“මේ ගසේ බොහෝ
පැණි දොඩම් තිබේ” කියල ඉස්සර පුංචි කාලෙ කිව්වා මතකද. හැබැයි අද මේ කතාකරන්නෙ යන්නෙ පැණි දොඩම් ගැන නම් නෙවෙයි, දොඩම් එහෙම නැත්තම් Orange ගැන. අපි හරි ආසයිනෙ මේ පැඟිරි රසයි පැණි රහයි එක්කට එක්කහු වෙච්ච දොඩම් කන්න බොන්න. රස හන්දා කෑවට දොඩම් කන එකෙන් ලැබෙන health benefits මොනවද කියල දැනගෙන හිටියද?
නැත්තම් ඔන්න අද ඔයාලට පුලුවන් මෙච්චර දවසක් රස හන්දා කෑව බීව දොඩම් වල තියෙන health benefits මොනවද කියල දැනගන්න.
දොඩම් කියන්නේ ගොඩක් වටින පළතුරක් කියල කියන්න පුලුවන්. ඒකේ විටමින් C නම් ශක්තිමත් පෝෂකයක් තියෙනවා, ඒක අපේ ශරීරයට ගොඩක්ම වැදගත්.
අපේ ශරීරයේ සෑම සෛලයකම DNA තියෙනවා. හැබැයි දවසින් දවස අපේ සෛලවලට හානි වෙන්න පුළුවන්. මේකට හේතුව තමයි free radicals කියලා කියන්නෙ. එය අපේ DNA වලට අහිතකර වෙනස්කම් කරනවා. එහෙම උනොත්, සෛල විකෘති වෙලා පිළිකා වගේ රෝග ඇතිවිය ඉඩක් තියෙනවා. දොඩම් වල තියෙන විටමින් C මේ free radicals උදාසීන කරල එයාලගෙන් අපේ සෛල වලට වෙන්න පුලුවන් බලපෑම අවම කරලා දානවා.
දොඩම් වල අඩංගු විටමින් C වල මීටත් වඩා තව health benefits තියෙනවා:
· අපේ අස්ථිවල රුධිර වාහිනී, මාංශ පේශි, කාටිලේජ සහ කොලජන් සාදයි..
· Inflammation වලට එරෙහිව සටන් කරන අතර ඇදුම, රූමැටොයිඩ් ආතරයිටිස් සහ පිළිකා වැනි තත්වයන්ගේ බරපතලකම අඩු කරයි..
· වෛරස් හා විෂබීජ වලින් ආරක්ෂා වීමට ශරීරයේ ප්‍රතිශක්තිකරණ පද්ධතිය වැඩිදියුණු කරයි.
· යකඩ අවශෝෂණය වැඩි දියුණු කරන අතර රක්තහීනතාවයට එරෙහිව සටන් කරයි .
· වයසට යාමත් සමඟ ඇතිවන අක්ෂි පරිහානිය (AMD) මන්දගාමී කරයි, එය පෙනීම නැති වීමට හේතු විය හැක.
· රුධිර පීඩනය සහ ආතති හෝමෝනය වන කෝටිසෝල් අඩු කරයි.
විටමින් C වලට අමතරව, දොඩම් වල අපේ ශරීරය නිරෝගීව තබා ගන්නා වෙනත් පෝෂ්‍ය පදාර්ථ අඩංගු වෙනවා.
තන්තු
දොඩම් වල ඇති තන්තු මගින් රුධිරයේ සීනි මට්ටම පාලනය කර ගත හැකි අතර හෘද වාහිනී රෝග වැළැක්වීම සඳහා අධික කොලොස්ටරෝල් අඩු කරයි.
කැල්සියම්
දොඩම් වල කැල්සියම් මිලිග්‍රෑම් 55 ක් පමණ අඩංගු වන අතර එය අපේ දෛනික අවශ්‍යතාවයෙන් 6% කි. මෙම පෝෂ්‍ය පදාර්ථය ශක්තිමත් අස්ථි ගොඩනැගීමට සහ අස්ථි සෞඛ්‍යය පවත්වා ගැනීමට වැදගත් වේ. එය සාමාන්‍යයෙන් කිරි නිෂ්පාදන වල බහුලව දකින්න ලැබුණත් නමුත් දොඩම් වැනි පලතුරුත් කැල්සියම් ලබාගැනීමට හොඳ ප්‍රභවයක්.
