සුමුදු දෑතක් ලබා ගන්නට පහසු පිළියම්

මුහුණට පමණක් සත්කාර කිරීමෙන් රුව රැකගන්නට බැහැ. අනිවාර්යයෙන්ම දෑත්, දෙපා සහ සම සඳහා ද සත්කාර කල යුතුයි. ඔබේ දෑත් සුමුදුව ලස්සනට තබාගැනීමට මෙන්න මේ සත්කාර කර බලන්න.

කෝමාරිකා මදය අත් දෙකේ ආලේපකර මිනිත්තු 10ක් පමණ තබා සීතල ජලයෙන් සෝදා හරින්න. රාත්‍රියේ නින්දට යාමට පෙර සහ ස්නානය කිරීමට පෙර ඔලිව් තෙල් දෑත් වල ගල්වා විනාඩි 15ක් පමණ මසාජ් කරන්න. ඔලිව් තෙල් සමට තෙතමනය ලබාදී වියලි බව දුරු කර රැළි වැටීම අඩු කරයි. නියපොතු කපා දෙහි හෝ බිලිං අතුල්ලා මද උණුසුම් ජලයෙන් සෝදා හැරතුවායකින් තෙතමාත්තු කර නියපොතුවල වැස්ලින් ආලේප කරන්න.

සතියකට වතාවක්වත් දෑත් ස්ක්‍රබ් කරන්න. මැරුණු සම ඉවත් කිරීමෙන් දෑත් වල සිනිඳු බව රැකගන්ට හැකිවේ. මේ ස්ක්‍රබ් වර්ග ගෙදරදීම පහසුවෙන් හදාගන්න පුළුවන් –

සීනි මේස හැඳි 4කට මී පැණි මේස හැන්දක්, ඔලිව් තෙල් මේස හැන්දක් මිශ්‍ර කර වැලමිටේ සිට පහලට ඇඟිලි තුඩු තෙක් දෑත් වල තවරන්න. මෘදුව කවාකාරව ඇඟිලි තුඩු වලින් පිරිමදිමින් ස්ක්‍රබ් කර සිසිල් ජලයෙන් සෝදා ගන්න.

සීනි මේස හැඳි 4ක්, ලුණු මේස හැඳි 4ක්, මී පැණි මේස හැඳි 2ක්, දෙහි යුෂ තේ හැන්දක් සහ පොල් තෙල් මේස හැන්දක් ගෙන හොඳින් මිශ්‍ර කර පෙර දෑත් වල තවරා ස්ක්‍රබ් කර මද ජලයෙන් සෝදා හරින්න.

කෝපි කුඩු මේස හැඳි 4කට පොල් තෙල් මේස හැඳි 2ක් එක් කර පෙර දෑත් වල තවරා ස්ක්‍රබ් කරගන්න

සහල් කෝප්පයක් ග්‍රයින්ඩ් කර පිටි කර එයට රෝස වතුර මේස හැඳි 2ක්,කිරි තේ හැන්දක් ද එක් කර හොඳින් මිශ්‍ර කර දෑත් වල ආලේප කර විනාඩි 20ක් පමණ තබා මඳ උණුසුම් ජලයෙන් සෝදාහරින්න.

මේ පිළියම කිරීම පමණක් නොව එදිනෙදා වැඩකටයුතු වලදීත් අතේ සම රැක ගැනීම වැදගත්. ඉවුම් පිහුම් කටයුතු වලදී මෙන්ම ගෙවත්තේ කටයුතුදු සඳහා අත් මේස් දෙකක් භාවිතා කල හැකියි. මේ අයුරින් කටයුතු කලහොත් විශාල මුදලක් වියදම් නොකරම ඔබටත් ඉතා සුන්දර දෑතක් හිමිකර ගත හැකියි.

– කල්හාරී –

Related Articles

Don't Miss



Latest Articles

කෑම පෙට්ටිය

“අම්මා මේ,” පාසැල් ගොස් මහන්සියෙන් මුත් සිනහසෙමින් පැමිණෙන දෝණි සුපුරුදු පරිදි කෑම පෙට්ටිය මට දිගු කරන්නේ මා ඒ ගැන...

වැඩිහිටියන්ගේ නොසැලකිලිමත්කම නිසා මිලිනව ගිය තවත් පුංචි මල් කැකුළක්.

බණ්ඩාරගම අටලුගම සිදු වූ අට හැවිරිදි පුංචි අයිෂාගේ ඝාතන අපරාධය මේ මොහොතේත් ලාංකිකයක් කම්පාවට පත් කිරීමට සමත්. මේ සටහනෙන්, ඒ සිදුවීමෙහි පසු...

හිමගිරි අරණ -20

"ඔයා කියන විදියට නම් වැඩ කරන්න බෑ රවිඳු.එහෙම ගිය මනුස්සයෙක්ට ආදරේ කරලා මොකටද?" පාරමී වහා එරෙහි වූවා ය.සහන් සමඟ...

ශරදාකාසේ -34

"විකාර නැතුව ඒ මහත්තයව බැඳපං පංචලී. මොන දේ වුණත් නීතියෙන් බැඳගන්න එකේ වාසිය ගැනයි හිතන්න ඕනෙ. මන් දන්න සෑම්පලේ ගෑනුනං හිතන්නෙ ඒ...

එයා වගේ යාළුවෙක්

“හායි! අසේලා” “හායි! හායි! ශානා ….ඔයාගේ ලස්සන…..” “ආ,ඔයා විතරයි මට ලස්සනයි කිව්වෙ.මග දිගට දකින දකින අය...