උදේට සීතල වතුර නෑවොත්?

මේ දවස්වල තියෙන වැස්සත් එක්ක උදේ පාන්දර විතරක් නෙවෙයි, මහ රෑටත් අපේ කට්ටිය ෂවර් එක ඇරලා උණු වතුරෙන්ම නාන්න තමයි බලන්නේ.

හැබැයි ඔන්න අද නම් අපි කතා කරන්න යන්නේ ඒ කම්මැලි කම පොඩ්ඩක් පැත්තකට දාලා, උදේට සීතල වතුරෙන් නාන එකේ තියෙන පට්ටම වාසි ටිකක් ගැන! 

ඇත්තටම කිව්වොත්, අද කාලේ අපේ ඇඟවල්වලට ස්වභාවික උත්තේජනයක් ලැබෙනවා මාරම අඩුයිනේ. ඉස්සර වගේ ඇඟ මහන්සි කරලා වැඩක් පළක් කරන්නේ නෑ, ඒ මදිවට ඇඟට දැනෙන මේ සීතල, රස්නය වගේ දේවල් මඟහැරලා හැමෝම බලන්නේ සැපට ඉන්නමයි. හැමතිස්සෙම AC එක අස්සේ රිංගගෙන, නැත්නම් නාන්න යනකොටත් Hot water shower  එකක් ගන්නමයි අපේ කට්ටිය ට්‍රයි කරන්නේ.

හැබැයි ඉතින් දන්නවද? 

ඔය විදිහට හැමවෙලේම ඇඟට දැනෙන සීතල, රස්නය මඟහැරලා ඕනෑවට වඩා සැපපහසුවටම ඉන්න ගියාම ඒක අපේ තවත් නරක පුරුදුත් එක්ක එකතු වෙලා ඇඟ ඇතුළෙන්ම ලෙඩ වපුරන්න ගන්නවා. විශේෂයෙන්ම කිව්වොත් ඇටකටුයි, මස්පිඬුයි බුරුල් වෙලා යනවා, හාට් ඇටෑක් හැදෙන්න තියෙන ඉඩකඩ වැඩි වෙනවා, කැස්ස, හෙම්බිරිස්සාව වගේ බෝවෙන ලෙඩ සට සට ගාලා ඇඟට කඩා වදින්න මේක හොඳ චාන්ස් එකක් වෙනවා.

හැබැයි ඔන්න විද්‍යාවෙන් මේකට මරු උත්තරයක් හොයාගෙන තියෙනවා. උදේ පාන්දරම ඇඳෙන් නැගිටලා, කම්මැලි කම යන්න ඇඟ සට ගාලා ගසලා දාලා, Cold Shower එකක් යටට පනිනවා නම් ඒකෙන් අපේ ඇඟට සුපිරි ෂොක් එකක් හම්බවෙනවා.

මෙන්න මේ උදේ පාන්දරම සිද්ධ වෙන සීතල වතුර කම්පනය නිසා අපේ ශරීරයේ ලෙඩ රෝගවලට ඔරොත්තු දීමේ හැකියාව සහ ප්‍රතිශක්තිකරණය මාරම විදිහට ඉහළ යනවා! 

ඒ නිසා මේ වැස්ස දවස්වල තියෙන කම්මැලි කම පැත්තකට දාලා හෙට උදේට සීතල වතුරෙන් නාලා බලන්නකෝ. මුළු දවසම ගැම්මෙන්, ෆ්‍රෙෂ් එකේ ඉන්න පුළුවන් වෙයි!

උදේ ඇහැරෙනකොටත් ඇඟ සීතල වෙලා තියෙද්දී සීතල වතුරෙන් නාන්න ඕනෙද?

ඇත්තටම කිව්වොත්, උදේට ඇහැරෙද්දිත් ඇඟ ගැහෙන්න සීතල නම්, සීතල වතුර ෂවර් එකක් යටට යන්න අපේ හිත කොහොමටවත් ඉඩ දෙන්නේ නෑනේ. ඒකනේ අපි හැමෝම මොකක් හරි නිදහසට කරුණක් හොයලා ඒක මඟහරින්නම බලන්නේ!

හැබැයි ඇත්තම කතාව තමයි, උදේට සීතල වතුරෙන් නාද්දී මුලින්ම දැනෙන ඒ අපහසුතාවයට වඩා ඒකෙන් අපේ ඇඟට ලැබෙන වාසි කන්දරාව මාරම ඉහළයි. එක පාරක් ඕක පුරුදු කරගත්තොත්, දවස පුරාම ඔයාගේ අවධානය වගේම ඇඟේ තියෙන ශක්තිය මාරම විදිහට වැඩි වෙනවා ඔයාටම තේරෙයි.

