වෙනස්ම රසයකට වෙනස්ම බීම

හැමදාම පලතුරු බීම එකම රසට බීල එපා වෙලා නම් හදල බලන්න එළවළු-පලතුරු බීම. ගෙදර අයව වගේම ගෙදරට එන අමුත්තන්ව පුදුම කරන්නටත් ඔබට හැකිවේවි. එළවළු සහ පලතුරු කන්නට හොර පොඩිත්තන්ටත් කදිම විසඳුමක් තමයි මේ.

බීට්, කැරට් සහ මිදි බීම

  • කුඩා බීට් ගෙඩි 5 (කුඩා කොළ කීපයක් තිබුණට කමක් නැහැ)
  • ලොකු කැරට් අල 1
  • ඇට නැති රතු මිදි කෝප්ප 2
  • අයිස් කැට

සාදා ගන්නා අයුරු-

සියලු පලතුරු සෝදා ගන්න. බීට් සහ කැරට් පොතු ඉවත්කර අඟල් 2 කැබලිවලට කපාගන්න. අයිස් කැට කිහිපයක් සමඟ හොඳින් බ්ලෙන්ඩර් කර උස් වීදුරුවකට දමා පිළිගන්වන්න.

අන්නාසි, කැරට් සහ දොඩම් බීම

  • කුඩා අන්නාසි ගෙඩි 1
  • ලොකු කැරට් අල 1
  • දොඩම් ගෙඩි 2
  • අයිස් කැට

සාදා ගන්නා අයුරු-

සියලු පලතුරු හොඳින් සෝදා ගන්න. අන්නාසි සහ කැරට් පොතු ඉවත්කර අඟල් 2 කැබලිවලට කපාගන්න. දොඩම් යුෂ සහ අයිස් කැට කිහිපයක් සමඟ හොඳින් බ්ලෙන්ඩර් කර අන්නාසි කැබැල්ලක් එක්ක ලස්සන  වීදුරුවකට දමා පිළිගන්වන්න.

මෙම ප්‍රමාණයන් 2-4 දෙනෙකුට පමණ පිළි ගන්වන්නට සෑහේ. මෙය අමුත්තන්ට පිළිගන්වන්නට පමණක් නොව කෑම පාලනය කරන අයටත් ආහාර වේලක් වෙනුවට භාවිතා කරන්නට කදිමයි.

– කල්හාරී –

Related Articles

Don't Miss



Latest Articles

ශරදාකාසේ -33

පංචලී පුතෙකු බිහි කළා ය. පෞද්ගලික රෝහලක සුව පහසු ලෙස ඒ අත්දැකීම විඳ ගන්නට ශාරද ඇය ට අවස්ථාව උදා කර දී තිබුණේ...

කුඩුකේඩුකම්

"අම්මේ,මම දැක්කනෙ දෙව්මි පිරිමි ළමයෙක් එක්ක බස් ස්ටෑන්ඩ් එකේ ඉන්නවා." චතුරි ගෙට ගොඩ වුණේ එහෙම කියාගෙන.විශ්ව විද්‍යාලයේ ඉඳලා කාලෙකට...

වැටකොළු පොතු අපතේ නොදා සැකසිය හැකි ආහාර

මේ බොහොම අසීරු කාල පරිච්ඡේදයක්.ගෘහණියන් හැටියට අපිට කිසිවක්ම අපතේ යවන්නට මේ කාලයේ බැහැ.එළවළු පිරිමසාගෙන ඉවුම් පිහුම් කරන්න අපි හුරු වෙන්න ඕනෑ.ඒ නිසාම...

හිමගිරි අරණ -18

"මම හිතුණොත් පාරමීට කියනවා මං ගැන බලාපොරොත්තු තියා ගන්න එපා කියලා." රවිඳුගේ ඒ වචන හිමාෂා තිගැස්මට ලක් කරන්නට සමත්...

(අ)හිමි සිහින -122

දින කිහිපයක්ම ඔබට අහිමි සිහින ගෙන එන්නට නොහැකි වීම ගැන මුලින්ම අපි ඔබෙන් සමාව ඉල්ලා සිටිනවා.යම් අපහසුතා කිහිපයක් නිසා තමයි ඔබ මඟ...