වියළි කාලගුණයෙන් සම ආරක්ෂාකරගනිමු

වියළි කාලගුණික තත්ත්වය පරිසයේ වෙනස්කම් ඇතිකර තිබෙන්නේ යම්සේද ඔබේ සිරුරේද වෙනස්කම් රැසක් සිදුකර තිබෙන බව නොරහසකි. විශේෂයෙන් අපේ ඇසට පෙනෙන වෙනස්කම් ලෙස සමේ ඇතිවන වෙනස්කම් පෙන්වාදිය හැකිය.

සම වියළි ස්වභාවයක් ගැනීම, සම කැසීම, සම මතුපිටි ඉරිතැලීම, දද, එක්සීමා (Eczema) වැනි තත්ත්ව උග්‍ර වීම, අව්වට සම පිච්චීම හා දද ඇතිවීම, සමේ දහඩිය බිබිලි ඇතිවීම, සමේ කොරළ ඇතිවීම, තොල් වියළීම හා පැලීම, යටිපතුල් පැලීම හා කැසීම බොහෝ දෙනා අත්දකින සම මත ඇතිව තිබෙන තත්ත්වයක් කිහිපයක් මෙලෙස දැක්විය හැකිය.

කල් පවතින තුවාල හා දද වැනි තත්ත්ව උග්‍ර වීම යන තත්ත්ව දිනවල වියළි කාලගුණයත් සමඟ අඩු හෝ වැඩි වශයෙන් අත්විඳිනවා විය හැකිය. මෙය කාලගුණික වෙනස්වීම නිසා ඇතිවන තත්ත්වයක් ලෙස සලකා අවශ්‍ය ප්‍රතිකාර ලබානොගෙන සිටියහොත් ඔබට අත්විඳින්න සිදුවන තත්ත්වය තවදුරටත් බැරූරුම් විය හැකිය. ඒ නිසාම සමේ සිදුවන වෙනස්කම් පිළිබඳ සැලකිලිමත් වෙමින් ඒවාට අවශ්‍ය ප්‍රතිකාර ගැනීම වඩා වැදගත් වෙයි. තවද සමට සිදුවන හානි පෙර සිට වළක්වා ගැනීමට අවශ්‍ය උපක්‍රම අනුගමනය කිරීමටද ඔබ සැලකිලිමත් විය යුතුය.

ඒ සඳහා දිනකට පානය කරන ජල පරිමාව වැඩිකිරීම (දිනකට ජලය ලීටර 06ක් වත් පාලන කිරීම යෝග්‍ය වේ), ජලය මෙන්ම දියරමය පාන වර්ග වැඩිවශයෙන් පානයට ගැනීම, ඇඟ සේදීමට, නෑමට උණු ජලය භාවිතයෙන් වැළකී සාමාන්‍ය වතුර භාවිතයට ගැනීම, මෘදු සබන් වර්ග පමණක් භාවිතයට ගැනීම (මේ සඳහා ළදරු සබන් වර්ග භාවිතය ගත හැකිය), දිනකට තෙවරක් සම මත මොයිෂ්චර්යිසර් ක්‍රීම් (moisturizer cream) වර්ගයක් ආලේප කිරීම සහ තොල් වියළීම හා පැළීම වළක්වා ගැනීමට පැය දෙකකට වරක් වත් වැස්ලින් (vasaline) වැනි ආලේපනයක් ගැල්වීම සිදුකල හැකිය. යටි පතුල් පැළෙනවා නම් ඒ සඳහා හිතකර තෙල් සහිත ක්‍රීම් වර්ගයක් අලේප කිරීම (Emulsifying Ointment වැනි) භාවිත කළ හැකියි.

හිරු එළියට යන සෑමවිටම හිරු ආවරණ ක්‍රීම් (sun cream) වර්ගයක් අලේප කිරීමට වගබලා ගැනීම සහ තොප්පි, කුඩ වැනි අව්වෙන් ආරක්‍ෂා වීමට පාවිච්චි කරන ආවරණ පැළඳීම ඔබේ සම ආරක්ෂාකරදෙනු ඇත.

– කල්හාරී –

Related Articles

Don't Miss



Latest Articles

(අ)හිමි සිහින -233

අද විශේෂ දවසක්. ඔබ එක්ක මගේ ජීවිත කතාව මේ අවුරුද්ද පුරා මම බෙදාගත්තා. අනේක හැලහැප්පීම් කඩාවැටීම් නැගීසිටීම් දරාගැනීම් එක්ක ආපු මගේ ජීවිතබ්කතාවේ...

නිබ්බුත ගීත -30

මල්ලී හා මා අතරේ වසර තුනක පමණ වයස් පරතරයක් වේ. ඒ නිසා මා කුඩා කල පවා මට ඔහු දැනුණේ කුඩා දරුවෙකු සේ...

නිබ්බුත ගීත -29

මේ ජීවිතයට මම අතිශය ආදරය කරමි. ජීවත් වූ මේ කෙටි කාලයට ජීවිත සිය ගණනක් ජීවත් වූවා සේ මට දැනේ. එය දුක ද...

සුහදිනි – 78

ජය ඝෝෂා නැඟෙමින් තිබුණේ පරාජය පිළි නොගන්නා රසිකයන්ගෙනි.හඹා යා යුතු ඉලක්කය දිගු දුර එකකි.එහෙත් එය නොහැකි ඉලක්කයක් ද නොවේ.අහස් තමන්ගේ ඉනිම ඇරඹුවේ...

(අ)හිමි සිහින -232

මිනිස්සුන්ට විවිධ අදහස් මති මතාන්තර තියෙන්න පුලුවන්.ඒ මිනිස්සු රූපයෙන් පමණක් නොවෙයි අධ්‍යාපනයෙන් ආධ්‍යාත්මයෙන් මනුෂ්‍යත්වයෙන් ධනයෙන් බලයෙන් යසසින් ආදරයෙන්, කරුණාවෙන් වගේ  සියලු දෙයින්...