීම් කරමින් ආදරයක් පවත්වාගෙන යන්නටත් පුලුවන්.
තෝරා ගැනීම අයිති ඔබට!
ආදරය තුළ අසීමිත කැපකිරීම් කරන්නේ කොහොමද කියලා අපි තවත් දවසක කතා කරමු.
