ලොව අතිශය භයානකම හොල්මන් වලව්වේ ඇත්තම කතාව

ඒ 1977 දෙසැම්බර් 18 වෙනිදා ඇමරිකාවෙ නිව්‍ යෝක් නුවර. ජෝජ් ලට්ස් කියන මනුස්සයා එයාගෙ බිරිඳයි දරුවො එක්ක පදිංචියටයන්න ගෙයක් හොයන ගමන් තමයි හිටියෙ. මෙයා ගෙයක් ගෙව්වෙ ටිකක් අඩු ගාණකට මොකද එයාට ලොකුවට සල්ලි තිබ්බෙ නෑ වියදම් කරන්න. එයා එක එක බ්‍රෝකර්ස්ලා ලඟට යනව ලාබෙට ගන්න තියෙන ගෙවල් හොයාගෙන. එහෙම යද්දි තමයි ජෝර්ජ්ටදැනගන්න ලැබෙන්නෙ අංක 112, ඇවනිව්, ඇමටිවිල් කියන ඇඩ්‍රස් එකෙ තමන්ට ගන්න පුලුවන් විදියෙ ගෙයක් තියෙනවා කියලා.

මේ ගෙදර බලන්න එන ජෝර්ජ් ටිකක් පුදුම වෙනවා. මොකද මේ ගෙදර වටිනකම ඩොලර් 80000ක් විතර වෙනවා. එහෙම වටින ගෙයක් තමන් ඉල්ලන නොවටිනා ගානට දෙන්නෙ ඇයි කියන ප්‍රශ්නෙ ජෝර්ජ්ට තියෙනවා. 1975 වගේ කාලෙක උනත් මෙච්චර වටින ගෙයක් තමන් ඉල්ලන නොවටිනා ගානට දෙන්නෙ ඇයි කියන එක
ප්‍රශ්නයක් හන්දම ජෝර්ජ් බ්‍රෝකර්ගෙන් අහනවා ඒකට හේතුව මොකද්ද කියලා. එතකොට බ්‍රෝකර් ඒකට දෙන උත්තරේ ඇහුවම ජෝර්ජ් චුට්ටක් පුදුම වෙනවා. ඔයාල මොකද්ද හිතන්නෙ ඒ ගැන?

කොහොමහරි හිතුවෙ නැති තර, අඩු ගාණකට හම්බුවෙච්ච හන්දා ජෝජ් මේ ගෙදර මිල දී ගන්නවා. මිලදී ගත්තයින් පස්සෙ ජෝජ් එයාගෙ දරුවො සහ බිරිඳ වෙන කැතී එක්ක මේ ගෙදර පදිංචියට එනවා. හැබැයි ජෝර්ජ් ඒ වෙද්දිත් දන්නෙ නෑ තමන් මේ කලේ ජීවිතේ කරන්න පුලුවන් ලොකුම මෝඩකම කියලා. කොහොමහරි මෙයාලා මේ ගෙදරට එද්දි අවුරුදු පහකින් මේ ගෙදර කිසිම කෙනෙක් පදිංචි වෙලා ඉඳලා නැහැ. ඒ නිසා ජෝජ්ට කැතී කියනවා “පදොංචි වෙන්න කලින් අපි පූජාවක් කරමු” කියලා. අන්න ඒ කතාව අනුව ජෝජ් ලඟම තියෙන පල්ලියට ගිහින් පූජකයෙක් ට කියනවා මේ විදියට ගෙදර පූජාවක් කරන්න එන්න කියලා. ඒ විදියට ජෝර්ජ්ගෙ ආරාධනාව පිලිඅරගෙන මේ ගෙදර පූජාවට එන පූජකවරයගෙ නම තමයි ෆාදර් රැල්ෆ් කියන්නෙ. කොහොමහරි පූජාවට ගෙදරට එන රැල්ෆ් ගෙදර ප්‍රධාන දොරටුවෙන් ගෙට ඇතුලුවෙද්දිම එයාට මොනවහරි දෙයක් තේරෙන්න ගන්නවා. හැබැයි ඒ හැමදේම පොඩ්ඩකට පැත්තකින් තියලා රැල්ෆ් පූජාව පටන් ගන්නවා. 

