කටට රසට උයන්න ඉවුම් පිහුම් රහස්

රසට කාර්යක්ෂමව ඉවුම් පිහුම් කරනවිට දැනගත යුතු කරුණු කාරණා බොහොමයි. ඉතින් ඒ වගේ පුංචි පුංචි කරුණු  කාරණා කිහිපයක් ඔබ සමඟ බෙදා ගන්නයි අපගේ මේ සුදානම…

පිපිඥා ව්‍යංජනය පිසින විට

මේ ව්‍යංජනයට මිටිකිරි එකතු කරන විට අබ හා සුදු ළුණු අඹරා ව්‍යංජනයට මිශ්‍ර කරන්න. ඉමිහිරි සුවඳක් සහ ප්‍රණීත රසයක් ලැබේ.

කට්ලට් බදින විට

තෙල් හොඳින් රත් කරගැනීමෙන් පසුව මද ගින්දරේ බදින්න. කට්ලට් තෙලට දැමූ විගසම තෙල් හැන්දෙන් පෙරලන්න එපා. එවිට කුඩු වීමට ඉඩ තියෙනවා. එසේම කට්ලට් ටිකක් බැදගත් පසු තෙල් පෙරා කුඩු ඉවත්කර නැවතත් බදින්න.

අඟුණ කොළ සම්බෝලය සාදන විට

අමු මිරිස්, ළුණු, දෙහි පොල්, සියල්ල වෙනම මිශ්‍ර කරන්න. ඉන්පසු සිහින්ව ලියාගත් අඟුණ කොළ එයට මිශ්‍ර කරන්න. පොඩි නොවන සේ කලවම් කරන්න.

කරවිල වල තිත්ත නැතිකරන හැටි

කරවිල තිත්ත රසය නැතිව පිසීමට කරවිල කපා හාල් සෝදා ගත් වතුරෙන් තම්බා පිසින්න. එසේම නටන කිරි මිශ්‍රණයට කරවිල කපා දැමීමෙන්ද තිත්ත ගතිය නැති කරගත හැකිය.

පොළොස් ව්‍යංජනය පිසින විට

කපාගත් පොළොස් කැබලි ඇතිළියට දමා කැබලිවලින් උඩට සිටින ලෙස වතුර වත්කර ලිප තබා, විනාකිරි ස්වල්පයක්ද, ගොරකා කැබලි දෙකක් හා ලුණු ස්වල්පයක්ද දමා පැයක් පමණ වේලාවක් තම්බන්න. ඉන්පසු කිරි සහ අනෙක් පහේ වර්ග එකතු කරන්න.

දියලබු, කැකිරි, අමු ගස්ලබු, පිපිඤ්ඤා පිසින විට

ඉහත එළවළු වර්ග පිසින විට කැකුළු හාල් තේ හැඳි බාගයක්, අමු පොල් මේස හැඳි එකක්, රතුළුණු ගෙඩි 5, අබ තේ හැඳි බාගයක් සිහින්ව අඹරා ව්‍යංජනයට එකතු කරන්න. එවිට සුවඳක් හා රසයක් ලැබේ.

– ඉරේෂා –

Related Articles

Don't Miss



Latest Articles

කෑම පෙට්ටිය

“අම්මා මේ,” පාසැල් ගොස් මහන්සියෙන් මුත් සිනහසෙමින් පැමිණෙන දෝණි සුපුරුදු පරිදි කෑම පෙට්ටිය මට දිගු කරන්නේ මා ඒ ගැන...

වැඩිහිටියන්ගේ නොසැලකිලිමත්කම නිසා මිලිනව ගිය තවත් පුංචි මල් කැකුළක්.

බණ්ඩාරගම අටලුගම සිදු වූ අට හැවිරිදි පුංචි අයිෂාගේ ඝාතන අපරාධය මේ මොහොතේත් ලාංකිකයක් කම්පාවට පත් කිරීමට සමත්. මේ සටහනෙන්, ඒ සිදුවීමෙහි පසු...

හිමගිරි අරණ -20

"ඔයා කියන විදියට නම් වැඩ කරන්න බෑ රවිඳු.එහෙම ගිය මනුස්සයෙක්ට ආදරේ කරලා මොකටද?" පාරමී වහා එරෙහි වූවා ය.සහන් සමඟ...

ශරදාකාසේ -34

"විකාර නැතුව ඒ මහත්තයව බැඳපං පංචලී. මොන දේ වුණත් නීතියෙන් බැඳගන්න එකේ වාසිය ගැනයි හිතන්න ඕනෙ. මන් දන්න සෑම්පලේ ගෑනුනං හිතන්නෙ ඒ...

එයා වගේ යාළුවෙක්

“හායි! අසේලා” “හායි! හායි! ශානා ….ඔයාගේ ලස්සන…..” “ආ,ඔයා විතරයි මට ලස්සනයි කිව්වෙ.මග දිගට දකින දකින අය...