කාන්තාවන්ටම වෙන්වූ නීති ගැන දැනුවත් වෙන්න!

සමාජය තුළ කාන්තාව යනු ශරීර ස්වභාවය අනුව පිරිමියාට වඩා දුර්වල චරිතයක් ලෙසයි සැලකෙන්නේ.මවකගේ මුදු ගුනය මිස හැඩි දැඩි අවයව සොබා දහම ඇයට ලබාදී නෑ. මේ නිසාම ඇය බොහෝ විට අතවරයට ලක්වන අවස්ථාවන් බොහොමයි. මේ නිසාම කාන්තාවගේ සුරක්ෂිතතාවය වෙනුවෙන් බොහෝ නීති සකසා තිබෙනවා. නමුත් ගැටලුව වන්නේ බොහොමයක් කාන්තාවන් ඒ පිලිබඳව නොදැන සිටීමයි. එවැනි දැනුවත් බවකින් සිටිනවා නම් නිවසේදී මෙන්ම මගතොටේදීත්, කාර්‍යාලයේදීත් ඇය කිසිවිටෙක ගොදුරක් නොවනු ඇති

ගෘහස්ථ  ප්‍රචණ්ඩත්වය වැලැක්වීමේ පනත

සමාජ අවශ්‍යතාවයන් සමග කලින් කලට නීතිමය කරුණු සම්පාදනයට ලක්වෙනවා. ගෘහස්ථ ප්‍රචණ්ඩත්වය  වැළැක්වීමේ පනත ද එසේ කාලීන අව්ශ්‍යතාවය සමග මෙරට නීති අතරට එක්වූ පනතක්. එමගින් කාන්තා අයිතිවාසිකම් දීර්ඝ ලෙස සාකච්ඡා කර තිබෙනවා.

1999 අංක 37 දරන නඩත්තු පනත

මෙයද ඉතාමත්ම වැදගත් පනතක්. විවාහවී සිටියදී ස්වාමිපුරුෂයා බිරිඳව නඩත්තු කිරීමේ කටයුතු පැහැර අරිනවා නම් ඊට එරෙහිව ගත හැකි නීතිමය කරුණු වඩාත් පැහැදිලිව මෙහි දක්වා තිබෙනවා. එසේම යම් අවස්ථාවක සැමියා නඩත්තු ගෙවීම පැහැර හැරියොත් ඒ සඳහා ගතහැකි නීතිමය පියවරද මෙහි පුලුල් ලෙස අර්ථ දක්වා තිබෙනවා. මේ වනවිට නඩත්තු පනත තවත් සංශෝධනය වී ඇති අතර එමගින් අවිවාහකව එකට ජීවත් වූ පිරිමියාගෙනුත් නඩත්තු ලබා ගැනීමට හැකිවීම දක්වා මෙම නීති පුලුල් වී තිබෙනවා.

දණ්ඩ නීති සංග්‍රහය

මෙහිදී කාන්තාවන්ට සිදු කරන ලිංගික හිංසනයන් සහ එවැනි ඕනෑම වරදකට දිය හැකි දඬුවම් පිලිබඳ සවිස්තරව දක්වා තිබෙනවා. බලහත්කාරය කාන්තාවන්ට එරෙහිව සිදු කරන දෙයක් ලෙස ගත්කල චලනය කිරීමක්, චලනය වීම නතර කිරීමක්, යම් ද්‍රව්‍යක් හෝ අවයවයක් කාන්තාවකගේ ශරීරයේ හෝ ඇඳ සිටින ඇඳුමේ ගෑවෙන්නට සැලැස්වීම හෝ ඇයගේ ස්පර්ශ සංවෙදනය කෙරෙහි බලපෑම් ඇති කරන කුමන හෝ දෙයක් සිදු කිරීම බලහත්කාරය පෑමක් වෙනවා. එවන් වරදක් සිදු කරන පුද්ගලයෙකු බරපතල වැඩ ඇතිව හෝ නැතිව බන්ධනාගාර ගත කිරීමක් හෝ දඩයකින් දඬුවම් පැමිණවීමක් සිදු කල හැකියි.

එසේම 1995 අoක 22 සංශෝධිත දණ්ඩ නීති සංග්‍රහයේ 363 ඉ වගන්තියට අනුව ස්ත්‍රියගේ වයස අවුරුදු දාසයට අඩුවන විට ඇයගේ කැමැත්ත ඇතිව හෝ නොමැතිව ඇය සමග ලිංගික සංසර්ගයේ යෙදීම ස්ත්‍රී දූෂණයක් ලෙස දක්වනවා. ඉහත පනත මගින් එම වරද සඳහා අවම දඬුවම ලෙස අවුරුදු හතක්ද උපරිමය අවුරුදු විස්සක් ලෙසද දක්වා තිබෙනවා.

මෙහීදී ලිංගික ප්‍රවේශයක් සිදුවීම මත හෝ ශරීරයට  බරපතල ලිංගික අපයෝජනයක් සිදුවීද යන්න වෛද්‍ය සාක්ශි මෙන්ම අදාල කන්තාවගේ ප්‍රකාශයන් මත තීරණය වනවා.

සමාජය හැම විටම දියුණු මිනිසුන්ගෙන් පිරී නැහැ. ඒ නිසාවෙන් ඔබ වෙනුවෙන් සැකසූ නීති පිලිබඳ ඔබේ දැනුවත් බවද ඔබේ ආරක්ෂාවට හේතුවනවා.

– චම්මි –

Related Articles

Don't Miss



Latest Articles

සුන්දර නිය පෙළක් සඳහා නිවසේ දී ම කළ හැකි නොවරදින සත්කාර

කාන්තාවකගේ දෙපා වල මෙන්ම දෑත් වල සුන්දරත්වය සදහා නීරෝගිමත් නියපොතු ගොඩක් වැදගත්. හානි වුන නියපොතු නිසා ඔබේ දෑතේ මෙන්ම දෙපා වලත් සුන්දරත්වයටහානි...

ශරදාකාසේ -30

පවුලක් බිඳී යාම යනු  නීත්‍යානුකූල වූ බැඳීම් ලිහී යාමක් ම නොවේ. එහිදී ශරීරයක සියලු සෛල වල බිඳී යාමක් සිදු වේ. සිතක ක්ෂුද්‍ර...

කලගුණ

"පැතුම්,මේ මගේ යාළුවෙක්.රුවිනි.මෙයා මේ එක්සෑම් එකකට උදව් ගන්න කෙනෙක් හොයනවා" දිල්මි පැතුම්ට එහෙම කිව්වේ මිතුරිය හඳුන්වා දෙන ගමන්.මිතුරිය මේ...

හිමගිරි අරණ -15

"මම අද රවිඳුට කෑම එකක් ගෙනාවා.ඒ මනුස්සයා දවල්ට කන්නේ නෑ කියන්නේ." හිමාෂා හිස ඔසවා බැලුවේ පාරමීගේ පැමිණිල්ල ඇසී ය.පාරමීගේ...

සිරුරේ බර අඩු කරන සාර්ථක උපක්‍රම 8 ක්

ඕනම කාන්තාවක් කැමතියි තමන්ගේ ශරීරයේ අනවශ්‍ය බර අඩු කරගන්න. විශේෂයෙන්ම කාර්යබහුල ජීවිත ගත කරන කාන්තාවන්ට තියන ලොකුම ගැටලුව ව්‍යායාම කරන්න කාලයක් නැති...