මුරුංගා ගසේ උපත උතුරු ඉන්දියාවේ හිමාලයානු කඳුකරයට දකුණින් වර්තා වන අතර මෙය මේ වන විට ලොව පුරා වගා කෙරෙන ශාකයකි. මෙම ශාකය ආහාර හා වෛද්‍ය විද්‍යාව තුල අදවන විට බහුලව භාවිතා වේ. මුරුංගා ලංකාවේ ද ඕනෑම ප්‍රදේශයක පහසුවෙන් වගා කළ හැකි, වැඩි සාත්තුවකින් තොරව ඉක්මනින් දළුලන ශාකයක් ලෙස හඳුනාගත හැකිය.
මුරුංගාවල ඇති පෝෂණ ගුණය
වසර දහස් ගණනක් තිස්සේ පුරාණ ඊජිප්තුවරුන්, ග්‍රීකයන් සහ රෝමවරු මුරුංගා ගස් වගා කළහ. කැල්සියම්, යකඩ සහ පොටෑසියම් වලට අමතරව මුරුංගා කොළ වල වැදගත් විටමින් කිහිපයක් අඩංගු වේ.
Vitamin A – සෞඛ්‍ය සම්පන්න පෙනීමක් , ප්‍රතිශක්තියක් සහ භ්‍රෑණ වර්ධනයක් පවත්වා ගැනීමට උපකාරී වේ.
Vitamin C – දූෂක හා විෂ වලින් ශරීරය ආරක්ෂා කරයි.
Vitamin E – ප්‍රතිඔක්සිකාරකයක් ලෙස ක්‍රියා කරයි.
විටමින් හැරුනු විට ෆ්ලේවනොයිඩ්, ඇල්කලෝයිඩ් සහ අනෙකුත් වැදගත් ආහාර සංරචක ඇතුළු ජෛව ක්‍රියාකාරී සංයෝග රැසක් මුරුංගා කුඩු වල සැලකිය යුතු ප්‍රමාණයකින් සොයාගත හැකිය.
මුරුංගා කොළ භාවිතයෙන් වැළකිය හැකි රෝග
විෂබීජහරණය කිරීම සඳහා මුරුංගා කුඩු විෂබීජ නාශකයක් ලෙස භාවිතා කළ හැකිය. ආමාශයික වණ සහ ආමාශයික පිළිකා ඇතුළුව පුළුල් පරාසයක බැක්ටීරියා සහ දිලීර වලට එරෙහිව එය ඵලදායී ඖෂධයකි.
මැලේරියාව සහ ටයිෆොයිඩ් උණහි සිට අධි රුධිර පීඩනය හා දියවැඩියාව දක්වා ද වෙනත් විවිධ රෝග සඳහා ප්‍රතිකාර කිරීම සඳහා ද මුරුංගා කුඩු භාවිතා කරයි. එහි අඩංගු පුළුල් විවිධ සංයෝග විවිධ ලෙඩරෝග සඳහා වාසිදායක බලපෑම් ඇතිකිරිමට සමත් වෙයි.
මුරුංගා කුඩු විවිධාකාරයෙන් ඖෂධයක් ලෙස භාවිතා කරයි. ඌෂ්නාධික රෝග, දියවැඩියාව සහ පිළිකා වැනි නිදන්ගත රෝග වැළැක්වීමට සහ ප්‍රතිකාර කිරීමට එය භාවිතා කරයි.
Hyperglycemia දියවැඩියාව පිළිබඳ පූර්ව අනතුරු ඇඟවීමේ රෝග ලක්ෂණයක් වන අතර එය හෘද රෝග සඳහා අවදානම් සාධකයකි. විද්‍යාත්මක දත්ත මත පදනම්ව, මුරුංගා කුඩු වලට මෙම රෝග දෙකම සුව කිරීමේ විභවයක් ඇත.