ෆෝලික් අම්ලය හෝ ෆෝලේට්
ෆෝලික් අම්ලය යනු ශරීරය DNA සෑදීමට සහ සෛල බෙදීමට භාවිතා කරන අත්‍යවශ්‍ය බී විටමින් වර්ගයකි. අපේ ආහාර වේලෙහි ප්‍රමාණවත් ෆෝලේට් නොමැති නම්, එය රුධිර රෝග, පිළිකා සහ උපත් ආබාධ පවා ඇති කළ හැකිය.
ස්වභාවික සීනි
මෙම සීනි වර්ගය කිරි, එළවළු, පලතුරු, ධාන්‍ය වර්ග සහ රනිල කුලයට අයත් බෝග වැනි සම්පූර්ණ ආහාර වල දක්නට ලැබේ. කෘතිම පැණි රස ආහාර වල ඇති සැකසූ සීනි මෙන් නොව, ස්වාභාවික සීනි වල කැලරි අඩු සහ පෝෂණ ප්‍රතිලාභ වැඩියි.
පොටෑසියම්
දොඩම් වල හෘද ස්පන්දනය සහ මාංශ පේශි ක්‍රියාකාරිත්වය නියාමනය කරන ඛනිජයක් වන පොටෑසියම් බහුල වේ. අධි රුධිර පීඩනය ඇති පුද්ගලයින්ගේ රුධිර පීඩනය අඩු කිරීමට එය උපකාරී වන බව පෙන්වා දී ඇත.
සිට්රික් අම්ලය
සිට්‍රස් පලතුරු වල අඩංගු ඇඹුල් සංයෝගයක් වන සිට්රික් අම්ලය ස්වභාවික කල් තබා ගන්නා ද්‍රව්‍යයක් ලෙසද භාවිතා කරයි. දොඩම් වල එය ඕනෑ තරම් අඩංගු වන අතර එය මුත්‍රාවල pH අගය වෙනස් කර කැල්සියම් ඔක්සලේට් ගල් හෙවත් වකුගඩු ගල් සෑදීම වළක්වයි.
පෝෂණය
එක් දොඩම් ගෙඩියක දෛනික නිර්දේශිත විටමින් C ප්‍රමාණයෙන් 100%ක් හෝ ඊට වැඩි ප්‍රමාණයක් අඩංගු වන අතර එය ඕනෑම සිට්‍රස් පලතුරකින් විටමින් C ලබාගත හැකි ඉහළම අගයයි:
- කැලරි 60 ක්
- මේදය ග්රෑම් 0 යි
- සෝඩියම් ග්රෑම් 0 යි
- සීනි ග්රෑම් 12 යි
- තන්තු ග්රෑම් 3 යි
- ප්‍රෝටීන් ග්රෑම් 1 යි
- විටමින් සී මිලිග්‍රෑම් 70 යි
- විටමින් A මයික්‍රොග්‍රෑම් 14 යි
· කැල්සියම් මිලිග්‍රෑම් 55 යි
· පොටෑසියම් මිලිග්‍රෑම් 237 යි
· කාබෝහයිඩ්රේට් ග්රෑම් 15.4 යි
දොඩම් කියන්නෙ විටමින් බහුල සහ සෞඛ්‍ය සම්පන්න ආහාරයක් වුණත් මධ්‍යස්ථභාවය ඉතා වැදගත් වෙනවා. ඒකට හේතුව වෙන්නෙ ඒවායේ අම්ල සාන්ද්‍රණය ඉහළ මට්ටමක පවතින අතර එය ආමාශයේ ගැටලුකාරී තත්ත්වයන් ඇති කරන්නට හේතුවෙන්න පුලුවන් නිසා.
මූලාශ්‍ර: https://www.webmd.com/diet/health-benefits-oranges