ඉතින් මේ අලුත් චැලේන්ජ් එක ජය ගන්න ඔයාට උදව් වෙන්න පුංචි ට්‍රික්ස් කිහිපයක් මෙන්න:

• නාන්න යන්න කලින් හිතින් හිතන්න, “මාව නවත්වන්න කාටවත් බෑ” වගේ පොසිටිව් අදහසක්.
• හිතට මාරම ජවයක් දෙන, බීට් එක වැඩි සින්දුවක්) ප්ලේ කරන්න.
• ෂවර් එකට යන්න කලින් ඇඟ උණුසුම් වෙන්න පුංචි ශාරීරික ව්‍යායාමයක් (පුෂ්-අප්ස් හෝ ජම්පින් ජැක්ස් වගේ) කරන්න.
• මුලින්ම උණු වතුරෙන් නාන්න පටන් අරන්, නාලා ඉවර වෙන්න කිට්ටුව අන්තිම තත්පර කිහිපයේදී වතුරේ රස්නය අඩු කරලා සීතල වතුරෙන් නාන්න. ඊට පස්සේ දවස්වලදී ඒ සීතල වතුරෙන් නාන වෙලාව තත්පර 30ක් වෙනකම් හිමින් හිමින් වැඩි කරගන්න.

උදේ පාන්දරම සීතල වතුරෙන් නාන එක මුලින්ම ලොකු චැලේන්ජ් එකක් වගේ පෙනුණට, ඒකෙන් අපේ ඇඟටයි මනසටයි ලැබෙන වාසි ටික දැනගත්තොත් ඔයා හෙට ඉඳන්ම ඕක කරන්න පටන් ගනීවි. 

1. සීතල වතුරෙන් නෑවහම ඇඟේ එනර්ජි එක මාර විදිහට වැඩි වෙනවා

සීතල වතුරෙන් නානකොට අපේ ඇඟ ඇතුළේ තියෙන Brown Fat සක්‍රිය වෙනවා. මේ බ්‍රවුන් ෆැට් කියන්නේ අපේ ශරීරයේ සෞඛ්‍යයට නැතුවම බැරි සුපිරි මේද කොට්ඨාසයක්. ඉතින් උදේ පාන්දරම සීතල වතුරෙන් නාන්න පටන් ගත්තු අය කියන විදිහට, එයාලට ලැබුණු වාසි අතරින් ලොකුම දේ තමයි ඇඟට එකපාරටම ලැබුණු මාරම ගැම්ම සහ එනර්ජි එක! සමහරු මේක උපමා කරන්නේ එක පාර කෝපි කෝප්ප 3ක් බීවා වගේ දැනෙන සුපිරි ෆ්‍රෙෂ් ගතියකට.

ඇත්තටම විද්‍යාත්මකව බැලුවොත්, සීතල වතුර නිසා ඇඟට දැනෙන ඒ පොඩි ෂොක් එකෙන් අපේ මොළයේ තියෙන සෙරොටොනින් මට්ටම අඩු කරනවා. ඒත් එක්කම එක වෙලාවේදීම අපේ රුධිරයට එන්ඩොර්ෆින් සහ කෝටිසෝල් කියන හෝමෝන මට්ටම් ඉක්මනට ඉහළ නංවනවා. අන්න ඒ නිසයි කෝපි බොන්නේ නැතුවත් ඇඟට මාරම ජවයක් ලැබෙන්නේ!

2. මනස නිවනවා – මූඩ් එක ෆික්ස් කරනවා!

හුඟක් අය හිතන්නේ සීතල වතුරෙන් නෑවහම ඇඟට අමාරුයි කියලානේ. හැබැයි ඇත්තටම ඒ සීතල ෂොක් එකෙන් ඇඟට ලැබෙන පොඩි පීඩනය අපේ ශරීරයට මාරම ගුණදායකයි. විශේෂයෙන්ම මානසිකව වැටෙන එක, ඒ කියන්නේ Depression වගේ මූඩ් එක අප්සට් යන ලෙඩ රෝග එක්ක සටන් කරන්න මේක මරු උදව්වක්.

