උයන පිහන විට සිදුවන පුංචි පුංචි අත්වැරදීම් වලට හොඳම විසඳුම් මෙන්න..

ලුණු වැඩි වුණොත් ?

උයන පිහන වෙලාවට සිදුවන අත්වැරැදි අතර කරියකට ලුණු වැඩිවීම ලොකු අවුලක්. වැඩිය කලබල වෙන්න එපා. අමු අල ගෙඩියක් පොතු හැරගෙන එයින් පෙත්තක් කපා කරියට දැමීමෙන් වැඩි වූ ලුණු ගතිය බොහෝ දුරට අවම කරගන්න පුළුවනි.

හොද්ද හෝ බත රොස් වුණොත් ?

හොද්දක්, බතක් රොස්වීම සුළුවට හිතන්න බැහැ. නහයට වුවද අපුල රොස් සුවඳත්, රොස් රසයත් අවම කිරීමට නොගෑ පොල් බෑයක් ගෙන හොඳින් සෝදා හොද්ද මත හෝ රොස් වූ බත් මුට්ටිය මත මුණින් අතට නමා තබන්න. බොහෝ දුරට රොස් ගඳ ඉවත් වේවි.

බත් ඇට එකින් එකට ඇලෙනවනම් ?

විශේෂයෙන් ම ෆ්‍රයිඩ් රයිස් හදන විට, සෝදා ගරා බඳුනට දැමූ හාල්වලට මාගරින් ටිකක් එක් කිරීමෙන් බත ලිහිල්ව සෞම්‍යයව ඒකට බැඳී නොසිටින සේ පිසගත හැකිය. ඒ විදියට සාදා ගන්නා ෆ්‍රයිඩ් රයිස් අලංකාරව මොළොක් ස්වභාවයෙන් පවත්වාගන්න පුළුවනි. වතුර වැඩිවීම නිසා බෙරි වූ බතක් උණුසුම පිට වන තුරු කූරු ගාමින් නිවෙන්නට තැබීමෙන් බෙරිබව සම්පූර්ණයෙන් ඉවත් නොවුණත් යම් කිසි මට්ටමකට ගැටළුව නිරවුල් ‍වේවි. බෙරි වී ඇත්තේ රතු කැකුළු බත් නම් ඇත්තටම ඔබ විය යුතු නැහැ. එය උණුසුම් ස්වභාවය ඉවත් වූ විට ඉතා ඉක්මණින් සාමාන්‍ය තත්වයට පත් කරගන්නට හැකිවේවි.

පරිප්පු කරිය රසට හදාගන්න බැරිනම් ‍‍?

කඩල පරිප්පු පිසින විට එහි තෙම්පරාදුවට තක්කාලි පෙත්තකුත් කොත්තමල්ලි කොළ කිහිපයකුත් දැමීමෙන් පරිප්පු කරියට රසය සහ සුවඳ සුවිශේෂී ව ලැබේ. මෙය ඉන්දියානු ගෘහණියන් අතර ජනප්‍රිය ක්‍රමයකි. මයිසූර් පරිප්පු කරිය සාදන විටත් කෑලි මිරිස් ස්වල්පයක් දමා ‍බටර් හෝ ඔලිව් තෙල් යොදා තෙම්පරාදු කරගන්නට හැකි නම් එය ඉතා රසවත් වේවි.

සිහින්ව පලා ලියාගන්න බැරිනම් ?

මැල්ලුම් ලියන්න සමහර ගෘහණියෝ අකැමැතියි. තවත් ගෘහණියෝ කාර්ය බහුලකම නිසා පලා වර්ග ආහාර වට්ටෝරුවෙන් ඉවත දමනවා. නමුත් පලා වර්ගයක වටිනාකම අමිලයි. කලවම් පලා කුඩා කොටස්වලට කපා මඳගින්නේ කිරෙන් තම්බාගන්න. ඉස්සර කලවම් පලා කිව්වම කුරිඤ්ඤං කොළ, මඤ්‍‍‍ ‍ඤාක්කා කොළ, තෝර කොළ, ගැට පලා, පැෂන් කොළ වාත භංග වාගේ දේවලුයි තෝර ගන්නේ. මෑ දලු, වට්ටක්කා දලු, දඹල දලු සහ කතුරුමුරුංගා දලුත් කලවම් මැල්ලුමට එක්කර ගන්න පුළුවනි. කොහොම වුණත් කොළ මැල්ලුම් හදන්න නම් කොළ සිහින්ව ලියාගන්න හුරුවෙන්න ම වෙනවා. මේ සඳහා හොඳින් කැපෙන පිහියක් භාවිත කරන්න. කොළ මිට අතට හසුවන ප්‍රමාණයට අල්ලා ගන්න. මුල් අදියරවල දී තරමක් සිහින් බවින් අඩු වුවත් ඔබ ඊට අත හුරු කරගත් පසු එය දුෂ්කර ඔබ සිතන තරම් දුෂ්කර කටයුත්තක් වෙන්නේ නැහැ.

