අපගේ නවීන ලෝකය සංකීර්ණත්වය සහ කාර්ය බහුලත්වය සහිත එකක් වන අතර, බොහෝ විට අපට සාමකාමී, සරල ජීවිතයක් ගත කිරීමට අවශ්‍ය වෙනවා. ජීවිතය සරල කරගැනීම හෝ “මිනිමලිස්ට්” ආකාරයට ජීවත් වීම යනු අපගේ කාලය, ශක්තිය, සහ ආධාරය වඩාත් වැදගත් කරනු ලබන ක්‍රමවේදයක් වන අතර, එය අපගේ මානසික, භෞතික, සහ සමාජීය ආතතිය අඩු කරගැනීමට උපකාරී වෙන බව අපි දන්නවා.
තොරතුරු තාක්ෂණයේ සහ සමාජ මාධ්‍යයේ ප්‍රවර්ධනය මඟින්, අපගේ කාලය සහ මානසික ශක්තිය පාලනය කිරීමට අපහසුකම් ඇති කරනවා. මෙවන් පසුබැසීමක් මැද, සරල ජීවිතයක් අපේක්ෂා කිරීම ඉතාම සාමාන්‍ය දෙයක්. සරල ජීවිතයක් පවත්වා ගැනීම කියන්නේ, අපගේ ප්‍රමුඛතාවන් හඳුනාගෙන, අවශ්‍ය නොවන කාර්යයන් සහ දේවල් ඉවත් කරමින්, සතුට සහ සාමය වැඩි කරගැනීම.
සරල ජීවිතයක් පවත්වා ගැනීමෙන් අධික ආතතියෙන් මිදීම, වඩාත් ශක්තිමත් සබඳතා පවත්වා ගැනීම සහ යථාර්ථව ජීවිතයට පූර්ණ අරුතක් ලබාදීම වැනි ප්‍රතිලාභ රැසක් ලබා ගන්න පුලුවන්. මෙවන් සරලකමක් ගෙන එන ජීවිතය අපගේ මානසික සහ භෞතික සෞඛ්‍යය පවත්වා ගැනීමට සහ වඩාත් ශක්තිමත් වෙමින්, දිනපතා ජීවිතය විඳිමින් විවේකීව ගෙවන්න ඉඩ හදනවා.
ජීවිතය සරල කරගන්නවා යන්නෙහි අදහස නිවසක නම් බඩු භාණ්ඩ අවම කර, ඉතාම සීමිත භාණ්ඩ ප්‍රමාණයක් භාවිතා කිරීම වැනි සරල ක්‍රියාවක්ම නෙවෙයි. සරල ජීවිතයකට අනවශ්‍ය දේවල් ගොඩ ගැසීමකර නොගත යුතු අතර එය භෞතිකව පමණක් නොවේ මානසිකවත් අදාල වන කරුණක්.
ඉතින් මේ ලිපියෙන් අද අපි බලාපොරොත්තු වන්නේ වඩා සරල ජීවිතයක් සඳහා ඔබ භෞතිකව සහ මානසිකව පුරුදු පුහුණු කරගත යුතු දේවල් මොනවද කියා ඔබත් සමග බෙදාහදා ගන්න.
1. සැලසුම් සහ ප්‍රමුඛතාවන් තීරණය කරන්න
දිනයකදි, සතියකදි හෝ මාසයකදි සම්පූර්ණ කර ගන්න ඕන කාර්යයන් ලියල ඒව ප්‍රමුඛතාවය අනුව අනුපිලිවෙලකට සකසන්න. මෙයට උදව් කිරීම සඳහා සැලසුම් සටහන් සහිත ගොනුවක් පාවිච්චි කරන්න. එමෙන්ම, ඔබගේ ඉලක්ක සහ මූලික අරමුණු තීරණය කරන්න. ප්‍රමුඛතාවන් අනුව පිලිවෙලකට සකස් කරමින් ඔබේ කාර්ය ලැයිස්තුව සරල කර ගැනීමෙන්, ඔබට ජීවිතය වඩා සරල කරගන්න හැකියාව ලැබෙනවා.
2. සීමාවන් පනවන්න
ඔබේ කාලය සහ ශක්තිය මනාව පාලනය කිරීම සඳහා, සීමා සහ කලාප තීරණය කරන්න. අලුත් කාර්යයන් සහ වගකීම් වලට “නැහැ” කියන හැකියාව පුරුදුවෙන්න. ඒ ඔස්සේ ඔබට පීඩා සහ ආතතිය අඩු මිනිමලිස්ට් ජීවිතයකට පහසුවෙන් යා හැකියි.
