දරුවාට, පරිසරයට ආදරය කිරීමට කියාදෙමු

”මවුබිමට සිදුවන ඕනෑම හොඳක් හෝ නරකක් හෝ එහි ජිවත්වන දරුවන්ටත් උරුම වන්නේය.අප දන්නා පරිදි මේ මහපොළව මිනිසාට අයිති නැත.එහෙත් මිනිසා මහපොළවට අයිති වන්නේය.”  – සියැටල්

රතු ඉන්දියානු නායක සියැටල් පරිසරයට මහත් සේ ආදරය කල කෙනෙක්. පසු කාලයකදී ලොව පරසිදු වූ මේ ලිපිය වර්ෂ 1854 දී සියැටල් විසින් ඇමරිකා එක්සත් ජනපදයේ ජනාධිපතිවරයාට යවන ලද්දක් .මේ එයින් උපුටා ගත් කොටසක් .ඉතින් ඔබේ දරුවාට ඒ මහා පරිසර හිතකාමියා සියැටල් ගැන කියා දෙන්න.ඔහුටත් ඇයටත් පුංචි සියැටල් කෙනෙකු වියහැකි බව කියාදෙන්න.

”නිල් අහසත්,පොළවේ උණුසුමත්,විකිණීම හෝ මිලදීගැනීම සඳහා වූ ඔබගේ අදහස අපට නුහුරුය. සුළගේ නැවුම් බව හෝ ජලයේ කාන්තිය අපට අයිති නොවේනම් ඒවාට මිල නියම කිරීම හෝ මිලදී ගැනීමට ඔබට හෝ අපට හැකියාවක් නැත.අපගේ භූමියමිලදී ගැනීමට කැමැත්ත පළකරමින් ඔබ කරන ඉල්ලීම අපට දරාගන්නට නොහැක්කකි.ගංගා දිගේ ගලා බස්නා දිදුලන දියදහර හුදු ජලයම නොව අපගේ මුතුන්මිත්තන්ගේ රුධිරයයි.ගංගාවෝ අපගේ සොහෝයුරෝ වෙති.ඔවුහු අපගේ පිපාසය සංසිදුවති.අපගේ දරුවන් පෝෂණය කරවති. සුදු මිනිසුන් වන ඔබ අපගේ සිරිත් විරිත් නොදන්නා බව අපි දනිමු. ඔබට එක් බිම්කඩක් තවත් බිම්කඩකට වඩා වෙනස් නොවන බවද අපි දනිමු.භුමියේ තිබිය යුතු දේ පැහැරගෙන පලායන ඔබගේ මිනිසුන් මේ භූමියට පිටස්තරයෝ වන්නාහ. පොළොව ඔවුන්ට සහෝදරයකු නොව සතුරෙකි.භූමිය අත්පත් කරගැනීමෙන් පසු ඔහු එය අමතක කොට තවත් නැවුම් බිම් යටත් කර ගනිමින් ඉදිරියට ඇදෙති.ඔවුන්ගේ කෑදර කම විසින් මේ භුමියේ සාරය උරාබොනු ලැබීමෙන් පසු ඉතිරිවන්නේ හිස් කාන්තාරයක් පමණි.අපගේ සිරිත් විරිත් ඔබගේ සිරිත්

කියවන්න :  ඉන්දියානු ළඳුන්ගේ රූපලාවණ්‍ය රහස්
කියවන්න :  කුඩා දරුවන්ට පහසුවෙන් වැළඳෙන අවදානම් සහගත රෝගයක් ගැන දැනගන්න

විරිත් වලට වඩා වෙනස් වන්නේය.මවුබිමට සිදුවන ඕනෑම හොඳක් හෝ නරකක් හෝ එහි ජිවත්වන දරුවන්ටත් උරුම වන්නේය. අප දන්නා පරිදි මේ මහපොළව මිනිසාට අයිති නැත.එ හෙත් මිනිසා මහපොළවට අයිති වන්නේය.”

ක්‍රියාවට වඩා ආදර්ශය උතුම් බව අප දන්නවා. ඉතින් පළමුව ඔබ පරිසරය සමඟ ඒකාත්මික වන්න. දිනෙක ඔබේ දරුවාගේ යෝධ සෙවණැල්ල ඔබට සෙවණ සපයාවි.

– චම්මි –

Previous articleප්‍රියන්කා චොප්රාගෙන් ස්වාභාවිකව රුව රකින රහසක්
Next articleනාහෙට නාහන ලොකු පොඩ්ඩන්ව හීලෑ කර ගන්නෙ මෙහෙමයි
චම්මි ඉරේෂා කරපුටුගල
ශ්‍රී ජයවර්ධනපුර විශ්වවිද්‍යාලයේ ලේඛකත්ව සහ ජන සන්නිවේදනය පාඨමාලාව සමග ජාතික තරුණසේවා සභාවෙන් නිර්මාණාත්මක සංනිවේදනය ඇතුලුව රූපවාහිනී වැඩසටහන් නිෂ්පාදනය සහ වීඩියෝතාක්ෂණය හදාරා ඇත. රන්දිව ජාතික පුවත් පතේ විශේෂාංග ලේඛිකාවක ලෙසද,ශ්‍රී ලංකා සුමිත්‍රයෝ මෙල් මැදුර ආයතනයේ ප්‍රජා සංවර්ධන නිලධාරිනියක ලෙසද ,පිටපත් රචිකාවක ,වෙලද දැන්වීම් පිටපත් රචිකාවක ලෙසද අත්දැකීම් රාශියක් ලබාගෙන ඇත.ළමා පොත් 12කට ආසන්න ප්‍රමාණය ක් රචනා කර ඇති අතර ඉන් බොහොමයක් අන්තර්ජාතික සංවිධානය ක් වන රූම් ටු රීඩ් ආයතනය සමග සිදුකර ඇත.විනෝදාංශය ක් ලෙස කෙටි චිත්‍රපටකරණයේ නියැලෙනීය.