යුද ගිනි දැල්වලට මැදිවූ පුංචි මල් කැකුළු කියන කතාව

මාර්තු දහතුන්වැනිදා යුක්‍රේන කුඩා දැරියක් චීන New Federal State හි ගලවා ගැනීමේ කූඩාරමට පැමිණ තිබෙනවා.ඇය චිත්‍ර ඇඳීමට ප්‍රිය කරන සිඟිත්තියක්.NFSC හි සහෝදරවරුන් ඇයට චිත්‍ර ඇඳීමට උපකරණ ලබා දී තිබුණා. NFSC හි සහෝදරවරුන්ට දැරිය විසින් අඳින ලද චිත්‍රය දැරියගේ මව ඉදිරිපත් කර තිබුණා.එය හද සසල කරවන චිත්‍රයක්.

යුද ගිනි මැද යාඥා කරන කුඩා දරුවන්,තුවක්කුවක් අතැති සෙබලෙකුගෙන් ජීවිතය ඉල්ලන සාමාන්‍ය වැසියෙක්,සොල්දාදුවන්,සිවිල් වැසියන් සහ ලෝකය ගෝල තුනක් ලෙසත්, දෑත් අල්ලා ගත් රුසියා සහ යුක්‍රේන වැසියන් දෙදෙනෙකු ද ඒ චිත්‍රයේ සටහන්ව තිබුණා.මෙය යුද්ධයට විරුද්ධව අඳින ලද චිත්‍ර බව දැරියගේ මව පවසා තිබුණා.දරුවෙකුට යුද්ධය ගැන දැනෙන්නේ මොනතරම් අනාරක්ෂිත සහ බියකරු හැඟීමක්දැයි වටහා ගන්නට ඒ චිත්‍ර හොඳින්ම ප්‍රමාණවත්.

war

මේ චිත්‍රය නැරඹීමෙන් පසු එහි අදහස සහිතව I draw my life ලෙස ගීයක් ගයන්නට තවත් යුක්‍රේන දැරියක සමත් වී තිබෙනවා.යුද්ධය මොනතරම් බියකරුද යන්න ගීයකින් ගයන ඈ Ameli Tvit.මේ ගීය දැන් සීඝ්‍රයෙන් සමාජ ජාලා තුළ සංසරණය වනවා.ඇමේලි ළමා යූ ටියුබ් තරුවක්.ඇය වාසය කරන්නේ ඉතාලියේ වුවත් යුක්‍රේන යුද්ධයට මැදිවූ සිය සීයා ගැන කණගාටුවෙන් පසුවන දැරියක්.

“ලෝකය ප්‍රචණ්ඩ වී ඇත.එයට කිසිම අනාගතයක් නැහැ.”

ඇමේලි පවසන්නෙ සත්‍යයක්.බලාපොරොත්තු සහ සාමය ගිලිහී ගිය ලෝකයක දරුවන්ට අනාගතයක් ඉතිරි වී නැහැ.සෑම සිහිනයකම බිය පමණක් ඉතිරිව අවසන්.යුද ගිනි ඇවිලෙන ලෝකයක් තමන්ට ජීවිතය යහපත්ව පවත්වා ගනිමින් වැඩුණු මිනිසුන් වන්නට ඉඩ නොදෙන බව දැන් කුඩා දරුවන් පවා වටහාගෙන අවසන්.

යුද්ධයකට විරුද්ධ වීමට සෑම මිනිසෙකුටම හැකියි.මානව දයාව සහිත ලෝකයක් බිහි කිරීම වෙනුවෙන් එය සෑම දෙනෙකුම කළ යුතුම කාර්යයක්.නිර්මාණකරුවන්ට තමන්ගේ නිර්මාණ හරහා යුද්ධයට එරෙහිව බොහෝ දෑ කරන්නට පුලුවන්.කුඩා නිර්මාණකරුවන් පවා ඒ වෙනුවෙන් පෙරමුණ ගැනීම ඉතා වටිනා දෙයක්.පසුගිය දිනක ජීවිතය පරදුවටතබමින් පුටින්ට එරෙහිව විරෝධය ප්‍රසිද්ධියේ පළ කළ යුක්‍රේන මාධ්‍යවේදිනියගේ පසුපස මේ කුඩා දරුවන් ද පියමැන එමින් තිබෙනවා.

යුද්ධය නිසා ජයග්‍රහණයක් ලබන්නට නොහැකියි.එහි කිසිම වටිනාකමක් ද නැහැ.එය තවදුරටත් නොදැනුණු හැඟීමක් නම් ඇමේලි විනාඩි තුනක ගීයක් හඬමින් ගයන අයුරු අසා හිඳින්න යුක්‍රේන කුඩා දැරියගේ මේ සිතුවම දෙස මොහොතක් බලන්න.

There Is No Peace There Is No Love
When The Shot Of A Cannon
Breaks The Silence, Shakes The Night
And The World Closes Its Eyes

Life All Inside A Suitcase
Money In A Pocket But Not Full
Hope Left With Us …
And So …

මේ කුඩා දරුවන්ට යුධ ගිනි දැල් නොමැති ලෝකයක සතුටින් සැහැල්ලුවෙන් ජීවත් වීමට හැකි කාලයක් ඉක්මනින් උදාවේවා යන්න SmartLady අපේ පැතුමයි

Related Articles

Don't Miss



Latest Articles

සුහදිනි -76

ජයග්‍රහණය කියන්නේ උණුසුම් හැඟීමකට ය.අහස් උපදින්නටත් පෙර වසරක දිනා ගත් ලෝක කුසලානයක් මිසක ශ්‍රී ලංකාවට ලෝක කුසලාන හිමිකමක් නොවිණ.ඒ හිමිකම අත පොවන...

නිබ්බුත ගීත -26

මම සෑම ඍතුවක ම ජීවිතයට ආදරය කළ ගෑනු ළමයෙකු වීමි. කුස ගින්න ඇතුලු දරිද්‍රතාවයේ සියල් අංග අවි අමෝරා අප වට කොට ගත්දීත්...

(අ)හිමි සිහින -230

මිනිස්සු එකිනෙකා හා බැඳෙන්නේ හදවතින් මිස බාහිර උවමනා එපාකම් වලින් නෙවෙයි.ඥාති හිතමිත්‍ර කමක් වුණත් හටගන්නේ එහෙමයි. සුධාරකගේ වැඩිමල් සහෝදරිය...

නිබ්බුත ගීත -25

තාප්පය අයිනේ කහ පාට බෝඩරයක් ව දිස් වන තාරුකා මල් තීරය දිය බත් කර ගෙන වැස්ස වහිමින් තිබිණ. අලුතෙන් උදලු ගෑම නිසා...

රෝගී වූ ගුරුතුමිය අත් නොහැරි පන්තියේ දඟකාරයෝ

පන්තිභාර ගුරුතුමියට අම්මා මෙන් සලකන දරුවන් ඕනෑතරම් හිඳිනවා.එසේ වන්නට ඇය කළ එක් ක්‍රියාවක් ඕනෑවටත් වඩා ප්‍රමාණවත් වන්නට පුළුවන්.නව යොවුන් වියේ පසුවන දරුවන්...