පූජක රැල්ෆ් මේ ගෙදර කාමරෙන් කාමරේට පූජාව කරගෙන ගියත් එක කාමරයක් ලඟදි රැල්ෆ්ට අමුත්තක් තේරෙනවා. මේ ගෙදර වෙන කිසිම තැනක නැති විදියට මේ කාමරේ විතරක් මැස්සො පිරිලා ඉන්නවා. ඒක වැඩිය ගණන් ගන්නෙ නැතුව ෆාදර් රැල්ෆ් පූජාව කරගෙන යන්න හිතුවට ඒකට බාධාවක් එල්ල වෙනවා. ඒ තමයි ගැඹුරු පිරිමි කටහඬකින් රැල්ෆ්ට කියනවා “එලියට පලයං” කියලා.

රැල්ෆ් මුලින් මේකට බයවෙනවා. ඊටපස්සෙ එයා ටක්ගාලා පූජාව ඉවර කරලා මේ ගෙදරින් පිටත්වෙන්න උත්සහ කරනවා.හැබැයි මේ රැල්ෆ් ගෙදරින් පිටවෙද්දි ජෝර්ජ්ටවත් එයාලගෙ පවුලෙ වෙන කිසිම කෙනෙක්ටවත් මේ විස්තරේ කියන්නෙ නැ. මොකද ජෝර්ජ්ලා මේ ගෙදර පදිංචි වුනා විතරයි හන්දා ඒ මිනිස්සුන්ව බය කරන්න ඕන නෑනෙ කියල හිතලා. 

ෆාදර් රැල්ෆ් ආපසු පල්ලියට ආවට එයාට මේ වෙච්ච දේ අමතක කරන්න පුලුවන් වෙන්නෙ නෑ. එයාට මතක්වෙනවා අර ගෙදරදි අහන්න ලැබිච්ච කටහඬ. ඒ වගේම දිගින් දිගටම මේ ගැන කල්පනා කරන ෆාදර් රැල්ෆ් තේරුම්ගන්නවා මේ ගෙදර මොකක් හරි අමුතු දෙයක් වෙනවා කියලා. ඒ වගේම එයාට තියෙන ලොකුම බය වෙන්නෙ තමන් ඒ ගැන දැනගෙන ඉඳලත් මුකුත් කියන්නෙ නැතුව ආව එකෙන් ඒ ගෙදර මිනිස්සුන්ට මොකක් හරි කරදරයක් වෙයිද කියන එක ගැන. ඒක නිසා දෙසැම්බර් 24 වෙනිදා ජොර්ජ්ට කතා කරල මේ වෙච්ච සිද්දිය ගැන විස්තර ටික කියනවා. ෆාදර් රැල්ෆ් මේක කියනවත් එක්කම එයාව හදිසියෙම අසනීපයට පත්වෙලා එයාව රෝහල්ගත කරන්න වෙනවා. මේක උනාම ෆාදර් රැල්ෆ් තේරුම්ගන්නවා මේ වැලැක්වීම් කරන්නෙ අර ගෙදර උන්න අමුතු බලවේගය කියලා.