ජීවිතයට අනවශ්‍ය නොවන දේවල් හෝ කරුණු ඉවත්කර ගැනීම ඒ සඳහා වඩාත් ඉවහල් වෙනවා.
3. අවශ්‍යතා හඳුනා ගන්න
ඔබට අත්‍යවශ්‍ය නැති දේවල් සහ සේවා මඟ හැරීමෙන්, ජීවිතය සරල කර ගන්න පුලුවන්. එයට ඔබේ කබඩයේ ඇති ඔබ තවදුරටත් අඳින්නෙ නැති ඇඳුම් පැලඳුම් පවා ඇතුලත් වෙන්න පුලුවන්. ඒවා ඉවත් කිරීම හෝ හොඳ තත්ත්වයේ තිබේනම් කාට හෝ දීම ඔබේ ජීවිතය වඩාත් සරල කරනව වගේම මනසටත් යහපතක් කරනවා.
4. හදිසි නොවී ජීවිතය රසවිඳින්න
ඔබගේ ජීවිතය සුවිශේෂී නිමේශයන් සහ පුද්ගලයන් සමඟ කාලය ගත කරන්න අමතක කරන්න එපා. ඉක්මන් කරන්නේ නැතිව, වර්තමාන මොහොත හොඳින්ම විඳීම ජීවිතය වඩා සරල කරනවා.
5. තාක්ෂණ සීමා කරන්න
තාක්ෂණය අපේ ජීවිත සරල කරත්, එය සමහර විට අපගේ කාලය සහ මානසික ශක්තිය නිශ්පල දේවල්වලට යොදවන්න හේතුවක් වෙනවා. සමාජ මාධ්‍ය සහ තොරතුරු ආධාරක භාවිතාව සීමා කර, ඔබට ලැබී තිබෙන කාලය උපරිම අයුරින්, සතුටෙන් ප්‍රයෝජනයට ගන්න උත්සහ කරන්න. වටින පුද්ගලයින් සමග කතා බහ කරන්න හෝ පොතක් කියවන්න. නැතිනම් විනෝදාංශයක යෙදෙන්න.
6. පෝෂණය සහ සෞඛ්‍යසම්පන්න පුරුදු
පෝෂණය සහ නිසි අභ්‍යාසයන් පවත්වා ගැනීම ඔබගේ ශරීර සෞඛ්‍යය පවත්වා ගැනීමට උපකාරී වෙනවා. සරල, පෝෂණය සහිත ආහාර මෙනු සහ ව්‍යායාම සැලසුම් නිර්මාණය කර, ඔබට ඔබව ශාරීරිකවත් සෞඛ්‍යමත්ව තබාගන්න පුලුවන් වගේම සෞඛ්‍යමත් ජීවිතයක් ඔස්සේ මිනිමලිස්ට් ජීවිතයක් ගෙවන්න ඔබට ඇති අරමුණ ඉටු කරගන්න පුලුවන්.
7. විවේකය සහ විනෝදාංශ
විනෝදාංශ සහ විවේකය ජීවිතයට ලඟා කර ගැනීමෙන්, ඔබේ මානසික හා භෞතික සෞඛ්‍යය වඩාත් යහපත් වෙනවා. ඔබට සතුටක් ගෙන දෙන විනෝදාංශයක යෙදීම, පොතක් කියවීම, මල් වැවීම ආදිය ඔබේ මනසට ලබා දෙන ඔසුවක් බව අමතක කරන්න එපා.
8. තෝරාගත් සමාජ ජාලා
ඔබගේ සමාජ ජාලා පරිහරණ සීමා කිරීමෙන්, ආදරණීය සහ උපකාර කරන පුද්ගලයන් සමඟ කාලය ගත කිරීම වැඩිකරගන්න ඔබට පුලුවන්. ඔබගේ සමාජ ජීවිතය සරල කර ගැනීම, ආදරණීය සහ යහපත් සම්බන්ධතා ඇති කරනවා.
9. අත්‍යවශ්‍ය අවස්ථාවන් සැමරීම
ජීවිතයේ විවිධ අවස්ථාවන් සාපේක්ෂව සැමරීම ඔබේ ජීවිතයට අගයක් ලබා දෙයි. එය ඔබේ ජීවිතයේ සාමය සහ සතුට වැඩි කරන්නක්.
10. සැලසුම් සහ නායකත්වය
සාර්ථක සරල ජීවිතයක් සඳහා, සැලසුම් සහ නායකත්වය වැදගත්. ඔබේ ජීවිතයේ සරලකම පවත්වා ගැනීමට ඔබ එය දිනපතාව පුරුදු පුහුණු කරගත යුතු බව අමතක කරන්න එපා.
