සුවකළ නොහැකි නමුත් පාලනය කළ හැකි කාන්තාවන් අතර බහුල PCOS තත්වය

PCOS හෙවත් Polycystic Ovary Syndrome ලෙස හැඳින්වෙන්නේ කාන්තාවන් බොහොමයක් අතර පවතින හෝමෝනමය වෙනස් වීමක් නැතහොත් හෝමෝන අසමතුලිත බවක් නිසා ඇතිවන තත්වයක්. මෙය බහුලව වර්ථමානයේ කාන්තාවන් අතර දකින්න පුලුවන් තත්වයක්. ලංකාව තුල මේ පිළිබද නිසි සමීක්ෂණයකින් ලබා ගත් දත්ත නොමැති වුවත් කාන්තාවන් පස්දෙනෙකු අතරින් එක් අයෙකුටවත් මේ රෝගී තත්වය දැකිය හැකි බව වෙද්‍යවරුන් පවසනව.

සාමාන්‍ය නිරෝගී කාන්තාවකට සිදුවන ආකාරයට මාස්පතා ඩිම්බ මුදා හැරීමක් සිදුනොවීම මේ තත්වයට හේතු වනවා. බොහෝ විට PCOS හඳුනාගන්නේ අක්‍රමවත් ආර්ථවය නිසා පරීක්ෂා කිරීම හේතුවෙනි. නමුත් කල් ඇතිව මේ රෝගී තත්වය හදුනා ගැනීම හා පාලනය තුලින් බොහෝ ගැටලුකාරී තත්වයන් කාන්තාවන්ට මග හරවා ගන්න පුලුවන් . වැදගත් වන්නේ කල් ඇතිව හදුනා ගැනීමයි. ඒ සදහා රෝගලක්ෂණ පිළිබද දැනුම වැදගත් .

PCOS හි ලක්ෂණ මොනවාද?

එක් එක් කාන්තාවකගෙන් කාන්තාවකට මෙය වෙනස් වන්නට පුලුවන්. මෙහිදී අප කතා කරන්නේ පොදුවේ බහුතරයකගේ ප්‍රධාන රෝග ලක්ෂණයි. මේවායින් එකක් හෝ කිහිපයක් තිබිය හැකියි.

  • ඩිම්බ වල වතුර බිබිලි වැනි ස්වභාවය
  • පුරුෂ හෝමෝන ප්‍රතිශතය ඉහළ යාම
  • අක්‍රමවත් ඔසප් චක්‍රය හෝ ඔසප් නොවීම
  • ඔසප් වීමේදී අධික රුධිර වහනය
  • මුහුණේ,බඩෙහි,පපුවෙහි රෝම වැවීම
  • කුරුලෑ ඇතිවීම
  • සිරුරේ බර අධිකව වැඩි වීම
  • හිසකෙස් තුනී වී තට්ටය පෑදෙන්නට වීම
  • සම අඳුරු පැහැ වීම
  • බෙල්ල, පියයුරු යට අඳුරු පැහැ වීම.

මෙවැනි රෝග ලක්ෂණ කිසිවක් නොපෙන්වන කාන්තාවන් අතර වුවත් PCOS තත්වය තිබිය හැකියි.

PCOS තත්ත්වය ඇති වීමට හේතුව කුමක් ද?

මේ සඳහා නිශ්චිත හේතුවක් මේ වන විටත් සොයාගෙන නැහැ. එක් එක් අයගේ සිරුරේ ආකාරයට හේතුව වෙනස් වන්නට පුලුවන්.

ජානගත ව ඇති වන්නට පුලුවන්. බොහෝ විට මවගෙන් දියණියට ඇති වීමේ ඉඩකඩ සහිතයි.

ඉන්සියුලින් ප්‍රතිරෝධය බලපාන්නට පුලුවන්. නිසි පරිදි ඉන්සියුලින් ක්‍රියාත්මක නොවීම නිසා වැඩිපුර ඉන්සියුලින් අවශ්‍ය වීම මත ඩිම්බ කෝෂවලින් වැඩිපුර පුරුෂ හෝමෝන නිපදවනවා. මේ සඳහා බොහෝ විට සිරුරේ අධික බර හේතු වෙනවා.

වෛද්‍යවරු පවසන පරිදි සිරුරේ ඇතිවන ප්‍රදාහ තත්ත්වයක් මේ සඳහා බලපාන්නට හැකියාව තිබෙනවා. මෙයටත් සිරුරේ අධික බර හේතු වෙනවා.

