ජීවිතය යනු අප බලාපොරොත්තු වන ආකාරයෙන්ම ගෙවෙන්නක් නොවේ. අප බලාපොරොත්තු වන දේම ලබාදෙන්නක් නොවේ. සතුට කෙලවරක දුකක් ජායාවක්වත් නැතැයි කිව හැකි කෙනෙක් මෙලොව නැති බව ස්තිරය.
ජීවිතය අප නොහිතන මොහොතක, නොසිතු නොපැතු දේ කරන බව අප ජීවත් වීම තුලින්ම බොහෝ වර ඉගෙන ගෙන තිබේ.
එය දුගී දුප්පත් පැලක මිනිසෙකුට වුවත්, රාජ මාලිගයක රැජිනකට වුවත් පොදු බව අප දන්නවා නොවේද?
වේල්ස්හි කුමරිය වන කේට් කුමරිය පිළිකා රෝගයකින් පෙළෙන අතර ඇය ඒ පිළිබඳව සංවේදනාත්මක වීඩියෝ පටයක් ඔස්සේ ලෝකයට හෙලි කර තිබෙන බව අපි මේ වන විට හොඳින්ම දනිමු.
වසර ආරම්භයේදී ලන්ඩන් වල වෛද්‍ය සායනයක දී ඇය විශාල උදර ශල්‍යකර්මයකට භාජනය වූ අතරතුර ඉන් පසුව තමාට උදරයේ පිළිකාවක් ඇති බව අනාවරණය කරගත් බව කේට් මිඩ්ල්ටන් කුමරිය අනාවරණය කළාය.
42 හැවිරිදි කුමරිය කියා සිටියේ තම වෛද්‍ය කණ්ඩායම විසින් උපදෙස් දුන් පරිදි “Preventative Chemotherapy” ආරම්භ කිරීමට පෙර ශල්‍යකර්මයෙන් සුවය ලැබිය යුතු බවයි .
“මෙය ඇත්තෙන්ම විශාල කම්පනයක් ඇති කළ අතර, විලියම් සහ මම අපගේ පවුල වෙනුවෙන් කළමනාකරණය කිරීමට අපට හැකි සෑම දෙයක්ම කරමින් සිටිමු ,” ඇය තවදුරටත් මේ වීඩියෝ පටයෙදි පැවසුවාය.
මෙම පුවත රාජකීය පවුලට තවත් කුරිරු පහරක් වන්නේ වත්මන් රජු වන චාල්ස් රජු මෙන්ම අනාගත රැජින යන දෙදෙනාම පිළිකා රෝගයට එරෙහිව සටන් කරමින් සිටින නිසාවෙනි.
ප්‍රවෘත්තිය සහිත වීඩියෝව ප්‍රකාශ කිරීමෙන් පසු රජු තම ආදරණීය ලේලියට නිරෝගී සුවය පුද කළ අතර, ඇය කළ පරිදි කතා කිරීමට ඇති ධෛර්යය ගැන තමා ගැන ආඩම්බර වන බව පැවසීය.
නොනවතින කටකතා අන්තර්ජාලය හරහා ව්‍යාප්ත වීමත් සමඟ කේට්ගේ සෞඛ්‍ය තත්ත්වය පිළිබඳ විව්ධ කතාබස් සති ගණනාවක් අන්තර්ජාලය පුරා පැතිර ගියේය .
වේල්ස් හි කුමරිය වන කේට්, මෙම දුක්බර ආරංචිය පිලිගෙන තම දරුවන් වන 10 හැවිරිදි ජෝර්ජ් කුමරුට , 8 හැවිරිදි චාලට් කුමරියට සහ 5 ලුවී කුමරුට මේ බව සුදුසු පරිදි පැවසීමට කාලය අවශ්‍ය බව මාධ්‍ය වෙත පැහැදිලි කළාය. ඒ ලෝකයට දැනුම් දෙන්නට පෙර එය තම පවුලේ හිතවතුන් දැනගත යුතු බව පවසමින්.
“අපේ මුළු පවුලටම එය ඇදහිය නොහැකි තරම් දුෂ්කර මාස කිහිපයක් වූවා, නමුත් මා ගැන විශාල සැලකිල්ලක් දැක්වූ අපූරු වෛද්‍ය කණ්ඩායමක් මා සතුව සිටිනවා, ඒ සඳහා මම ඉතා කෘතඥ වෙනවා
ජනවාරි මාසයේදී, මම ලන්ඩනයේදී විශාල උදර ශල්‍යකර්මයකට භාජනය වූ අතර, එම අවස්ථාවේ දී, මගේ තත්ත්වය පිළිකාවක් නොවන බව මම සිතුවා.
ශල්‍යකර්මය සාර්ථකයි. කෙසේ වෙතත්, ශල්‍යකර්මයෙන් පසු කරන ලද පරීක්ෂණවලදී පිළිකාවක් ඇති බව සොයා ගන්නා ලදී. එබැවින් මගේ වෛද්‍ය කණ්ඩායම මට Preventative Chemotherapy කළ යුතු යැයි උපදෙස් දුන් අතර මම දැන් එම ප්‍රතිකාරයේ මුල් අදියරේ සිටිමි.
