ඉහළින්ම තියෙන ඔලුව රැකගමු නේද ?

හිසකෙස් තියෙන්නේ ලස්සනට පමණක් නෙවේ. හිස් කබලේ ආරක්ෂාවට, සිසිලසට හිස කෙස් ඉතාමත්ම වැදගත්. ඉතින් නිරෝගී කෙස් කළඹක් කියන්නේ නිරෝගී හිසක සහ නිරෝගී දිවි පැවැත්මක හිමි කරුවෙක් කියලා නොකියාම බැහැ. ඉතින් මෙන්න මේ සත්කාරයන් ඔබේ හිසට මනා රැකවරණක් ගෙන දේවි.

මුදවාපු කිරි හෝ යෝගට්

මුදවාපු කිරි හෝ යෝගට් වලට තුනෙන් එකේ අනුපාතයට දෙහි යුෂ කලවම් කරන්න. මෙම මිශ්‍රණය හොඳින් හිස්කබලේ තවරන්න. විනාඩි 15 පමණ පිරිමදින්න. සාමාන්‍ය ජලයෙන් සෝදන්න. හිස සෝදන විට මෘදු ෂැම්පු වර්ගයක් භාවිතා කරන්න.

තේ කුඩු සහ යෝගට්

යෝගට් හැඳි එකකට තේ කුඩු හැඳි එකක් ගෙන ස්ක්රබ් එකක් සකසා ගන්න. මෙය හිස් කබලේ හොඳින් තවරමින් සම්බාහනය කරන්න. හිස් හොරි, තෙල් කොටස් මින් ඉවත් වෙනවා. සතියකට වරක් කරන්න. විනාඩි පහලවක් පමණ හිසෙහි තබාගන්න.

දෙහි ලෙලි

යුෂ මිරිකා ඉවත් කළ දෙහි ලෙලි කුඩාවට කපා ගන්න. මඳ උණුසුම් ජලයට දමා තබා නිවුණු පසු ගල්වන්න.

වෙරළු කොළ සහ මී පැණි හෝ දෙහි යුෂ

කොළ හොඳින් කොටන්න. මී පැණි හෝ දෙහි යුෂ ටිකක් එක් කරන්න. හිසේ හොඳින් තවරා විනාඩි පහළවක් පමණ තබා සෝදා හරින්න.

සුදු ළුණු

සුදු ළුණු තලපයක් සේ සකසා ගන්න. දෙහි යුෂ බින්දු කිහිපයක් දමා හිස් කබලේ තවරන්න. හිස් හොරි වලට කදිම ප්‍රතිකාරයකි. එහෙත් තරමක දුර්ගන්ධයක් ඇත.

ඉතින් මේ ප්‍රතිකාර ඔබට නිරෝගී කෙස් කළඹක් වගේම නිරෝගී හිසක් ද දායාද කරාවි.

– ඉරේෂා –

Related Articles

Don't Miss




Latest Articles

Easy breakfast recipes – part 2

කාර්‍යබහුල ඔබට උදෑසනට ලේසියෙන්ම හදාගන්න පුළුවන් වගේම පොඩ්ඩන්ට උනත් ආසාවෙන් කන්න පුළුවන් easy breakfast recipes ගැන තමයි මේ ලිපියෙන් ඔබට කියන්නේ

දෑවැද්ද

" අම්මා කොහෙ යන්නද ලෑස්ති වෙන්නේ ? "සුජානි කාමරේට ආවේ ටික වෙලාවක ඉඳලා රම්‍යා පේන්න හිටියේ නැති නිසා.රම්‍යා...

සැරිසරන්නී – 13

මට මතක් වූයේ චමත්කා රවීන් ගැන උනන්දුවෙන් පසු වෙනවා කියා නංගී කී කතාව ය. චමත්කා නොව ලොව ඕනෑ ම ගැහැනියක එවන් පිරිමි...

නිලැසි -21

නොසැලකිලිමත් බැල්මක් අමුත්තන්ට වෙන් වූ කොටසේ ඒ මේ අත සක්මන් කරන තරුණයා දෙස නිම්න මොහොතක් බලා සිටියේ ය.වටිනා සන්නාම සහිත ඇඳුම් ඉතා...

අනුන්ගේ තීරණ.

"ඔයා කොහොමද අනේ තාරකා අඳුනන්නේ?"භාග්‍යා එහෙම අහනකොට නිමාලි කරමින් හිටිය වැඩෙත් නවත්තලා භාග්‍යා එක්ක හිනා වුණා.තාරකා එක්ක ෆේස්බුක්...