Shelbie Martin ඇමරිකානු කාන්තාවක්.shelbielenora පරිශීලක නාමය යටතේ TikTok හි බොහෝ විට රසවත් වීඩියෝ පළ කරන්නියක්. දරුවන් හතර දෙනෙකුගේ මවක් ලෙස ඇය සිය අත්දැකීම් සමාජ මාධ්‍ය හරහා බෙදා ගන්නා අතර බොහෝ නැරඹුම් ලබන වීඩියෝ පළ කරනවා.
කෙසේ වෙතත්, ඇයගේ ප්‍රකාශයක් සමඟ නරඹන්නන් එකඟ නොවීම නිසා ඇයගේ TikTok වීඩියෝවක් අනපේක්ෂිත ලෙස ප්‍රසිද්ධ වුණා. පසුව ඇය වෙනස් ලෙස සිතීමට හේතු වූ දේ බෙදා ගත්තා.
ඇය ජනවාරි 11 වන දින TikTok හි වීඩියෝව පළ කළේ අන් අය ප්‍රතිචාර දක්වන්නේ කෙසේද යන්න නොදැන. මිලියන 2ක් පමණ නැරඹූ ක්ලිප් එකේ ඇය ප්‍රේක්ෂකයින් සමඟ කතා කරන අයුරු දැකගත හැකි වූ අතර එහි මෙසේ සඳහන් වුණා.
“උපතේදී ඔබ මාව හෝ දරුවා බේරා ගැනීමට තෝරා ගත යුතු නම්, මාව බේරා ගන්න.”
මේ බව ප්‍රකාශ කිරීමෙන් මව අදහස් කළේ හදිසි අවස්ථාවකදී වෛද්‍යවරුන් ඇයව බේරා ගැනීමට අවශ්‍ය බවක්. ඇය දරුවාගේ ජීවිතය වෙනුවට තම ජීවිතය බේරා ගැනීමට කැමති නමුත් අනෙක් මව්වරුන් ඇගේ අදහසට එකඟ වූයේ නෑ.
මාටින් ඇගේ වීඩියෝව ඉතා ජනප්‍රියත්වයට පත් වනු ඇතැයි හෝ ඇගේ මතයට විශාල ප්‍රතික්‍රියාවක් ලැබෙනු ඇතැයි අපේක්ෂා කළේ නෑ. ඇයගේ පෝස්ට් එක යටතේ ඇති අදහස් දැක්වීම් වලින් පෙන්නුම් කළේ මිනිසුන් කණ්ඩායම් දෙකකට බෙදී ඇති බවක්. සමහරු මවට සහය දුන් සහ තවත් අය ඇගේ මතයට තදින්ම විරුද්ධ වුණා.
පහත් පෙළේ පණිවිඩ සහ කමෙන්ට්ස් ලැබීමෙන් පසු, මාටින් පැහැදිලි කළේ ඇගේ මතය ඇගේ මව අහිමි වීමෙන් පසු ඇගේ හැඟීම් මත පදනම් වූ බවක්. සමහර අදහස් ඉතා දරුණු වූ අතර, සිවුදරු මව සිතුවේ තම අදහස් ප්‍රසිද්ධියේ ප්‍රකාශ කිරීම සම්බන්ධයෙන් මෙතරම් වෛරයක් ලැබීමට සුදුසු නොවන බවයි. සැබෑවටම ඇය සයිබරයේ ගොදුරක් වෙමින් සිටියා.මාර්ටින් සිතන්නේ ළමයින් පිළිබඳ ඕනෑම මතයක් විවාදයක් ඇති කළ හැකි බවයි, ඒසෑම පුද්ගලයෙකුගේම හදවත් තුළ ළමයින් සඳහා මෘදු බවක් ඇති බැවින්.
ඇගේ මව අවසන් හුස්ම හෙළන විට ඇයට වයස අවුරුදු 18 ක් වූ අතර, එය ඇයට කිසිදා නැවත ජීවත් වීමට අවශ්‍ය නොවූ හද කම්පා කරවන මොහොතක් වූ බව ඇය පවසනවා.මේ අනුව, ඇයගේ අනෙක් දරුවන් හතර දෙනා වෙනුවෙන් ඇයව බේරා ගැනීමට වෛද්‍යවරුන් ක්‍රියා කළ යුතු බව ඇය සිතා තිබුණා. ඔවුන් තම මව අහිමි වීමේ කම්පනයට මුහුණ දෙමින් ඇය නොමැතිව ජීවිතය ගත කරනවාට ඇය කැමති වූයේ නෑ. ඒ වේදනාවේ තරම ඇය දන්නා බැවින්.
සමහර වේදනාවන් ගැන දන්නේ ඒවා අත් විඳි අයයි. ඒ නිසා කෙනෙකුව විනිශ්චය කරන්නට ඉක්මන් වන්නට එපා.