ෆාදර් රැල්ෆ් අනතුරු ඇඟවීමක් කරත් කිසිම අමුතු දෙයක් තමන්ට තාම වෙලා නැති හන්දා ජොර්ජ්ලා මේ ගෙදර දාලා යන්න හිතන්නෙ නෑ. හැබැයි ඔහොම ඉද්දි මේ ගෙදර එකපාරටම අමුතු සිද්දි කීපයක් වෙන්න පටන් ගන්නවා. මේ ගෙදර ඉන්න හැමෝම, හරිනම් මනුස්සයෙක් ඉතාම ගැඹුරු නින්දක ඉන්නවා කියල සලකන උදේ පාන්දර තුනයි කාලට එකපාරටම ඇහැරෙනවා. ඒ වගේම මෙයාලට රෑ නින්දට ගියාම ගෙදර එක එක අමුතු සද්ද ඇහෙන්න පටන් ගන්නවා. ඒ කිව්වෙ දොරවල් ඇහෙන වැහෙන සද්ද, කවුරුහරි ඇවිදිනවා වගේ සද්ද. ඒ විතරක් නෙවෙයි එන්නෙ කොහෙන්ද කියලා හිතාගන්න බැරි විදියෙ අමුතුම ගඳක් මේ ගෙදර ඇතුලෙන් එයාලට දැනෙන්න පටන් ගන්නවා. 

මේ සිදුවීම් වෙද්දි තමයි මෙයාලට හිතෙන්න පටන් ගන්න ෆාදර් රැල්ෆ් කිව්ව කතාව ඇත්තක් වෙන්න ඇති කියලා. හැබැයි මේ වෙච්ච දේවල් හරි පොඩි දේවල් කියලා හිතන ජෝර්ජ් සහ කැති තමන්ට මේ ලැබිච්ච ගෙදර දාලා යන්න කීයටවත් කැමතිවෙන්නෙ නෑ.

ඔය විදියට තමයි කාලෙ ගෙවිලා යන්නෙ. දවසක් ස්පුරුදු විදියටම ජෝර්ජ්ට උදේ තුනයි කාලට ඇහැරෙනවා. ජෝර්ජ් නිදාගන්නෙ එයාගෙ බිරිඳ වෙන කැතී එක්ක. සාමාන්‍යයෙන් වෙනදට ඔහොම ඇහැරෙද්දි ඒ වෙලාවටම කැතිත් ඇහැරුනාට වෙනදා ඔහොම ඇහැරෙන ජෝර්ජ්ගෙ ඇස් උඩ යන විදියෙ දෙයක් තමයි අද එයාට දකින්න ලැබෙන්නෙ. ඒ හරිනම් තමන්ට එහා පැත්තෙන් නිදාගෙන ඉන්න ඕන කැතී ඉන්නෙ තද නින්දක හැබැයි ඇඳට අඩි කීපයක් උඩින් පාවෙන ගමන්.

බයවෙන ජෝර්ජ්ගෙ සද්දෙට ඇහැරෙන කැතීට හිතාගන්න බෑ ජෝර්ජ් කිව්ව දේ. ජෝර්ජ් කිව්වට තමන් මෙහෙම අවකාශයේ පාවෙවී හිටියා කියලා කැතී කියනවා තමන්ට එහෙම කිසිම දෙයක් දැනුනෙ නැති බව. ඔය සිදුවීම වගේම හරිම අමුතු සිදුවීමකට තමයි මෙයාලට ඉන්පස්සෙ දවසෙ මූණ දෙන්න වෙන්නෙ. ඒ මෙයාලගෙ පුංචි දුව ගෙදර එක කාමරේක සෙල්ලම් කර කර ඉන්න ගමන් කාත් එක්ක හරි කතාකරනවා ඇහුනම ජෝර්ජ් සහ කැතී මොකද කරනෙ ඒ දුවගෙන් අහනවා ඔයා කාත් එක්කද කතා කරේ කියලා.

දුව උන්නු කාමරේ කවුරුවත් නැති කෙලවරකට අත දික්කරලා කියනවා “ඇයි ඔයාලට පේන්නෙ නැද්ද මම මගේ අලුතෙන් හම්බුවෙච්ච යාලුවා වෙන මෙන්න මේ පුංචි පිරිමි ළමයා එක්ක තමයි කතා කර කර ඉන්නෙ” කියලා. 

ඔය සිදුවීම් ඔක්කොම හේතු කරගෙන මේ ගෙදර පදිංචි වෙද්ද විසි අටවෙනි දවසෙදි ජෝර්ජ් එයාගෙ පවුලෙ අයවත් අරගෙන මේ ගෙදරින් වහාම පිටත් වෙලා යනවා.

