යෝනි ශ්‍රාව වල පැහැයෙන් කලින්ම හදුනා ගත හැකි පිලිකා හා ලෙඩ රෝග ගැන දැනුවත් වෙමු.

0
251

අපි බොහෝ දෙනෙක් එළිපිට කතා කරන්න මැලිවෙන යෝනි ශ්‍රාව තුලින් කාන්තාවන්ගේ සෞඛ්‍යයමත් භාවය ගැන බොහෝ ඉගි ලබා ගන්න පුලුවන් බව ඔබ දන්නවද? . ඒ නිසා නීරෝගීමත් බව ගැන සැලකිලිමත් වන කාන්තාවන් වන අප නිරන්තරයෙන්ම මේ සම්බන්ධව අවදානයක් යොමු කල යුතුමයි. ඉතින් මේ ලිපිය ඒ ගැන ඔබේ අවධානය යොමු කරන්නයි.

අනෙක් සිරුරේ සිදුවන සාමාන්‍ය ශාරීරික ක්‍රියාවලියක් ලෙසම ඉතාම ස්වාභාවිකව සිදුවන ක්‍රියාවක් වෙන මේ යෝනි ශ්‍රාව පිටවීම ගැන කතා කරන්න කාන්තාවන් ලැජ්ජාශීලි වෙනවා.

හැබැයි මෙහිදි සිදුවන අසාමාන්‍ය තත්වයන් ගැන කතා කල යුතු කාරණාත් තියනවා.යෝනි ශ්‍රාව වල ස්වරූපය හැමවිටම සාමාන්‍ය වන්නේ නෑ.සමහර පිලිකා හෝ ආසාදන තත්වයන් වල ලක්ශණයක් විදියට මේ යෝනි ශ්‍රාව වල වෙනස්කම් අපිට හඳුනගන්න පුලුවන්.ඉතින් එම රෝග ගැන කලින්ම හදුනා ගන්න පුලුවන් යෝනිශ්‍රාව ගැන ඔබ අවදානයක් යොමු කිරීම ගොඩක් වැදගත් නේද?

මොනවද මේ යෝනි ශ්‍රාව කියන්නේ ?

යෝනි ප්‍රදේශය නිරෝගිව තබන සාමාන්‍ය ශාරිරික ක්‍රියාවක් තමයි මේ යෝනි ශ්‍රාව කියන්නේ.මේක කාන්තාවගෙන් කාන්තාවට සුවිශේෂි වෙනවා.ලිංගික උත්තජේනයකදි වගේම සාමාන්‍ය අවස්ථා වලදීත් ඔබේ යෝනි මාර්ගය අසල තෙත්වීම ස්වාභාවිකයි.නීරෝගී යෝනි ශ්‍රාව අවර්ණ වෙන අතරම එය දියරමය ස්වභාවයක් ගන්නවා.

සාමාන්‍ය විදියට යෝනි ශ්‍රාව වෙන්නෙ කොහොමද?

  • සාමාන්‍යයෙන් අවර්ණ පැහැයක් හෝ සුදු පැහැයකින් යුක්ත වෙනවා
  • කිසිම දුර්ගන්ධයක් නැහැ
  • යෝනි ශ්‍රාවයේ පරිමාව වෙනස් වෙන්න පුලුවන් වගේම එය දියරමය තුනී හෝ ඝන වෙන්නත් පුලුවන්
  • ඔබ අවිවේකී දිනවල හෝ මානසික ආතතිය ඇති දිනවල සුදු පැහැයෙන් යුක්ත වෙන්න පුලුවන්.එය එතරම් බිය විය යුතු කාරණයක් නෙමෙයි

යෝනි ශ්‍රාව වල සාමාන්‍ය ස්වභාවයන් මොනවද?

පැහැදිලි හා දියරමය ශ්‍රාව

  • මෙම ශ්‍රාව මාසයේ ඕනෑම වේලාවක පිටවෙන්න පුළුවන්.එය ඉතාම සාමාන්‍ය තත්වයක්.
  • වැඩිපුර ව්‍යායාම කල අවස්තාවක මෙය සාමාන්‍යයෙන් දකින්න පුළුවන්.

ක්‍රීම් ස්වභාවයේ ශ්‍රාව

  • මෙම අවස්ථාවේදී ඔබේ යෝනි මාර්ගය ඇලෙන සුළු හා තෙත් බවක් දැනෙන්නට පුළුවන්.
  • සාමාන්‍ය ඔසප් චක්‍රයක් ඇත්නම් ඔබට 7 වන සහ 11 වන දින අතර මෙම ආකාරයේ සාමාන්‍ය යෝනි ශ්‍රාව දැකගත හැකිවෙනවා.
  • මේ ස්වභාවයේ යෝනි ශ්‍රාව තුනී වන අතර දුර්වල තත්ත්වයේ හෝ අසාමාන්‍ය ශුක්‍රාණු ගර්භාෂයට ඇතුළු වීමට පෙර පෙරා ඉවත් කරනවා
කියවන්න :  වේදනාකාරී දත් කැක්කුම් වලින් ආරක්ෂා වෙන්න නම් මේ විදියට නිවැරැදිව දත් මදින්න.

