චියා බීජ කියන්නේ තන්තු, ප්‍රෝටීන්, සෞඛ්‍ය සම්පන්න මේද සහ විවිධ අත්‍යවශ්‍ය විටමින් සහ ඛනිජ ලවණ වලින් පොහොසත් බීජ වර්ගයක්. බර අඩු කර ගැනීමට උත්සහ කරන අය අතර බෙහෙවින්ම ජනප්‍රිය මේ චියා බීජ විවිධ ආකාරයෙන් පරිභෝජනය කිරීමේ හැකියාව තියෙනවා.චියා බීජ බර වගේම ඔබේ බඩත් අඩු කර ගැනීමට හරියටම උපකාරී වන්නේ කොහොමද කියලා සහ සහ ඒවා ඔබේ දෛනික චර්යාවට ඇතුළත් කරන්නේ කොහොමද කියලා තමයි අපි ඔබට මේ ලිපියෙන් කරුණු ගෙන එන්නේ
චියා බීජ බර සහ බ අඩු කර ගැනීමට උපකාරී වන ආකාරය
ඉහළ තන්තු අන්තර්ගතය
චියා බීජ යනු තන්තු වල විශිෂ්ට ප්‍රභවයකි, අවුන්සයකට තන්තු ග්‍රෑම් 10 ක් පමණ (ග්‍රෑම් 28) චියා බීජ වල අඩංගු වෙනවා. බර අඩු කර ගැනීමේ ක්‍රියාවලියේදී තන්තු ඉතා විශාල කාර්යභාරයක් ඉටු කරන අතර ඒවා මගින් සමස්ත කැලරි ප්‍රමාණය අඩු කිරීමට ශරීරයට සහාය දක්වනවා. චියා බීජ ජලය සමඟ සම්බන්ධ වූ විට, ඒවා ජලයේ බර මෙන් 10-12 ගුණයක් දක්වා අවශෝෂණය කරගෙන ජෙල් වැනි ද්‍රව්‍යයක් සාදයි. මෙමගින් ඔබට කුසගින්න දැනීම මන්දගාමී වන අතර නිතර නිතර ආහාර ගැනීම වළක්වනවා.
ප්‍රෝටීන් වලින් පොහොසත් ය.
ප්‍රෝටීන් යනු බර කළමනාකරණය කර ගැනීමේ තවත් ප්‍රධාන සාධකයකි. චියා බීජ අවුන්සයකට ප්‍රෝටීන් ග්‍රෑම් 4 ක් පමණ අඩංගු වන අතර ප්‍රෝටීන් ආහාර රුචිය අඩු කිරීමට සහ පරිවෘත්තීය ක්‍රියාවලිය වැඩි කිරීමට උපකාරී වනවා. එමඟින් කැලරි පරිභෝජනය අඩු වී මේදය දහනය වීම වැඩි වනවා. චියා බීජ වැනි ප්‍රෝටීන් බහුල ආහාර ඔබේ ආහාර වේලට ඇතුළත් කිරීමෙන් ඔබ බර අඩු කර ගන්නා අතරතුර මාංශ පේශි ස්කන්ධය ආරක්ෂා කර ගැනීමටද උපකාරී වනවා.
තෘප්තිය සඳහා සෞඛ්‍ය සම්පන්න මේද
චියා බීජ යනු ඔමේගා-3 මේද අම්ල, විශේෂයෙන් ඇල්ෆා-ලිනොලනික් අම්ලයෙන් (ALA) පොහොසත් විශිෂ්ට ප්‍රභවයකි. මෙම සෞඛ්‍ය සම්පන්න මේද සමස්ත ශරීරයේම තෘප්තියට දායක වන අතර කුසගින්න වළක්වා ගැනීමට හේතු වනවා . ඔබේ ශරීරයට අත්‍යවශ්‍ය මේද ලැබෙන විට, අධික ලෙස ආහාර ගැනීමට හෝ සෞඛ්‍යයට අහිතකර ආහාර ගැනීමට ඇති ඉඩකඩ අඩුය.
රුධිර සීනි මට්ටම නියාමනය කිරීම
චියා බීජ රුධිර ප්‍රවාහයට සීනි අවශෝෂණය මන්දගාමී කිරීමෙන් රුධිරයේ සීනි මට්ටම නියාමනය කිරීමට උපකාරී වනවා. මෙමගින් රුධිරයේ සීනි වැඩිවීම සහ ඉතා අඩු වීම වළක්වා ගත හැකි අතර, එය බොහෝ විට කුසගින්න සහ අධික ලෙස ආහාර ගැනීමට හේතු විය හැක.නමුත් ස්ථාවර රුධිර සීනි මට්ටමක් පවත්වා ගැනීම මගින් ස්ථාවර ශක්තිය ප්‍රවර්ධනය කරන අතර සෞඛ්‍යයට අහිතකර කෙටි ආහාර ගැනීමේ සම්භාවිතාව‍ය ද අඩු කරයි.
සජලනය වැඩි කිරීම
චියා බීජ සැලකිය යුතු ජල ප්‍රමාණයක් අවශෝෂණය කර, ඔබව සජලනය කර තබා ගැනීමට උපකාරී වනවා. බර අඩු කර ගැනීමේ ඕනෑම ගමනක සජලනය පවත්වා ගැනීම අත්‍යවශ්‍ය අංගයක් ලෙස සැලකෙන අතර ජලය පරිවෘත්තීය ක්‍රියාවලිය, ආහාර දිරවීම සහ කුසගින්න පාලනය කිරීම සඳහා වැදගත් කාර්යභාරයක් ඉටු කරනවා.
දෛනිකව ලබා ගත යුතු චියා බීජ ප්‍රමාණය කොපමණද ?
ඔබේ දෛනික පරිභෝජනය සඳහා චියා බීජ ග්‍රෑම් 20 පමණ භාවිතා කිරීම ප්‍රමාණවත්. එම ප්‍රමාණය කුඩා යැයි හැඟෙන නමුත් ඒ කුඩා ප්‍රමාණය මගින් ඔබට ලැබෙන ප්‍රතිලාභ අසීමිත බව සැලකෙනවා.
බර අඩු කර ගැනීම සඳහා චියා බීජ භාවිතා කළ හැකි ක්‍රම මොනවාද ?
චියා පුඩින්
පලතුරු සමඟ
කැඳ , යුෂ වර්ග සහ ස්මූතීස් වලට එකතු කර
සලාද වලට එකතු කිරීම
ජලය සමග එකතු කර දවස පුරා පානය කිරීම
ෆලූඩා වැනි පාන වර්ග සමඟ
මේ ඕනෑම ආකාරයකට ඔබට දිනපතාම චියා ඇට පරිභෝජනය කළ හැකි වනවා. ඒ වගේම සති කිහිපයක් ඇතුළත ඔබේ බර වගේම බඩ අඩු වන ආකාරය ඔබට අත්දකින්නට හැකි වේවි.
 | ReplyForwardAdd reaction |