මාළුවල පිළී ගඳ යවන්න බැරිද ?

කොයිතරම් සේදුවත් සමහර මාළුවල පිළී ගඳ යන්නෙ නැහැ. ඒ සඳහා මාළු පෙත්ත ලුණු, ගොරකා දවටා හොඳින් සෝදා පසුව මිරිකාගත් දෙහි යුෂ සහ ගොරකා යුෂ කහ සමඟ හොඳින් තවරා පැය භාගයක් පමණ තබන්න. (කාලය අවමයි නම් පැය කාලක් පමණ සෑහේ)

කුඩා මාළු කැඩිලා යනවද ?

කුඩා මාළු බදින විට හරි පරෙස්සම්ව එය කළ යුතුයි. කෙතරම් පරෙස්සම් වුවත් මාළු කුඩුවී යන අවස්ථා එමටයි. මේ සඳහා මාළු ‘සීසෙන්’ කරන විට දවට ගන්නා ලුණු, ගම්මිරිස්වලට කෝන් ෆ්ලෝ ද එකතු කිරීමෙන් මාළු කැඩී යෑම සිදු නොවේ. බදින විට එයට පාන්පිටි දැවටීම කරන්නේ නම් තවත් අපූරුවට මාළු බැද ගත හැකිය. එලෙස ම බැදපු මාළු නිකන්ම මේසයට තබනවාට වඩා කපාගත් තක්කාලි, මාළු මිරිස්, බී ලූනු පෙති මත තබා ගම්මිරිස් කුඩු ඉසීමෙන් කෑම මේසයේ අලංකාරය තවත් වැඩිකරගන්නට පුළුවනි.

– නිරංජලා –

Related Articles

Don't Miss



Latest Articles

කෑම පෙට්ටිය

“අම්මා මේ,” පාසැල් ගොස් මහන්සියෙන් මුත් සිනහසෙමින් පැමිණෙන දෝණි සුපුරුදු පරිදි කෑම පෙට්ටිය මට දිගු කරන්නේ මා ඒ ගැන...

වැඩිහිටියන්ගේ නොසැලකිලිමත්කම නිසා මිලිනව ගිය තවත් පුංචි මල් කැකුළක්.

බණ්ඩාරගම අටලුගම සිදු වූ අට හැවිරිදි පුංචි අයිෂාගේ ඝාතන අපරාධය මේ මොහොතේත් ලාංකිකයක් කම්පාවට පත් කිරීමට සමත්. මේ සටහනෙන්, ඒ සිදුවීමෙහි පසු...

හිමගිරි අරණ -20

"ඔයා කියන විදියට නම් වැඩ කරන්න බෑ රවිඳු.එහෙම ගිය මනුස්සයෙක්ට ආදරේ කරලා මොකටද?" පාරමී වහා එරෙහි වූවා ය.සහන් සමඟ...

ශරදාකාසේ -34

"විකාර නැතුව ඒ මහත්තයව බැඳපං පංචලී. මොන දේ වුණත් නීතියෙන් බැඳගන්න එකේ වාසිය ගැනයි හිතන්න ඕනෙ. මන් දන්න සෑම්පලේ ගෑනුනං හිතන්නෙ ඒ...

එයා වගේ යාළුවෙක්

“හායි! අසේලා” “හායි! හායි! ශානා ….ඔයාගේ ලස්සන…..” “ආ,ඔයා විතරයි මට ලස්සනයි කිව්වෙ.මග දිගට දකින දකින අය...