මුත්‍රා වල පැහැයෙන් හෙළි වෙන ඔබේ සිරුරේ ඇති රෝගාබාධ ගැන කලින්ම දැනුවත් වෙමුද?

බොහෝ රෝග තත්ත්ව වලදී අනිවාර්යයෙන්ම මුත්‍රා සාම්පලයක් පරීක්ෂා කිරීම සාමාන්‍ය දෙයක්.ඉතින් ඒ වගේ ම මුත්‍රා වල වර්ණය ද ශරීරය ගැන අනාවැකි රැසක් කීමට සමත් වෙනවා කියලා ඔබ දන්නවා ද?

මුත්‍රා වල පාට වෙනස් වෙන්නේ ඇයි ?

මේ සඳහා හේතු කිහිපයක් තියෙන්න පුළුවන්.

1.පානය කරන දියර ප්‍රමාණය අඩු හෝ වැඩිවීම නිසා.
2.ආහාර වල ඇති ස්වභාවික හෝ කෘතිම වර්ණක නිසා
3.සමහර ඖෂධවල බලපෑම නිසා
4.රෝගී තත්වයක් නිසා

වර්ණය අනුව හෙළි වෙන දේ

කිසිම වර්ණයක් නැති ,වතුර වැනි.

ඔබ අධිකව ජලය හෝ දියර පානය කරනවා නම් මුත්‍රා අවර්ණ වෙන්න පුළුවන් .සාමාන්‍යයෙන් සිදු වෙන්නේ එයයි .නමුත් ඉතාමත් කලාතුරකින් මොළයේ සිදුවන අනතුරක් හෝ වෙනසක් නිසා වකුගඩු ආශ්‍රිතව සිදුවන ආපදාවක් නිසා ඔහු හෝ මුත්‍රා නිෂ්පාදනයේ වැදගත්ම හෝමෝනයක් වන ADH නිෂ්පාදනය නොවීම නිසාත් මුත්‍රා අවර්ණ වෙන්නට පුළුවන් .

ළා දුඹුරු පැහැය.

දිනකට අවශ්‍ය දියර ප්‍රමාණය පානය නොකිරීම නිසා මේ තත්ත්වය ඇති වෙන්න පුළුවන් .බොහෝ විට අධික වියළි හෝ වායු සමීකරණය කළ පරිස යක් තුළ වැඩි පැය ගණනක් සිටින කෙනෙකුට මේ තත්ත්වය බහුලව දකින්න පුළුවන් .ඒ නිසා වතුර ටිකක් වැඩියෙන් බොන එක තමයි වඩාත් සුදුසු.

කියවන්න :  කෑම මේසය මේ විදියට සකසමු

තැඹිලි පාටට හුරු

මෙය විජලනය නිසා ඇති වෙන්නට පුළුවන් .ඒ වගේ ම ඉඳහිට වෙනවා නම් කැරට් යුෂ පානය කිරීම නිසා සමහර ආහාර වල වර්ණක නිසා හෝ යම්කිසි ඖෂධයක් නිසා හෝ සිදු වෙන්නට පුළුවන් .ඊට අමතරව අක්මාව හෝ පිත්තාශය ආශ්‍රිත රෝගී තත්වයක් නිසා මේ වර්ණය ඇති වෙන්නට පුළුවන් .

රතු පාට.

බීට් බෙරි වැනි ආහාර සහ කෘතිම ආහාරවල ඇති තද රතු වර්ණ එක නිසා හෝ ඖෂධ නිසා හෝ මෙලෙස සිදු වීමට පුළුවන් .එසේ නැත හොත් වකුගඩුව මුත්‍රාශය ආශ්‍රිතව සිදු කළ ශල්‍යකර්මයකට පසු ව ලේ වහන තත්ත්වයක් ඇති වීම නිසාවෙන් සිදු වෙන්නටත් පුළුවන්.මුත්‍රා මාර්ගයේ හෝ හෝ වකුගඩු වී ඇතිවන මුත්‍රා ගල් මුත්‍රා ආසාදන පුරස්ථ ග්‍රන්ථි ආශ්‍රිත රෝග පිළිකාමය හෝ පිළිකා නොවන ගෙඩි පිළිකා නොවන ගෙඩි ආදිය නිසාත් රතු පැහැය මුත්‍රා වලට එක් වන්නට පුළුවන්.
ඒ වගේම තැලිසීමියාව සහ රුධිරය ආශ්‍රිත රෝග තත්ත්වලදී මෙය වන්නට පුළුවන් නිසා මුත්‍රා රතු පාට නම් වඩාත් සැලකිලිමත් වෙන්නට සහ වෛද්‍ය උපදෙස් අවශ්‍ය වෙනවා.