විද්‍යාත්මකව කිව්වොත්, ඇඟ සීතලට නිරාවරණය වෙද්දී අපේ ස්නායු පද්ධතිය සක්‍රිය වෙලා, ලේවල තියෙන බීටා-එන්ඩොර්ෆින් මට්ටම ඉහළ දානවා. ඒ වගේම මොළයේ තියෙන නෝරපිනෙප්‍රින් කියන රසායනය නිපදවීමත් වැඩි කරනවා.

තවත් වටිනාම දෙයක් තමයි, දිගටම සීතල වතුරෙන් නාන එක පුරුද්දක් කරගත්තොත් වයසට යද්දී හැදෙන ඇඟ හිරිවැටෙන සහ සෛල විනාශ වෙන දරුණු රෝග ඇතිවෙන එක සෑහෙන්න අඩු කරගන්න, නැත්නම් සම්පූර්ණයෙන්ම නතර කරගන්න වුණත් පුළුවන්!

3. ප්‍රතිශක්තිකරණ පද්ධතිය මාරම විදිහට ශක්තිමත් වෙනවා

2016 වසරේ කරපු ප්‍රසිද්ධ විද්‍යාත්මක පරීක්ෂණයකින් දෙයක් හොයාගෙන තියෙනවා. නිතරම වැඩට යන සේවකයෝ පිරිසක් එයාලගේ දින චරියාවට සීතල වතුරෙන් නෑම එකතු කරගත්තට පස්සේ එයාලා ලෙඩ නිවාඩු ගන්න ප්‍රමාණය 29% කින්ම අඩු වෙලා තියෙනවා!

තවත් සුපිරිම වැඩක් තමයි, මේ සීතල වතුරෙන් නෑමත් එක්කම දිනපතා පොඩි ව්‍යායාමයක් වගේ දේවලුත් එකතු කරගත්තහම, ලෙඩ වෙලා නිවාඩු ගන්න එක 54% ක් වෙනකම්ම අඩු කරගන්න පුළුවන් වෙලා තියෙනවා. ඒ කියන්නේ ඉතින් ලෙඩ රෝග හැදෙන එක හරි අඩකට වඩා අඩු වෙනවා කියන එකනේ!

4. ඇඟේ පරිවෘත්තීය ක්‍රියාවලිය වේගවත් කරනවා

සීතල වතුරෙන් නානකොට අපේ ඇඟ නොදැනුවත්වම ගැහෙන්න, හිරිවැටෙන්න පටන් ගන්නවානේ, අර අපි කියන්නේ කිරි කිරි ගාලා ගැහෙනවා කියලා.

ඇත්තටම ඒක අපේ ශරීරය විසින්ම ඇඟ ඇතුළේ උෂ්ණත්වය පවත්වාගන්න හදාගත්තු සුපිරි ක්‍රමයක්. මේ විදිහට ඇඟ ගැහෙනකොට සිරුර ඇතුළෙන්ම මහා විශාල තාපයක් නිපදවනවා. අන්න ඒ වෙලාවට ඇඟේ තියෙන කැලරි පිච්චෙන්න ගන්න නිසා අපේ ඇඟේ මහත්වීම පාලනය කරන පරිවෘත්තීය ක්‍රියාවලිය මාරම විදිහට වේගවත් වෙනවා!

5. ඇඟේ Antioxidants වැඩි කරලා, යුරික් ඇසිඩ් අඩු කරනවා

1990 ගණන්වල කරපු පරීක්ෂණවලින්ම හොයාගෙන තියෙනවා දිගටම සීතලට නිරාවරණය වෙනකොට ඇඟේ තියෙන යුරික් ඇසිඩ් මට්ටම කෙලින්ම අඩු වෙනවා කියලා.

සීතල වතුර නිසා ඇඟට ලැබෙන ඒ පොඩි පීඩනය හන්දා අපේ ශරීරය ලෙඩ රෝගවලට ඔරොත්තු දෙන විදිහට ඇතුළෙන්ම හැඩගැහෙනවා. ඒකෙන් ඇඟේ තියෙන විෂ නසන බලය උපරිම වෙලා, ලෙඩ රෝගවලට වැට බඳින්න මරු ප්‍රතිශක්තියක් හැදෙනවා.

ඒ විතරක් නෙවෙයි, සමහර අලුත් පරීක්ෂණවලින් තහවුරු කරලා තියෙනවා සීතල වතුරෙන් නෑම පිරිමින්ගේ ප්‍රජනන හැකියාව නැත්නම් සාරවත් බව ඉහළ නංවන්නත් ලොකු උදව්වක් වෙනවා කියලා!