ගැබ් ගැනීමෙන් තොරව ලිංගිකව එක් වීමට සුදුසු දින යෝනි ශ්‍රාව ඇසුරෙන් හඳුනා ගනිමු.

ආර්ථව චක්‍රයේ එක් එක් කාලයේදී කාන්තාවන්ගේ යෝනි මාර්ගයෙන් විවිධ ශ්‍රාවයන් පිටවෙනවා. මෙම ශ්‍රාවයන් සරු දවස්  ඇසුරෙන් හඳුනාගෙන, ඒවා මග හැර ලිංගික ව එකතු වීමෙන් ගැබ් ගැනීම මග හරවා ගැනීමේ හැකියාවක් තිබෙනවා. මතක තබාගත යුතු කාරණාව වන්නේ, අන් සෑම ස්වභාවික උපත් පාලන ක්‍රමයක් මෙන් ම මෙහි සාර්ථකභාවයට ඇති සම්භාවිතාව අඩු වීමයි. නමුත් හෝමෝන අඩංගු උපත් පාලන ක්‍රම කෙරෙහි අකමැත්තක් දක්වන අයට මෙය මනාව ගැළපෙනවා.

කාන්තාවන්ගේ ප්‍රජනනය පිළිබඳ හෝමෝන වන්නේ ඊස්ට්‍රජන් සහ ප්‍රොජෙස්ටරෝන් හෝමෝනයි. මෙහි දී සාමාන්‍යෙන් ඔසප් චක්‍රයක මුල් කාලයේ දී සිරුරේ ඊස්ට්‍රජන් ප්‍රමාණය වැඩිපුර ශ්‍රාවය වන අතර, දෙවන භාගයේදී ප්‍රොජෙස්ටරෝන් වැඩි වශයෙන් ශ්‍රාවය වේ. මෙහි දී ඔබ ඊස්ට්‍රජන් වැඩිපුර ශ්‍රාවය වන කාලය මග හැර ලිංගික ව එක්වීමෙන් ඔබට ගැබ් ගැනීම මග හැර ගන්නට පුළුවන්. මක්නිසා ද යත් ඊස්ට්‍රජන් ශ්‍රාවය ගැබ් ගැනීමට උපකාරී වන නිසයි.

කොහොමද පටන් ගන්නේ ?

මෙය ඉක්මනින් ක්‍රියාත්මක කළ හැකි ක්‍රමයක් නොවෙයි. ඉවසීමෙන් සහ බොහොම කල්පනාකාරී ව සිදු කළ යුතු දෙයක්. මුලින් ම ඔබ ඔබේ යෝනි ශ්‍රාව ගැන පුළුල් අවබෝධයක් ලබා ගත යුතු වෙනවා.

මාසයේ ඔසප් වීම අවසන් වූ දිනට පසු දින සිට ඔබට මේ ගැන සටහනක් තබා ගැනීම ආරම්භ කිරීමට සිදු වෙනවා. එදින සිට සෑම දිනක ම උදේ මුත්‍රා කිරීමට පෙර මෙය පරීක්ෂා කළ යුතුයි. මහපටැඟිල්ල සහ දබරැඟිල්ල අතරේ ඇදීමෙන් මෙය පරීක්ෂා කරනු ලබනවා. ඔබ සටහන් තබා ගත යුතු කාරණා මේවායි.

  • දිනය
  • වර්ණය
  • ඇදෙන සුලු ද ඇලෙන සුලු ද

මෙය මාස දෙකක් වත් අවම වශයෙන් ඔබ සටහන් තබා ගෙන දින පිළිබඳ අදහසක් ගත යුතුයි. එක් එක් කෙනාගෙන් කෙනාට දින ප්‍රමාණය වෙනස් වෙනවා.

හඳුනාගන්නේ මෙහෙමයි

මෙය ආරම්භ කළ යුතු වන්නේ ඔසප් වීම අවසන් වූ දිනට පසු දින සිටයි. ඒ අනුව ඔසප් වීම අවසන් වූ දිනට පසු දින පළමු දිනය ලෙස සටහන් කර ගන්නට පුළුවන්.

මුල් දින කිහිපයේ දී බොහෝ විට වියළි සහ සුදු පැහැ ශ්‍රාවයක් ඔබට නිරීක්ෂණය කරන්නට පුළුවන්. මෙම කාලයේදී ගැබ් ගැනීමේ සම්භාවිතාව ඉතා අවමයි.

ඉන්පසු දින කිහිපයක් සුදු පැහැ ඇලෙන සුළු ශ්‍රාවයක් නිරීක්ෂණය කළ හැකී. මෙම කාලයේදීත් ගැබ් ගැනීමේ සම්භාවිතාව තරමක් පවතිනවා.