බිත්තර සුදු මද ආකාරයෙ ශ්‍රාව

  • ඔබේ ඩිම්බ මෝචනය වන දිනට ආසන්න වන විට, ඇදෙනසුළු හා ලිස්සන ආකාරයකින් මෙම ශ්‍රාවයන් ඔබට දකින්න පුළුවන්
  • බිත්තර සුදු පැහැයෙන් යුත් නූල් වැනි ශ්‍රාව‍යන් නිසා ඔබේ යෝනි මාර්ගයෙහි පැහැදිලි තෙත් සංවේදීතාවයක් ඔබට දැනෙනවා.
  • සමහර ඒවා වල කැටි ස්වාභාවයක් තියෙන්න පුළුවන්. එය ඔබේ ඩිම්බ මෝචනය වෙන බවට හොඳ සලකුණක්
  • සාමාන්‍ය ඔසප් චක්‍රයේ 12 වන සහ 16 වන දින අතර මෙම ආකාරයේ ස්‍රාව දකින්න පුළුවන්

ඔබ පිළිසිඳ ගැනීමකට සැලසුම් කරනවා නම් මේ ස්වභාවයේ ශ්‍රාව ඔබට උත්සාහ කිරීම ආරම්භ කිරීමට හොඳ කාලයක් බව ඉඟි කරනවා.මොකද මෙම වර්ගයේ ශ්‍රාව ගුණාත්මක ශුක්‍රාණු වලට ගර්භාෂයට ඇතුළු වීමට පහසු මාර්ගයක් නිර්මාණය කරනවා.

ලිහිසි ශ්‍රාව

ඩිම්බ මෝචනය ආරම්භ වීමට දින කිහිපයකට පෙර, ඔබේ ශ්‍රාව තරමක් ලිස්සන සුළු වෙන්න පුළුවන්. ඒ වගේම මේ ආකාරයේ යෝනි ශ්‍රාව ඔබ දකින අවසාන දිනය මාසයේ වඩාත්ම සාරවත් දිනයයි.

සුදු පැහැ ශ්‍රාව

මෙය සාමාන්‍ය යෝනි ශ්‍රාවයක් වන අතර ඔබේ මාසික ඔසප් චක්‍රයේ ආරම්භයේ හෝ අවසානයේ සුදු ශ්‍රාව මද වශයෙන් පිටවීමක් ඔබට දකින්න පුළුවන්.
සුදු පැහැති ශ්‍රාව ,දුර්ගන්ධය,දරුණු කැසීමක් හෝ අපහසුතාවයක් ඇති වුවහොත් ඔබට ආසාදන හඳුනාගන්න පුළුවන්. එවිට වහාම ප්‍රතිකාර වලට යොමුවෙන්න ඔබ සැලකිලිමත් වන්න

සමහර වෙලාවට යෝනි ශ්‍රාව වල ස්වභාවය සහ පැහැය දරුණු ලෙඩ රෝග වල මූලික ලක්ශන වෙනවා. මොනවද මේ ලෙඩ රෝග ?

ගැබ් ගෙල පිළිකා

මෙහිදී දුඹුරු හෝ ලේ සහිත ශ්‍රාව පිටවෙනවා ඔබට දැකගන්න පුලුවන්. එවිට ඔබ අනිවාර්යයෙන්ම වෛද්‍ය උපදෙස් වලට යොමු වීම වැදගත්

ඔබේ ඔසප් වීම අවසන් වූ වහාම, දුඹුරු ශ්‍රාවයක් පිටවෙනු ඔබට දකින්න පුළුවන්.එය සාමාන්‍ය යෝනි ශ්‍රාවයකි. එය ඔබගේ ඔසප් වීමෙන් පසු ඔබේ ගර්භාෂය පිරිසිදු කිරීමේ ක්‍රමයක් වෙනවා.

ඔබ අනාරක්ෂිත ලිංගික සම්බන්ධකම් පවත්වා ඇතිනම් දුඹුරු හෝ ලේ සහිත යෝනි ශ්‍රාවයක් පිටවීම ඔබ ගැබ් ගෙන ඇති බවට සලකුණක් වෙන්න පුළුවන්.

