ලස්සනට නිරෝගිව ඉන්න, පුංචි අදහස් හයක්

කාන්තාවක් කියන්නේ වගකීම් රැසක් උසුලන කෙනෙක්. ඉතින් ඔබේ නිරෝගිකම ඍජුවම පවුලේ දියුණුව කෙරෙහි බලපානවා කියලා අමුතුවෙන් කියන්න දෙයක් නැහැ. ඇත්තටම අපි කලයුත්තේ ස්මාර්ට් ලයිෆ් ස්ටයිල්  එකක් අනුගමනය කිරීම.

සමබල ආහාර වේලක් ලබා ගන්න

නැවුම් පළතුරු, එළවලු, ධාන්‍ය, සහ තන්තුමය ආහාර වලින් පොහොසත් ආහාර වේල් නිතරම ලබා ගන්න. පෙර  පිස සකසා තිබෙන ආහාර වලින් වැළකෙන්න. ඒ වගේම දිනපතා කැල්සියම් මිලිග්‍රෑම් 800 -1500 දක්වා ප්‍රමාණයක් ඔබේ ආහාර වේලට එකතු විය යුත්තේ වයස් ගත වනවිට ඇතිවන ඔස්ටියෝපොරයිසිස් තත්වයෙන්  වැලකීම සඳහායි. ඒ වගේම අධික ලුණු, සිනි, මේදය, කැලරි වලින් යුතු ආහාර වලින් වැලකෙන්නත් අපි මතක  තියා ගන්නම ඕන දෙයක්.

ව්‍යායාම වල යෙදෙන්න

පුංචි ව්‍යායාම කිහිපයක් ඔබේ නිරෝගිකම ඉතා ඉහලට ඔසවා තබනවා කියා ඔබ දන්නවාද ?අඩුම ගනනේ දිනකට විනාඩි 30ක් වත් ව්‍යායාම වල යෙදීමට කාලය සොයා ගන්න. දිනපතා අමාරුනම් සතියට දින පහක්වත් මේ සඳහා වෙන්කරගන්න. ඇවිදීම, පිහිනීම, නර්තනය, බයිසිකල් පැදීම, වගේ දේවලුත් ශරීරයට ඉතාමත්  සුදුසුයි. මේ සියල්ලන්ගෙන්ම අන් හැමටම වඩා සතුටු වෙන්නේ ඔබේ හදවත.

කියවන්න :  සාරිය අඳිනවා නම් ඔබ දැනගතයුතුම දේවල් මෙන්න

අවදානම්  පුරුදු  වලින්  ඈත්  වන්න

දුම්බීමෙන් සහ දුම්බොන්නන් අසලින් ඉවත් වී සිටින්න. මත් ද්‍රව්‍ය ඔබව ඉක්මනින්ම රෝගී, අවලස්සන කාන්තාවක් බවට පත් කරන බැවින් සියලුම මත් ද්‍රව්‍ය වලින් ඉවත් වී සිටීමට පුරුදු වන්න.

ආතතියෙන් වැළකෙන්න

දියණියක, මවක, මිත්තණියක, මේ කවරාකාරයේ පුද්ගලයෙකු වුවද , කාන්තාවක් ලෙස ඔබ නිතරම එදිනෙදා ජීවිතය ගෙවන විට විවිධාකාරයේ ආතතීන් රැසකට මුහුණ දෙනවා නිසැකයෙන්ම. මානසික සුවය ඔබගේ ශාරීරික සෞඛ්‍යට ඍජුවම බලපෑම් කරන නිසා මේ ගැන අනිවාර්යයෙන්ම සැලකිලිමත් විය යුතුවෙනවා. භාවනාව හෝ ආතතිය අඩුකරගැනීමේ ක්‍රමවේද ගැන ඒ නිසා අනිවාර්යයෙන්ම සැලකිලිමත් වෙන්න. දවසේ වෙලාවක් මේ සඳහා වෙන්කර ගන්න.

කියවන්න :  Pedicure එකක් නිවසේදීම කර ගන්නේ මෙහෙමයි.

හිරු කිරණට නිරාවරණය වීමෙන් වලකින්න

හිරුගේ අහිතකර  කිරණ පිළිකා සේම ඉතා ඉක්මනින් සම වියපත් කරවනවා. ඒ නිසා අවුවට යන සැම විටම හිරු ආලේපන භාවිතා කරන්න පුරුදු වෙන්න.

පියයුරු පිළිකා ගැන අවධානයෙන් සිටින්න

සෑම කාන්තාවක්ම අවුරුදු විස්සේ සිටම පියයුරු පිළිකා පිලිබඳ අවධානයෙන් සිටීම වැදගත්. ඔබ වයස අවුරුදු හතලිහ ඉක්මවූ කාන්තාවක්බනම් පියයුරු පිළිකා සඳහා වන පරීක්ෂාවන්ට අනිවාර්යයෙන්ම යොමු වන්න.

Healthy Living වෙබ් අඩවිය ඇසුරින්

-චම්මි-

Previous articleගෙයි ගිනි පිටට එපා – පිට ගිනි ගෙටත් එපා
Next articleහැමදාමත් ආදරෙන් ඉමු
චම්මි ඉරේෂා කරපුටුගල
ශ්‍රී ජයවර්ධනපුර විශ්වවිද්‍යාලයේ ලේඛකත්ව සහ ජන සන්නිවේදනය පාඨමාලාව සමග ජාතික තරුණසේවා සභාවෙන් නිර්මාණාත්මක සංනිවේදනය ඇතුලුව රූපවාහිනී වැඩසටහන් නිෂ්පාදනය සහ වීඩියෝතාක්ෂණය හදාරා ඇත. රන්දිව ජාතික පුවත් පතේ විශේෂාංග ලේඛිකාවක ලෙසද,ශ්‍රී ලංකා සුමිත්‍රයෝ මෙල් මැදුර ආයතනයේ ප්‍රජා සංවර්ධන නිලධාරිනියක ලෙසද ,පිටපත් රචිකාවක ,වෙලද දැන්වීම් පිටපත් රචිකාවක ලෙසද අත්දැකීම් රාශියක් ලබාගෙන ඇත.ළමා පොත් 12කට ආසන්න ප්‍රමාණය ක් රචනා කර ඇති අතර ඉන් බොහොමයක් අන්තර්ජාතික සංවිධානය ක් වන රූම් ටු රීඩ් ආයතනය සමග සිදුකර ඇත.විනෝදාංශය ක් ලෙස කෙටි චිත්‍රපටකරණයේ නියැලෙනීය.