ඒ වෙද්දි තමයි ජෝර්ජ්ට මතක් වෙන්නෙ මේ ගෙදර අරගන්න ආව බ්‍රෝකර් කිව්ව කතාව. බ්‍රෝකර් කිව්ව කතාව තමන් මෙච්චර දවසක් කාටවත් කිව්වෙ නැති උනාට වෙච්ච සිදුවීම් එක්ක ජෝර්ජ් හිතනවා තමන් කැතී එක්ක මේ කතාව කියන එක හොඳ්අයි කියලා.

අතීත කතාව

මේ බ්‍රෝකර් කිව්ව කතාවට අනුව මීට කලින් මේ ගෙදර පදිංචි වෙලා ඉන්න පවුල තමයි ඩිෆෝ කියන පවුලෙ. මේ පවුලෙ වැඩිමල් පුතාගෙ නම රොනල්ඩ් ඩිෆෝ ජූනියර්. මේ රොනල්ඩ් කියන්නෙ එච්චර හොඳ මනුස්සයෙක් නම් නෙවෙයි.

මේ රොනල්ඩ් කියන්නෙ උදේ ඉඳන් හවස් වෙනකම් බිබි ඉන්න මහ අමුතුම එක්කෙනෙක්. රොනල්ඩ්ට ඉන්නවා එයාට වඩා බාල සහෝදර සහෝදරියන් හතර දෙනෙක්. නංගිලා දෙන්නෙක් සහ මල්ලිලා දෙන්නෙක්. එයාලගෙ නම් තමයි ඩව්, ඇලිසන්, මාර්ක් සහ ජෝන් කියල කියන්නෙ. 1974 නොවැම්බඑ 13 වෙනිදා මේ ගෙදර මහ අමුතු දෙයක් වෙනවා. නිදාගෙන උන්න රොනල්ඩ් එකපාර බයවෙලා නින්දෙන් ඇහැරෙනවා. එහෙම ඇහැරෙන රොනල්ඩ් එයාගෙ තාත්තගෙ රයිෆල් එක තියෙන තැනට ඇවිදගෙන යනවා. එහෙම ගිහින් රයිෆල් එක අතට අරගෙන ඒකට උණ්ඩ පුරවන රොනල්ඩ් පිලිවෙලින් එයාගෙ අම්මයි තාත්තවයි, ඉන්පස්සෙ නංගිලා දෙන්නව සහ ඉන්පස්සෙ මල්ලිල දෙන්නව මරලා දානවා.

ඉන්පස්සෙ නිදාගන්න යන රොනල්ඩ් ආයෙ ඇහැරෙන්නෙ පස්සෙන්දා උදේ. එහෙම ඇහැරෙන රොනල්ඩ් උදේම බාර් එකට ගිහින් බොනවා. බොන ගමන් බාර් එකේ ඉන්න මිනිස්සුන්ට රොනල්ඩ් කියනවා තමන්ගෙ අතෙන් වෙච්ච අපරාධෙ ගැන. මේ විදියට රොනල්ඩ් කියන කතාව ගම්මු ගිහිල්ලා පොලිසියට කම්ප්ලේන් කරාම පොලිසිය ගෙදරට ඇවිල්ල මේක ඇත්තක් බව දැනගෙන රොනල්ඩ්ව අත් අඩංගුවට අරගන්නවා.

 රොනල්ඩ් පොලිසියෙදි කියනවා “ඔව් මම මගේ පවුලෙ හය දෙනාටම වෙඩි තියලා මරලා දැම්මා” කියලා. රොනල්ඩ් මෙහෙම කිව්වත් පොලිසියට හරි ප්‍රශ්නයක් ඇයි රොනල්ඩ් ඒ විදියට තමන්ගෙ පවුලෙ අයව මරලා දැම්මෙ කියලා. ඒක ගැන දිගින් දිගටම පොලිසිය රොනල්ඩ්ගෙන් ප්‍රශ්න කරන්න පටන් ගන්නවා. එතනදි රොනල්ඩ් මහ අමුතු කතාවක් තමයි කියන්නෙ.