PCOS ඔබට අහිතකර ව බලපාන්නේ කෙසේද?

  • සරු බව අහිමි වීම –ගර්භනී වන්නට නම් ඩිම්බ මුදාහැරීමක් සිදු විය යුතුයි. PCOS සරු ඩිම්බ මුදා හැරීම වළකනවා.
  • පරිවෘත්තිය රෝග වැළඳීම – PCOS සහිත බහුතරය අධික බරකින් යුක්තයි. අධික බර කොලෙස්ටරෝල්, අධි රුධිර පීඩනය, දියවැඩියාවට අත වනනවා. ඒ අනුව PCOS නිසා මේ රෝග වැළඳෙන්නට හැකියාව තිබෙනවා.
  • අඩු මාසයෙන් ගබ්සා වීම් ඇති විය හැකියි.
  • Endometrialn පිළිකා වැළඳීමේ සම්භාවිතාවක් තිබෙනවා.
  • විශාදය ඇති වන්නට පුලුවන්.

වැළකෙන්නේ කොහොමද ?

වසරක් ඔසප් චක්‍ර ගණන 8ට වඩා අඩුයි නම්, දිගින් දිගටම ඔසප් චක්‍රය අක්‍රමවත් නම්, බර අධිකව වැඩි වෙනවා නම්, අනවශ්‍ය රෝම වර්ධනය වැඩි නම්, ඔබ වෛද්‍යවරයෙකු හමු විය යුතුයි. ඔබ හමුවිය යුත්තේ Endocrinologist කෙනෙක්.

බොහෝ විට ඔබට ආහාර පාලනයෙන් බර අඩු කරගැනීම මගින් මෙම තත්ත්වය සමනය කර ගැනීමේ හැකියාව තිබෙනවා. එසේ නොවුණහොත් බෙහෙත් මගින් පාලනය කරන්නට පුලුවන්.

නිවැරදි ආහාර රටාවත්, ක්‍රමවත් ව්‍යායාම් සමග ක්‍රියාශීලී ජීවන රටාවක් ගෙනයාම මගින් ඔබට මෙවන් තත්ත්වයන්ගෙන් වැළකෙන්නට හැකියාව තිබෙනවා.

Related Articles

Don't Miss



Latest Articles

ඔබේ වේදනාව තරමටම තව කෙනෙකුගේ වේදනාව ගැනත් සංවේදී වෙන්න.

"මොකද නයනි බාම් සුවඳ? සනීප නැද්ද?" මම එහෙම අහගෙන මගේ පුටුවෙන් වාඩි වෙනකොට නයනි මං දිහා බැලුවේ හිනාවක් ආයාසයෙන්...

Intercourse නොකර උපරිම ලිංගික තෘප්තිමත් බවක් ලබා ගත හැකි ක්‍රම.

මේ ප්‍රශ්නය ඔයාගෙ ජීවිත කාලෙදි එක දවසක් හරි ඇවිත් ඇති. ඇත්තට ම ලිංගික තෘප්තිය ලබාගන්න යෝනි මාර්ගයට ශිෂ්ණය හෝ යම් උපකරණයක් ඇතුල්...

හිමගිරි අරණ -51

"ඔය කතාව ගැන කිසිම දෙයක් අම්මට කියන්න එපා.ඉස්සරලම පාරමීගේ ප්‍රශ්නෙ නිවෙන්න ඉඩ දෙන්න." දුමිඳු මල්ලිට එවන් අවවාදයක් ලබා දුන්නේ...

(අ)හිමි සිහින -147

සුධාරකට ප්‍රතිකාර කිරීම වෛද්‍යවරුන් ඔවුන්ට හැකි අයුරින් කරන වග දැන සිටියත් මම දිගින් දිගටම ඔහු වෙනුවෙන් ආශිර්වාදාත්මක පූජා පැවැත්වූවා.ඒවගේම මම කිසිම මොහොතක...

විනාඩි දෙකෙන් තනියම සාරිය අදින පහසුම ක්‍රමයක්

සාමාන්‍යයෙන් ඔසරිය made up කරලා ඇන්දට අපි සාරියක් made up කරන්නේ නෑ.ඒත් උස අඩු කෙනෙකුට වගේම සාරිය අඳින්න ඒ තරම් අකමැති කෙනෙකුට...
Click to Hide Advanced Floating Content
Click to Hide Advanced Floating Content