පාසල් අධ්‍යාපනය අඩාල වුවත් උපාධිය දක්වාම ඔබ ගෙන යන ජාතික වෘත්තීය පුහුණු මධ්‍යස්ථානය

රැකියා විරහිතබව වර්තමාන තරුණ පරපුර දැවෙන ප්‍රශ්නයක් බවට පත් වෙලා තිබෙනවා. බොහෝ පිරිස් රැකියා විරහිතවීම පිළිබඳ රජයට චෝදනා කිරීම නිතර දකින්නට පුලුවන්. එහෙත්, රැකියා විරහිත වීමේ වගකීම වෙනත් පාර්ශවවලට පවරන්නට පුලුවන් ද? රැකියාවක් සඳහා අධ්‍යාපනයටත් වඩා අවශ්‍ය වන්නේ වෘත්තීය පුහුණුවයි. ඒ සඳහාම වෙන් වූ ආයතනයක් ලෙස ජාතික වෘත්තීය පුහුණු අධිකාරිය හඳුන්වන්නට පුලුවන්. මේ සටහන ඒ ගැනයි.

ජාතික වෘත්තීය පුහුණු මධ්‍යස්ථානය කියන්නේ මොකක්ද?

මෙය වෘත්තීය පුහුණුවක් ලබාගන්නට අවශ්‍ය ඕනෑම කෙනෙක්ට නොමිලේ පාඨමාලා හැදෑරිය හැකි රජයේ ආයතනයක්. සුදුසුකම් සහිත ඇදුරු මඩුල්ලකින් සමන්විත මෙම ආයතනය මගින් න්‍යායික පුහුණුවත් ප්‍රායෝගික පුහුණුවත් යන දෙකම ලබා දෙනවා.

මේ ආයතනය කා සඳහා ද? 

පාසල් හැර ගිය – තමන් කැමති ක්ෂේත්‍රයකින් වෘත්තීය පුහුණුව ලබාගැනීමට අවශ්‍ය ඕනෑම අයෙකුට මේ පාඨමාලා සඳහා සහභාගී විය හැකියි. ඔබ හය වසර සමත් වුවත් , උසස් පෙළ දක්වා ඉගෙන ගත්තත් ඔබට හැදෑරිය හැකි පාඨමාලා ක්ෂේත්‍ර 18ක් ඔස්සේ පාඨමාලා 81ක් මෙහි තිබෙනවා.

මේ ආයතනය තිබෙන්නේ කොහේද? 

උතුරු නැගෙනහිරත් ඇතුලුව ලංකාව පුරා සෑම ප්‍රධාන නගරයක ම පාහේ මධ්‍යස්ථාන 213ක් තිබෙනවා. 

පාඨමාලා ගාස්තු කොච්චරද? 

මෙම පාඨමාලා සඳහාකිසිදු ගාස්තුවක් අය කරන්නේ නැහැ. සම්පූර්ණයෙන් ම නොමිලේ. ලොව ඇති දියුණු ම තාක්ෂණයක් වන රොබෝ තාක්ෂණය වුවත් ඔබට නොමිලේ හදාරන්නට පුලුවන්.

පාඨමාලා මට්ටම් ගැන දැනගනිමු

ඔබට මෙහිදී NVQ level එසේත් නැතිනම් ජාතික වෘත්තිය පුහුණු සුදුසුකම් මට්ටම් 4, 5, 6 යන ඒවා ළඟා කරගැනීමේ හැකියාව තිබෙනවා. මට්ටම් 4 යනු උසස් පෙළ මට්ටමයි. මට්ටම් 5 ඩිප්ලෝමා මට්ටමයි. මට්ටම් 6 යනු උසස් ඩිප්ලෝමා මට්ටමයි. මේ මට්ටම් තුන ම මෙහිදී ලබාගත හැකියි. 

මෙයින් ඔබට ඉගෙන ගැනීමට වන්නේ පාඨමාලාව පමණක් ද? 

මෘදු කුසලතා ලෙස සැලකෙන නායකත්වය වැනි කුසලතා ද, ඉංග්‍රීසි සහ පරිගණක දැනුම ද වැඩි දුරටත් ඔබට මෙයින් ලැබෙනවා.

ඔබට අවශ්‍ය ඔබේ ම ව්‍යාපාරයක් ද?

ඔබට ස්වයං රැකියාවක් හෝ ආරම්භ කිරීමට අවශ්‍ය නම් දින අටක වැඩමුළුවක් පවත්වා සහන පොළියක් යටතේ බැංකු ණය පහසුකම් ලබා දෙන්නටත් මෙම ආයතනය කටයුතු කරනවා.

රැකියා විරහිත වීම පිළිබඳ කණස්සලු වීම නිමා කරන්නට කාලය දැන් එළඹිලා. ජාතික වෘත්තීය පුහුණු මධ්‍යස්ථානය හා එක්ව ඔබේ අනාගතය ඔබට අවශ්‍ය අන්දමින් නිර්මාණය කරගන්න.

ජාතික වෘත්තීය පුහුණු අධිකාරියේ මාධ්‍ය ඒකකය හා කළ සාකච්ඡාවක් ඇසුරෙනි.

Related Articles

Don't Miss



Latest Articles

ඔබ දකින සිහිනවලින් හෙළිවන අරුම පුදුම අනාවැකි

ඔබේ පරණ පෙම්වතා හෝ කාර්‍යාලයේ ප්‍රධානියා සමග ලිංගිකව හැසිරෙනු සිහිනෙන් දුටුවා ද ? ලිපිය අවසන් වන තෙක් කියවා සිහිනයේ පලාපල දැනගන්න.

ආකර්ෂණීය පියයුරු සඳහා ඔබට ගැළපෙන Bra එක නිවැරදිව තෝරා ගන්නා ක්‍රමය.

70% ක් පමණ කාන්තාවන් තමන්ගේ ප්‍රමාණයට වඩා කුඩා බ්‍රා අඳින බවත්, 10%ක පිරිසක් ප්‍රමාණයට වඩා විශාල බ්‍රා අඳින බවටත් සොයාගෙන තිබෙනවා....

සීත මාරුතේ -38

අපට අප වටා පවත්නා ලෝකය නතර වී ඇතිවා සේ දැනෙනා නිමේෂයන් උදා වන්නේ ය. ඒ මොහොත තුළ පවත්නේ අප පමණකි. වෙනත් සජීවී...

ඔබේ වේදනාව තරමටම තව කෙනෙකුගේ වේදනාව ගැනත් සංවේදී වෙන්න.

"මොකද නයනි බාම් සුවඳ? සනීප නැද්ද?" මම එහෙම අහගෙන මගේ පුටුවෙන් වාඩි වෙනකොට නයනි මං දිහා බැලුවේ හිනාවක් ආයාසයෙන්...

Intercourse නොකර උපරිම ලිංගික තෘප්තිමත් බවක් ලබා ගත හැකි ක්‍රම.

මේ ප්‍රශ්නය ඔයාගෙ ජීවිත කාලෙදි එක දවසක් හරි ඇවිත් ඇති. ඇත්තට ම ලිංගික තෘප්තිය ලබාගන්න යෝනි මාර්ගයට ශිෂ්ණය හෝ යම් උපකරණයක් ඇතුල්...
Click to Hide Advanced Floating Content
Click to Hide Advanced Floating Content