“මට කාලයක් තිස්සෙ උදේ තුනයි කාලට ඇහැරෙන්න පටන් ගන්නවා. එහෙම ඇහැරෙන හැම වෙලාවකම මට ඇහෙනව කවුද මන්ද පිරිමි කෙනෙක් මට කියනවා මගේ පවුලෙ අයව මරලා දාන්න කියලා. නැත්තම් එයා මාව මරලා දානවා කියාඅ. මුලින් එයා එහෙම කිව්වට මම ඒක කරේ නෑ. ඒත් එන්න එන්න ඒ තර්ජනය වැඩිඋනා. එයාගෙ වචනෙ අහලා තමයි මම අද පාන්දර මේක කරේ” කියලා.

මේක ටිකක් විශ්වාස කරන්න අමාරු හන්දම පොලිසිය රොනල්ඩ්ව උසාවියට යොමු කරනවා. එතනදි රොනල්ඩ් ගෙ පැත්තට කතා කරන ලෝයර් කියනවා රොනල්ඩ් ට මානසික රෝගි තත්තවයක් තියෙන නිසා එයාව හිරේ නොදා මානසික රෝහලකට යවන්න කියලා. ඒත් මේක ඉතාම සාහසික මිනීමැරුමක් හන්දා විනිසුරුතුමා ඒකට එකග වෙන්නෙ නෑ. ඒ වෙනුවට එයා රොනල්ඩ් ට මරණ දඬුවම නියම කරනවා.

මේ කේස් එකේ අමුතුම කතා තව කීපයක් තියෙනවා. එකක් තමයි මේ මියගිය හැම කෙනාම මිය ගිහින් තියෙන්නෙ එකම ඉරියව්වකින් වෙච්ච එක. ඒ කිව්වෙ මුණින් අතට. එකම වෙලාවෙ, එකම ගෙදර, එකම පවුලෙ හය දෙනාම එකම විදියට නිදාගෙන ඉන්න එක ටිකක් අමුතු දෙයක්.

දෙවනි කාරණාව තමයි රොනල්ඩ් පිලිවෙලින් පිලිවෙලට එක එක්කෙනාව මරාගෙන එද්දි ජීවත්වෙලා උන්නු අනිත් අයට ඇහැරුනේ නැත්තෙ ඇයි? කියන එක. 

ඒ වගේම මේ මියගිය අය කිසිම මත් වෙන දෙයක් අරගෙන තිබ්බෙ නැති එකේ ඒ අයට ඒ විදියට නින්ද ගියේ කොහොමද කියන ප්‍රශ්නෙ තාම තියෙනවා. ඒ වගේම මේ වගේ වෙඩි සද්ද හයක් ඇහෙන්න ඕන තැනකදි උනත් වටපිටාවෙ උන්නු කිසිම කෙනෙක්ට ඒ සද්දෙ ඇහුනෙ නැත්තෙ ඇයි කියන එකත් තාම ප්‍රශ්නයක්.

ඉතින් මේ කතාව අවසන් වෙන්නෙ මේ වගේ උත්තර නැති ප්‍රශ්න ගොඩක් ඉතුරු කරලා. මේ අමුතු සිදුවීම් ඔක්කොම මූලික කරගෙන මේ ගැන චිත්‍රපට එකක් දෙකක් නෙවෙයි 40ක් විතර හැදිලා තියෙනවා. ඉතින් ඔන්න මේ වගේ බය හිතෙන ඇත්තක් පාදක කරගෙන හැදිච්ච ෆිල්ම් එකක් බලන්න ආස නම් අදම ඇමිටිවිල් ගැන හැදිච්ච ෆිල්ම් එහෙම හොයාගෙන බලන්න අමතක කරන්න එපා! 

ReplyForwardAdd reaction