බත රස කරන්නට රසවත් උම්බලකඩ සම්බෝල හදමු

කටට රසට කන්නට ප්‍රිය කරන ශ්‍රී ලාංකීකයනට උම්බලකඩ සම්බෝල නැතිවම බැරි කෑමක්.

අවශ්‍ය ද්‍රව්‍ය :

  • හොඳින් කුඩු කර ගත් උම්බලකඩ ග්‍රෑම් 400
  • දිගු අතට සිහින්ව කපා ගත් බී ළූණු ග්‍රෑම් 750 g
  • කුඩාවට කපාගත් සුදු ළුෑණු බික් 2
  • දෙහි ගෙඩියක යුෂ
  • කරපිංචා කොළ ස්වල්පයක්
  • අවශ්‍ය ප්‍රමාණයට කෑළි මිරිස්
  • කුරුඳු පොතු කැබැල්ලක්
  • තලාගත් කරදමුංගු කරල් කිහිපයක්
  • රස අනුව ලුණු
  • රස අනුව සීනි ස්වල්පයක්
  • බැදීමට තෙල්

සාදන අයුරු :

පළමුවෙන්ම ගැඹුරු භාජනයකට තෙල් වැඩිපුර දමා මද ගින්දරේ තබා තෙල් ටික රත් වු පසු එයට ළුෑණු වරකට ස්වල්පය බැගින් එක් කරමින් රන්වන් පාට වන තුරු බැද ගන්න. ළුෑණු සියල්ලම බැද ගත් පසු, එම තෙලටම කුරුදුපොතු, කරදමුංගු, සුදු ළුෑණු සහ කරපිංචා කොල ටික එක් කර ඉක්මනින් බැද ඉවතට ගන්න. අවසානයට උම්බලකඩ කුඩු ටික ද එක් කර ටික වේලාවක් බැදෙන්නට හරින්න. ටික වේලාවක් ගිය පසු එයට කෑළි මිරිස්, ලුණු දෙහි ඉස්ම දමා හොදින් කලවම් කර ගන්න. අනතුරුව රස අනුව සිනි ද දමා , කලවම් කර උම්බලකඩ සම්බෝල එක ලිපෙන් ඉවතට ගන්න. නිවෙන්ට හැර පිළිගන්වන්න. නැතිනම් පසුව ප්‍රයෝජනයට ගැනීම සඳහා ජීවාණුහරණය කරන ලද බෝතල් වල අසුරා ගන්න.

රසවත් දිව පිනා යන උම්බලකඩ සම්බෝල ඕනෑම කෑම වේලකදී බත්, පාන් හෝ රොටී වර්ග ආදී ඕනෑම ආහාරයක් රසවත් කර ගැනීම සඳහා යොදා ගත හැක.

– කල්හාරී –

Related Articles

Don't Miss



Latest Articles

සුහදිනී -71

"මමයි අම්මයි ඔයාට බෝධි පූජා තියන්න යන්නේ" සකී එක්තරා උදෑසනක අහස්ව අවදි කළේ එසේ කියමිනි.තරගාවලිය ඇරඹෙන්නට වැඩි දවස් නොවේ.අහස්ගේ...

නිබ්බුත ගීත -20

ප්‍රේමයේ වියෝගය පිළිබඳ කල්පනා මා ආතුර කොට තිබිණ. මධාරා අක්කා ගේ විවාහ මංගල්ලයෙන් පස්සේ දෙතුන් දිනක් ගෙවී ගියේ ඒ ඔත්පල වීම තුළ...

නිබ්බුත ගීත -19

ජීවිතයක් වෙනස් වන්නට එක නිමේශයක් ප්‍රමාණවත් ය. මධාරා අක්කා විවාපත් ව මදුරාපුර මැදුරෙන් නික්ම ගිය මොහොත මට ඒ වගේ නිමේශයකි.

අම්මාගේ ජීවිතය බේරා ගත් සිව් හැවිරිදි පුතා.

කුඩා ගේබ්ගේ පියා ඔහුව සහ ඔහුගේ මව වූ ඔෆීලියාව හැර යන විට ඔහුට වයස මාස නවයක් පමණයි.එදින සිට ඔෆීලියා ගේබ්ව ආදරයෙන් රැක...

සුහදිනි -70

සාරණ්‍යා උත්කර්ෂවත් විවාහ මංගෝත්සවයක් පවත්වා විවාහ වූවා ය.ඇය සතුටිනි.ඇයට අවශ්‍ය ලෝකය දිනා ගත් සතුට ඇගේ දෑස් මත පෙනෙන්නට තිබිණ.