කියවන්න :  හැම මාසෙකටම එළඹෙන කරදරකාර දිනයක් ගැන කාන්තාවන් දැනගත යුතු දෑ කිහිපයක්

තද දුඹුරු හෝ කළු වර්ණය ට ආසන්න

රතු පාට මුත්‍රා පිට වීමට අදාල සියලුම දේවල් මේ සඳහාත්. බලපාන ට පුළුවන් .

නිල් හෝ කොළ පාට.

මුත්‍රාශය, මුත්‍රා මාර්ගය ආශ්‍රිත බැක්ටීරියා ආසාදන නිසා මෙලෙස වෙන්නට පුළුවන් .ඊට අමතරව පිත්ත ප්‍රණාල වල ගැටළු විසාදි ගැටලු නිසා දී මේ වගේ පාටක් ඇති වෙන්නට හැකි යි.

අඳුරු දුමාරයක් වෙනි අපැහැදිලි බවක් ඇතිවීම

මුත්‍රා ආසාදනයක් පැවතීම හේතුවෙන් මේ තත්ත්වය ඇති වෙන්නට පුළුවන් .සමහර විට වකුගඩු තුළ තිබෙන මුත්‍රා ගල් නිසාත් මේ අඳුරු පැහැය එක වන්නට පුළුවන් .

සුදු පැහැ හෝ කිරි පැහැය

ඉතාමත් දරුණු මුත්‍රා ආසාදනයක දී නිපදවන සැරව ඒ නිසා මෙසේ සිදු වනවා.

පෙණ ඇති වීම.

අසාමාන්‍ය ලෙස ප්‍රෝටීන පැවතීම මෙයට ප්‍රධාන හේතුව ලෙස හඳුන්වන ට පුළුවන් .ප්‍රෝටීන් වැඩිපුර ආහාරයට ගත් දවසක මේ සාමාන්‍ය වුවත් දිගින් දිගටම මෙය සිදු වෙනවා නම් වකුගඩු වල යම් ආබාධ තත්ත්වයක් විය හැකියි .

ඉතින් අවධානයෙන් සිටියොත් රෝග රැසක් වළක්වා ගන්නට හැකියාව මුත්‍රා වල වර්ණයෙන් ඔබට අවබෝධ කර ගන්නට පුළුවන්.

Previous articleපිනි සේල – 13
Next articleචොක්ලට් බිස්කට් ගෙදරදීම හදමු…
චම්මි ඉරේෂා කරපුටුගල
ශ්‍රී ජයවර්ධනපුර විශ්වවිද්‍යාලයේ ලේඛකත්ව සහ ජන සන්නිවේදනය පාඨමාලාව සමග ජාතික තරුණසේවා සභාවෙන් නිර්මාණාත්මක සංනිවේදනය ඇතුලුව රූපවාහිනී වැඩසටහන් නිෂ්පාදනය සහ වීඩියෝතාක්ෂණය හදාරා ඇත. රන්දිව ජාතික පුවත් පතේ විශේෂාංග ලේඛිකාවක ලෙසද,ශ්‍රී ලංකා සුමිත්‍රයෝ මෙල් මැදුර ආයතනයේ ප්‍රජා සංවර්ධන නිලධාරිනියක ලෙසද ,පිටපත් රචිකාවක ,වෙලද දැන්වීම් පිටපත් රචිකාවක ලෙසද අත්දැකීම් රාශියක් ලබාගෙන ඇත.ළමා පොත් 12කට ආසන්න ප්‍රමාණය ක් රචනා කර ඇති අතර ඉන් බොහොමයක් අන්තර්ජාතික සංවිධානය ක් වන රූම් ටු රීඩ් ආයතනය සමග සිදුකර ඇත.විනෝදාංශය ක් ලෙස කෙටි චිත්‍රපටකරණයේ නියැලෙනීය.
0 0 vote
Article Rating
Subscribe
Notify of
guest
0 Comments
Inline Feedbacks
View all comments