මගේ ප්‍රතිකාර ආරම්භ කිරීම සඳහා විශාල ශල්‍යකර්මයකින් සුවය ලැබීමට මට කාලය ගත විය.
නමුත්, වඩාත්ම වැදගත් දෙය නම්, ජෝර්ජ්, චාලට් සහ ලුවීට සෑම දෙයක්ම ඔවුන්ට සුදුසු ආකාරයෙන් පැහැදිලි කිරීමටත්, මම හොඳින් සිටින බව ඔවුන්ට සහතික කිරීමටත් අපට කාලය අවශ්‍ය වීමයි.
මම ඔවුන්ට පවසා ඇති පරිදි, මම සුවය ලබන අතර මට සුවය ලබා දෙන දේවල් කෙරෙහි අවධානය යොමු කිරීමෙන් සෑම දිනකම මම ශක්තිමත් වෙමි.”
අන්තර්ජාලය කැලඹූ මේ වීඩියෝව රූගත කර තිබෙන්නෙ පසුගිය බදාදා දිනයේ. පාස්කු ඉරිදා පාසල් නිවාඩුවෙ පලමු දිනයෙදි මෙය රූගත කර ඇති අතර එයට හේතුව වශයෙන් ඔවුන් පෙන්වා දී ඇත්තේ පාසල් යාම සමග රජ පවුලේ දරුවන් මේ ගැන අනවශ්‍ය ආකාරයකින් දැනගැනීමට ඇති ඉඩකඩ බව ආරංචි මාර්ග පෙන්වා දෙනවා.
කේට් කුමරිය විසින් කල මේ සිත් කම්පා කරන හෙලිදරව්වෙන් පසු ඇයට ලොව දස අතින්ම සුබ පණිවිඩ ගලා එමින් පවතී.
“අපි කේට් සහ පවුලේ අයට සෞඛ්‍යය සහ සුවය ප්‍රාර්ථනා කරමු, ඔවුන්ට පෞද්ගලිකව සහ සාමකාමීව එය කළ හැකි යැයි බලාපොරොත්තු වෙමු.” එම නිවේදනයෙන් පසු හැරී කුමරු සිය සොහොයුරා කරා පැමිණ ඇති බව වාර්තා වේ.
සියලුම පාර්ශ්වවල දේශපාලන නායකයින් කේට් වෙත අනුකම්පාව සහ සහයෝගය ප්‍රකාශ කර ඇති අතර, සමාජ මාධ්‍ය සහ ලොව පුරා මාධ්‍යවල අනවශ්‍ය සහ සාවද්‍ය පණිවිඩ හේතුවෙන් ඇය මුහුණ දී ඇති අපහසුතාවය අගමැති රිෂි සුනක් විවේචනය කර ඇත.
කේට් කුමරිය ජනවාරි මාසයේදී සති දෙකක් රෝහල් ගත කර ඇති අතර මාස කිහිපයක් සුවය ලැබීමට අපේක්ෂා කළ අතර පාස්කු ඉරිදා අවසන් වන තුරු නැවත නිල රාජකාරිවලට නොපැමිණේ.
“මම මගේ ප්‍රතිකාරය සම්පූර්ණ කරන අතරතුර පවුලක් වශයෙන් අපට දැන් යම් කාලයක්, ඉඩක් සහ පෞද්ගලිකත්වයක් අවශ්‍ය බව ඔබ තේරුම් ගනු ඇතැයි අපි බලාපොරොත්තු වෙමු.
ඔබ වෙනුවෙන් කල මගේ රාජකාරිය සැමවිටම මට ප්‍රීතියක් ගෙන දී ඇති අතර මට හැකි වූ විට නැවත පැමිණීමට මම බලාපොරොත්තු වෙමි, නමුත් දැනට මම සම්පූර්ණ සුවය ලබා ගැනීම කෙරෙහි අවධානය යොමු කළ යුතුය.” ලෙස ඇය වැඩි දුරටත් මේ වීඩියෝවෙන් ප්‍රකාශ කර තිබේ.
පිලිකාව වැනි රෝග සමග සටන් කරමින් දුක්විඳින සියලු දෙනාට ද උපහාර පුද කරමින් ඇය සිය ප්‍රකාශය අවසන් කළේ මෙසේ පවසමින්.
“මේ වෙලාවේ මමත් හිතන්නේ පිළිකාවෙන් පීඩාවට පත් වූ සියලු දෙනා ගැනයි.
මෙම රෝගයට මුහුණ දෙන සෑම කෙනෙකුටම කියන්නට තිබෙන්නෙ ඔබේ විශ්වාසය සහ ශක්තිය නැති කර නොගන්නා ලෙසයි. ඔබ ශක්තිමත්. ඒ වගේම ඔබ තනි නැහැ.”
ඉතින්,
එපරිද්දෙන්ම අපිත් ඇයට නිරෝගී සුවය සහ ඉක්මන් සුවය පතමු.
ආදරණීය කේට් කුමරියනි, පිළිකා මාරයා පරාජය කර නැවතත් සුපුරුදු සිනහවෙන් මාධ්‍ය හමුවට එන්නට, පවුල සමග ආදරයෙන් රැඳෙන්නට ඔබට ඉඩ ලැබේවායි අපි ප්‍රාර්තනා කරමු!
