දරු ප්‍රසූතියට පා පැදියෙන් රෝහලට ආ නවසීලන්ත මන්ත්‍රිනිය.

Julie Anne Genter නවසීලන්ත පාර්ලිමේන්තු මන්ත්‍රීවරියක්.ඒ වගේම ඇය පාපැදිකාරිනියක්.ඇය හතලිස් එක් හැවිරිදි වියේ පසුවනවා.ජූලි ගැන ලෝකයේ අවධානය යොමු වන්නේ නොවැම්බර් 28 වැනිදා.ඒ ඇය බයිසිකලයක් පැදගෙන රෝහලට පැමිණීම නිසා.ඒ අන් කිසිවක් උදෙසා නොවෙයි.ඇගේ දරු උපත වෙනුවෙන් රෝහල් ගත වීම වෙනුවෙන්.

ජූලි රෝහල් ගත වී පැයකින් පමණ සුන්දර දියණියකට උපත ලබා දෙනවා.

“මම දරු උපතට රෝහල් ගත වීමට බයිසිකලයකින් යාමට අදහස් කරේ නෑ.ඒත් ඒක කරන්න සිදු වුණේ හදිසියේ..”

ඇය පවසනවා.

ජූලිට බයිසිකලය පදින විට ප්‍රසූත වේදනා එතරම් දැනී නැහැ.නමුත් ඉන් බැස ටික වේලාවකින් වේදනා තදබලව ආරම්භ වී තිබෙනවා.

ඒත් ඇය ඇගේ ෆේස්බුක් ගිණුමට පා පැදිය පදින ආකාරයත්,ඉන් බැස සිනාමුසුව හිඳින ආකාරයත්,දියණිය හ සැමියා සමඟත් ඡායාරූප එක් කර තිබුණා.ඒ කෙටි සටහනක් සමඟින්.

“මේ ඉතා විශාල පණිවිඩයක්.අද අලුයම 3.04 අපේ පවුලේ අලුත්ම සාමාජිකාවට ආයුබෝවන් කියන්නට අපිට හැකි වුණා.මම ප්‍රසූතියට බයිසිකලයෙන් යන්න සැලසුම් කරේ නෑ.ඒත් එය සිද්ධ වුණා.මම අලුයම දෙකට පමණ පාපැදියෙන් ගමන් කරද්දී මගේ ප්‍රසූත වේදනා එතරම් ප්‍රබල වුණේ නෑ.ඒවා විනාඩි දෙක තුන අතර පරතරයෙන් දැනුණා.අප විනාඩි දහයකට පසු රෝහලට ළඟා වද්දී තීව්‍රතා වැඩි වෙමින් පැවතුණා.දැන් මට ඇගේ පියා මෙන්ම නිරෝගී සහ ප්‍රීතිමත් කුඩා දැරියක් සිටිනවා.ඇගේ උපත සංකීර්ණ නොවූ උපතක්.විශිෂ්ට වෛද්‍ය කණ්ඩායමක රැකවරණය සහ සහයෝගය සැබෑවටම ආශිර්වාදයක්.”

එහි එසේ ලියැවී තිබුණා.

ජූලි තම පළමු දරු උපතට මුහුණ දුන්නේ දෙදහස් අට වසරේදී.ඒ වසරේදීත් ඇය රෝහලට පැමිණියේ විදුලි පාපැදියකින්.

ජූලි ඕක්ලන්ඩ් විශ්ව විද්‍යාලයේ පශ්චාත් උපාධිධාරිනියක්.ප්‍රවාහන හා නාගරික සැලසුම්කරණය සම්බන්ධ රැකියාවක් කළ ඇය දේශපාලනයට සම්බන්ධ වන්නේ 2006 වසරේදී.අගමැතිනි ජසින්ඩා ආර්ඩන්ගේම පක්ෂයේ සාමාජිකාවක් වනවා.

තමන්ගේ ගැබ් ගැනීම ගැන සමාජ ජාලා හරහා ජූලි දැනුවත් කරේ පසුගිය මැයි මාසයේදී.ඒ පහත සිතුවම සමඟින්.

ප්‍රවාහනය සහ නාගරික සංවර්ධනය ගැන Green party හි ප්‍රකාශිකාව වන්නේ ජූලි.ඇය පාපැදි භාවිතාවෙන් ලැබෙන පාරසරික ප්‍රතිලාභ ගැන නිතරම සංවාද කරන්නියක්.ආරක්ෂිත පාපැදි සහ පදික මංතීරු ගැන ජනතාව දැනුවත් කරන ජූලි මහත්මිය ඇගේ ජීවිතයේ වැදගත්ම අවස්ථා වල පවා ඒ ආදර්ශය ක්‍රියාවෙන්ම ඔප්පු කරන්නේ ඈ සැබෑ ජනතා නියෝජිතවරියක බව තහවුරු කරමින්.

ලෝකයට මෙවැනි ස්මාර්ට් ගැහැනු වැඩි වැඩියෙන් අවශ්‍යයි.තමන්ගේ ජීවිතයේ සුන්දරම අවස්ථා පවා ධෛර්යවන්ත ලෙස හා පුදුම සහගත ලෙස පසුකරන ඔවුන් කාන්තා ඉතිහාසය යළි යළිත් අලුත් කරන්නියන් ලෙස ලියා තබන්න පුලුවන්.

Related Articles

Don't Miss



Latest Articles

ඔබේ වේදනාව තරමටම තව කෙනෙකුගේ වේදනාව ගැනත් සංවේදී වෙන්න.

"මොකද නයනි බාම් සුවඳ? සනීප නැද්ද?" මම එහෙම අහගෙන මගේ පුටුවෙන් වාඩි වෙනකොට නයනි මං දිහා බැලුවේ හිනාවක් ආයාසයෙන්...

Intercourse නොකර උපරිම ලිංගික තෘප්තිමත් බවක් ලබා ගත හැකි ක්‍රම.

මේ ප්‍රශ්නය ඔයාගෙ ජීවිත කාලෙදි එක දවසක් හරි ඇවිත් ඇති. ඇත්තට ම ලිංගික තෘප්තිය ලබාගන්න යෝනි මාර්ගයට ශිෂ්ණය හෝ යම් උපකරණයක් ඇතුල්...

හිමගිරි අරණ -51

"ඔය කතාව ගැන කිසිම දෙයක් අම්මට කියන්න එපා.ඉස්සරලම පාරමීගේ ප්‍රශ්නෙ නිවෙන්න ඉඩ දෙන්න." දුමිඳු මල්ලිට එවන් අවවාදයක් ලබා දුන්නේ...

(අ)හිමි සිහින -147

සුධාරකට ප්‍රතිකාර කිරීම වෛද්‍යවරුන් ඔවුන්ට හැකි අයුරින් කරන වග දැන සිටියත් මම දිගින් දිගටම ඔහු වෙනුවෙන් ආශිර්වාදාත්මක පූජා පැවැත්වූවා.ඒවගේම මම කිසිම මොහොතක...

විනාඩි දෙකෙන් තනියම සාරිය අදින පහසුම ක්‍රමයක්

සාමාන්‍යයෙන් ඔසරිය made up කරලා ඇන්දට අපි සාරියක් made up කරන්නේ නෑ.ඒත් උස අඩු කෙනෙකුට වගේම සාරිය අඳින්න ඒ තරම් අකමැති කෙනෙකුට...
Click to Hide Advanced Floating Content
Click to Hide Advanced Floating Content