එම කාලයට පසු කාලයේදී දින කිහිපයක් ක්‍රීම් එකක් වැනි ශ්‍රාවයක් නිකුත් වෙනවා. සුදු පැහැයට හුරු පැහැයක් බොහෝ විට ගනු ලබනවා. මෙහි දී ගැබ් ගැනීමේ සම්භාවිතාව තරමක් ඉහළයි.

ඉන්පසු කාලසීමාවේ වතුර පැහැයෙන් ඇදෙන සුලු ශ්‍රාවයක් නිරීක්ෂණය කරන්නට ඔබට හැකියි. මෙය බිත්තර සුදු මද වැනි යැයි නිරීක්ෂණය කළ හැකියි. ගැබ් ගැනීමක් අපේක්ෂා නොකරන්නේ නම් මෙම කාල සීමාවේදී කිසි සේත් ම අනාරක්ෂිත ලිංගික එකතු වීමකට නොයා යුතුයි. මෙම කාලයේදී ගැබ් ගැනීමේ හැකියාව ඉතා ඉහළයි.

සිහි තබා ගත යුතු ම කාරණා

සරු දවස්වලදී හැකි නම් ලිංගික එක්වීම්වලින් වැළකීම සුදුසුයි. එසේ නොවේ නම් අනිවාර්‍යයයෙන් උපත් පාලන ක්‍රමයක් භාවිතා කළ යුතුයි.

අසාර්ථක වන අවස්ථා

කාලයක් නිරීක්ෂණය කළ යුතු නිසා ඉක්මනින් ආරම්භ කිරීමට හැකියාවක් ලැබෙන්නේ නෑ.

නව දරු උපතක් සිදු වූ කාන්තාවන්ට, කිරි දෙන මවුවරුන්ට, ආර්ථවහරණය ආසන්න වූ කාන්තාවන්ට මෙන් ම ඔසප් චක්‍රය අක්‍රමවත් කාන්තාවන්ටත් මෙම ක්‍රමය සුදුසු වන්නේ නෑ.

ස්වභාවික ක්‍රමයක් නිසා අසාර්ථක වීමේ සම්භාවිතාව ඉහළයි.

පහසු ස්වභාවික ක්‍රමයක් වන යෝනිශ්‍රාව ඇසුරෙන් සරු දින හඳුනා ගැනීමේ ක්‍රමය පිළිබඳ ව දැන් ඔබ හොඳින් දැනුවත්. ගැබ් ගැනීමෙන් වළකින්නට මෙන් ම ගැබ් ගැනීමටත් මෙම ක්‍රමය යොදාගන්නට ඔබට හැකියාව තියෙනවා.

Related Articles

Don't Miss



Latest Articles

ශරදාකාසේ -31

එසඳි සිටියේ සතුටෙනි. පීසා කෑමෙන් පසු ඇය ට ළමා උද්‍යානයට යාමට අවැසි යයි කීවා ය. සාමාන්‍යයෙන් ඇය මුරණ්ඩු දරුවෙකු නොවේ. නමුත් ශරදාකාසයෙන්...

හිමගිරි අරණ -16

"අපේ බබාව ලැබුණට පස්සේ හිමාෂාගේ බබාට ඔයාගෙන් ලැබෙන්න ඕන දේවල් දීලා දාන්න.මම කියන්නෙ ඉඩමක් වගේ මොනවා හරි." මල්මි එසේ...

සුන්දර නිය පෙළක් සඳහා නිවසේ දී ම කළ හැකි නොවරදින සත්කාර

කාන්තාවකගේ දෙපා වල මෙන්ම දෑත් වල සුන්දරත්වය සදහා නීරෝගිමත් නියපොතු ගොඩක් වැදගත්. හානි වුන නියපොතු නිසා ඔබේ දෑතේ මෙන්ම දෙපා වලත් සුන්දරත්වයටහානි...

ශරදාකාසේ -30

පවුලක් බිඳී යාම යනු  නීත්‍යානුකූල වූ බැඳීම් ලිහී යාමක් ම නොවේ. එහිදී ශරීරයක සියලු සෛල වල බිඳී යාමක් සිදු වේ. සිතක ක්ෂුද්‍ර...

කලගුණ

"පැතුම්,මේ මගේ යාළුවෙක්.රුවිනි.මෙයා මේ එක්සෑම් එකකට උදව් ගන්න කෙනෙක් හොයනවා" දිල්මි පැතුම්ට එහෙම කිව්වේ මිතුරිය හඳුන්වා දෙන ගමන්.මිතුරිය මේ...