කියවන්න :  අකලට හිසකෙස් යනවා නම් ගෙදරදීම කළ හැකි සත්කාර

ඒ වගේම මෙවැනි ශ්‍රාව අධික ලෙස පිටවෙනවා නම් ගබ්සා වීමක් පෙන්නුම් කරන්නත් පුලුවන්. මේ අවස්ථා දෙකේදීම නිසි පරීක්ෂාවක් ලබා ගැනීම සඳහා ඔබ වෛද්‍යවරයෙකු හමුවීම වැදගත්

ට්‍රයිකොමෝනියාසිස්

මෙහිදි කහ පැහැ යෝනි ශ්‍රාව පිටවෙනවා.සාමාන්‍යයෙන් මෙම ශ්‍රාව ඝන සහ පිළි දුර්ගන්ධයකින් යුක්ත වෙනවා.
ඒ වගේම යෝනි ප්‍රදේශය ආශ්‍රිත දැවිල්ලක් හා කැසීමක් ඇතිවෙන්නත් පුලුවන්

ඒ වගේම කහ ශ්‍රාව පිටවේ නම් එය ආසාදනයක ලක්ශණයක් වෙන්නත් පුලුවන්.

අභ්‍යන්තර ආසාදන

මෙහිදී යෝනි ශ්‍රාව අසාමාන්‍යයි වගේම අධික දුර්ගන්ධයකින් යුක්ත වෙන්න පුලුවන්. එය බරපතල අභ්‍යන්තර ආසාදනයක ලකුණක්.
මෙම වර්ගයේ යෝනි ශ්‍රාව ඔබ දුටුවහොත්, ඔබ ඔබේ වෛද්‍යවරයා හමුවෙන්

ගොනෝරියා සහ ක්ලැමීඩියා

මේවා ලිංගිකව සම්ප්‍රේෂණය වන රෝග වන අතර මෙහිදී යෝනි ශ්‍රාව කහ ,කොළ හෝ වලාකුලු සහිත පැහැයකින් දක්නට පුලුවන් .

යෝනි ශ්‍රාව අසාමාන්‍ය වෙන්න පුලුවන් තවත් හේතු මොනවද?

  • අනාරක්ෂිත ලිංගික සම්බන්ධතා
  • ප්‍රතීජීවක භාවිතය
  • බැක්ටිරියා ආසාධන
  • ලිංගික සහකරුවන් කිහිප දෙනෙක් සිටීම
  • උපත් පාලන පෙති
  • සුවඳ ගැල්වූ සබන් හෝ දියර වර්ග වලින් නිතර යෝනි මාර්ගය පිරිසිදු කිරීම
  • දියවැඩියාව
  • ගැබ් ගැනීම

අසාමාන්‍ය යෝනි ශ්‍රාව සමඟ ඇතිවිය හැකි අනෙකුත් රෝග ලක්ශණ මොනවද?

  • උණ
  • උදරයේ වේදනාව
  • අධිකව බර අඩුවීම
  • තෙහෙට්ටුව
  • මුත්‍රා පිටවීමේ වාර ගණන වැඩිවීම

ඔබට සාමාන්‍ය යෝනි ශ්‍රාවයක් තිබුනත් ඔබ සැලකිලිමත් වෙන්න ඕන කරුණු මොනවද ?

  • ඔබේ යෝනි මාර්ගය මෘදු සබන් යොදා උණුවතුරෙන් පිරිසිදු කර තබාගන්න
  • පිරිසිදු කපු යට ඇඳුම් අඳින්න
  • තද යට ඇඳුම් භාවිතා කරන්න එපා
  • මුත්‍රා කිරීමෙන් පසුව යෝනි මාර්ගය පිරිසිදු කර වියලිව තබාගන්න
  • අධික සුවඳකින් යුතු සබන් හෝ දියර වර්ග භාවිතා කරන්න එපා

යෝනි ශ්‍රාව ගැන ඔබ එතරම් සැලකිලිමත් නොවන කාරණා වලින් සමහර වෙලාවට පසු කාලීනව ඔබට පිලිකා වැනි ලොකු බලපෑමක් හෝ වෙනත් රෝග තත්වයක් ඇතිවන්න පුලුවන් . ඉතින් යෝනි ශ්‍රාව වල යම් වෙනස්කමක් තියෙනවා කියලා මේ ලිපිය කියවා දැනුවත් වූ ඔබට හිතෙනවා නම් හැකි ඉක්මනින් වෛද්‍ය උපදෙස් ලබාගන්න කියලා අපි ඔබට යෝජනා කරනවා.

3.5 4 votes
Article Rating
Subscribe
Notify of
guest
0 Comments
Inline Feedbacks
View all comments