මුරුංගා කුඩු වලන් බොහෝ සෞඛ්‍ය ප්‍රතිලාභ ලබිය හැකිය. එහි ප්‍රෝටීන, ඛනිජ, ඇමයිනෝ අම්ල, ප්‍රතිඔක්සිකාරක සහ ෆ්ලේවනොයිඩ් වැනි දේවල් අඩංගු වේ. පටක ( අක්මාව, වකුගඩු, හදවත සහ පෙනහළු ) ආරක්ෂා කිරීමට සහ වේදනාව අඩු කිරීමට මුරුංගා කුඩු භාවිතා කළ හැකිය.
ආහාර ජීර්ණය, දුම් පානය සහ විකිරණවලට නිරාවරණය වීමෙන් නිපදවන බැක්ටීරියා වලින් සෛල ආරක්ෂා කිරීමට මෙහි තිබෙන ප්‍රතිඔක්සිකාරක උපකාරී වේ. මුරුංගා කුඩු වැනි ශාක පදනම් කරගත් ප්‍රභවයන්ගෙන් ලැබෙන ප්‍රතිඔක්සිකාරක වඩාත් හොඳ ප්‍රතිඔක්සිකාරක ලෙස සැලකේ.
සෑම වසරකම කාන්තාවන් මිලියන 1 ක් පමණ පියයුරු රෝගවලින් පෙළෙන අතර පියයුරු පිළිකා ඇතිවීමේ වැඩි අවදානමක් ඇති කරයි. පර්යේෂණ වලින් පෙනී ගොස් ඇත්තේ මුරුංගා කුඩු භාවිතය මෙම කාන්තාවන්ට පියයුරු පිළිකාවෙන් වැඩි ආරක්ෂාවක් ලබා දෙන බවයි.
එසේම දියවැඩියාව යනු ලෝකයේ වර්ධනය වන සෞඛ්‍ය ගැටලුවකි. මානව අධ්‍යයන වලදී, මුරුංගා කුඩු වලින් දියවැඩියා රෝගීන් තුළ තිබෙන රුධිරයේ ග්ලූකෝස් මට්ටම සැලකිය යුතු ප්‍රමාණයකින් අඩු කර හැකි බව තහවුරු වී ඇත.
පරිභෝජනය කළ යුතු නිවැරදි ආකාරය
සාම්ප්‍රදායික වෛද්‍ය විද්‍යාවේ මුරුංගා කොළ, බීජ, පොතු, මුල්, යුෂ සහ මල් බහුලව භාවිතා වේ. කොළ සහ බීජ කරල් ආහාර ලෙස භාවිතා කරයි. කොළ නිස්සාරණය සම්බන්ධ ආරක්ෂිත අධ්‍යයනවලින් පෙනී යන්නේ මුරුංගා ඉතා ආරක්ෂිත බවයි. මානව අධ්‍යයනවලට අදාළව මෙම ශාකය සම්බන්ධයෙන් කිසිදු හානිකර බලපෑමක් වාර්තා වී නැත.
මුරුංගා කුඩු පරිභෝජනය කල යුත්තෙ දිනකට මුරුංගා කොළ ග්‍රෑම් 50ක පමණ ප්‍රමාණයක් පමණයි . එනම් මේස හැඳි පහක් පමණ වේ. දිනපතා ඊට වඩා පරිභෝජනය කරනවානම් වෛද්‍යවරයෙකුගෙ උපදෙස් මත එසේ කල යුතු බව අපගේ යෝජනාවයි.
මුරුංගාවලින් ඖෂධීය පානය සකසා ගන්නා අයුරු
මුරුංගා ඉති කිහිපයක්
උණු වතුර
මුරුංගා කොළ සෝදා මද පවනේ වියළා ගන්න.
දැන් එය අතින් කුඩු කර බෝතලයකට දමා වසා ගන්න.
ඉන් මේස හැන්දක් නටන උණුවතුර එකට දමා උදේ හවා පානය කරන්න.
