එක්වර ම ව්‍යායාම් නතර කිරීමෙන් ඔබට ලැබෙන අහිතකර ප්‍රතිඵල

ක්‍රමවත් ව ව්‍යායාම් කිරීම ඔබේ සිරුරට මෙන් ම මනසටත් බොහෝ ප්‍රතිලාභ ගෙන දෙන බව ඔබ දන්නවා. එහෙත් ඔබ එක්වරම ව්‍යායාම් නතර කළහොත් සිරුරට කුමක් සිදුවේද? එක්වර ම ව්‍යායාම් නතර කිරීමෙන් ඔබට ලැබෙන අහිතකර ප්‍රතිඵල ගැනයි මේ ලිපිය.

ඔබට විශාද ලක්ෂණ පහළ විය හැකියි.

ව්‍යායාම් කරන විට ඔබ තුළ පැවති ප්‍රබෝධමත් ස්වභාවය එක් වරම ව්‍යායාම් නතර කිරීමෙන් ඔබට අහිමි වෙනවා. මීට හේතුව වන්නේ ඔබ ව්‍යායාම් කරන විට තරම් රුධිර ප්‍රමාණයක් ව්‍යායාම් නතර කළ විට hippocampus ප්‍රදේශයට නොලැබී යාමයි. ව්‍යායාම් නවත්වා දින තුනකින් පමණ මෙසේ විශාද තත්ත්වයක් ඇති විය හැක්කේ එනිසායි.

ඔබේ රුධිර පීඩනය ඉහළ යා හැකියි.

ඔබ ව්‍යායාම් නතර කර සති දෙකකට පමණ පසු ඔබේ රුධිර නාල දැඩි වී රුධිර පීඩනය ඉහළ යන්නට පුලුවන්. මාස තුනකට පසු තවත් ප්‍රමාණයක් ද, වසරකට පසු බොහොම වැඩි ප්‍රමාණයක් ද මෙසේ රුධිර නාල දැඩි වීම සිදු වෙනවා.

රුධිරගත සීනි මට්ටම පාලනයෙන් තොර විය හැකියි.

ක්‍රමිකව ව්‍යායාම් කරන විට ඔබේ රුධිරයේ සීනි මට්ටම ස්ථාවර ව පවතිනවා. එනිසා බර වැඩිවීම, දියවැඩියාව සහ හෘද රෝග වැළඳීමේ අවදානම අඩුයි. එහෙත් ව්‍යායාම් නතර කළ විට මෙය බිඳ වැටෙනවා.

මාංශ පේශි හැකිලෙයි.

ව්‍යායාම් කරන විට මාංශපේෂි හොඳින් හැඩ ගැසී පිරිපුන් ව පවතිනවා. එහෙත් ඔබ හදිසියේම ව්‍යායාම් කිරීම නතර කළොත් ඒවා හැකිලෙන්නට පටන් ගන්නවා. එය කොන්දේ වේදනා, සන්ධි වේදනා ඇති කරන්නට සමත් වෙනවා.

සිරුරේ දරාගැනීමේ ශක්තිය හීන වෙයි.

ඔබ එක්වර ම ව්‍යායාම් නතර කළ විට, ක්‍රමවත් ව සිදු වූ බොහෝ අභ්‍යන්තර ක්‍රියා හදිසියේ බිඳ වැටෙනවා. මෙය ඔබේ හදවතට සහ පෙනහලු වලට කිසිසේත් ම යහපත් නොවෙයි.

ඔබේ බර අනවශ්‍ය ලෙස වැඩිවිය හැකියි.

ඔබ ව්‍යායාම් නතර කළ විගස බර වැඩි වන්නේ නැහැ. එහෙත් ඔබ පෙර ආහාර රටාවම ගෙන ගියහොත්, පෙර සේ කැලරි දහනයක් සිදු නොවන නිසා බර වැඩි වීම සිදු වෙනවා.

අස්ථි දුර්වල වෙයි.

ක්‍රමවත් ව්‍යායාම් අස්ථිවල ශක්තිමත් බව රැක දෙනවා. එමගින් ඔස්ටියෝපොරෝසිස් වැනි අස්ථි දුර්වල වීම නිසා ඇතිවන රෝගවලින් ද වැළකෙනවා. නමුත් එක්වරම ව්‍යායාම් නතර කිරීමෙන් මේ සියල්ල අහිමි වෙනවා. ඔබේ අස්ථි සවිමත් බව ඉක්මනින් ම අඩු වෙනවා.

සුවබර නින්දක් අහිමි වෙනවා.

ව්‍යායාම් මගින් ගතට මෙන් ම සිතට ද සුවදායක බවක් දැනෙනවා. එමෙන් ම පරිවෘත්තිය ක්‍රියා ද නිවැරදි ව සිදු වෙනවා. හදිසියේ ව්‍යායාම් නතර වීමෙන් ඔබේ සුවබර නින්ද ඔබට නැති වෙනවා. ඔබ වඩාත් තදින් ගොරවන බව පවා ඔබට දැනේවි.

එක්වර ම ව්‍යායාම් නතර කිරීමෙන් ඔබට ලැබෙන අහිතකර ප්‍රතිඵල මිස ඔබට ලැබෙන වාසියක් නම් නැහැ. කෙසේ හෝ දිනපතා නිසි පරිදි ව්‍යායාම් කරමින් ඔබේ සෞඛ්‍ය රැකගන්න.

Related Articles

Don't Miss



Latest Articles

සුන්දර නිය පෙළක් සඳහා නිවසේ දී ම කළ හැකි නොවරදින සත්කාර

කාන්තාවකගේ දෙපා වල මෙන්ම දෑත් වල සුන්දරත්වය සදහා නීරෝගිමත් නියපොතු ගොඩක් වැදගත්. හානි වුන නියපොතු නිසා ඔබේ දෑතේ මෙන්ම දෙපා වලත් සුන්දරත්වයටහානි...

ශරදාකාසේ -30

පවුලක් බිඳී යාම යනු  නීත්‍යානුකූල වූ බැඳීම් ලිහී යාමක් ම නොවේ. එහිදී ශරීරයක සියලු සෛල වල බිඳී යාමක් සිදු වේ. සිතක ක්ෂුද්‍ර...

කලගුණ

"පැතුම්,මේ මගේ යාළුවෙක්.රුවිනි.මෙයා මේ එක්සෑම් එකකට උදව් ගන්න කෙනෙක් හොයනවා" දිල්මි පැතුම්ට එහෙම කිව්වේ මිතුරිය හඳුන්වා දෙන ගමන්.මිතුරිය මේ...

හිමගිරි අරණ -15

"මම අද රවිඳුට කෑම එකක් ගෙනාවා.ඒ මනුස්සයා දවල්ට කන්නේ නෑ කියන්නේ." හිමාෂා හිස ඔසවා බැලුවේ පාරමීගේ පැමිණිල්ල ඇසී ය.පාරමීගේ...

සිරුරේ බර අඩු කරන සාර්ථක උපක්‍රම 8 ක්

ඕනම කාන්තාවක් කැමතියි තමන්ගේ ශරීරයේ අනවශ්‍ය බර අඩු කරගන්න. විශේෂයෙන්ම කාර්යබහුල ජීවිත ගත කරන කාන්තාවන්ට තියන ලොකුම ගැටලුව ව්‍යායාම කරන්න කාලයක් නැති...