අද කාලේ අපි හැමෝම ලස්සනට ඉන්න කැමතියි. හැබැයි ඒ ලස්සන හොයන්න ගිහින් අපි කරන්නේ එක එක රසායනික ද්රව්ය පිරුණු ක්රීම් වර්ගයි, ෂැම්පු වර්ගයි පාවිච්චි කරලා තියෙන ලස්සනත් නැති කරගන්න එකයි. ඇත්තටම අපේ පෙනුම ලස්සන කරගන්න අවශ්ය හොඳම දේවල් තියෙන්නේ ස්වභාවධර්මය ඇතුළෙමයි. ඔයාගේ කොණ්ඩය ගැලවෙන එක නතර කරලා, සමේ තියෙන කුරුලෑ සහ කැළැල් අයින් කරලා, නියම පෞරුෂයක් ලබාගන්න පුළුවන් ස්වභාවික තෙල් වර්ග 10ක් ගැනයි අපි මේ කතා කරන්න යන්නේ. මේවා නිකම්ම තෙල් නෙවෙයි, ඔයාගේ පෙනුම අලුත් කරන මැජික් දියර වර්ග 10ක් කිව්වොත් වඩාත් නිවැරදියි.
1. කළුදුරු තෙල් (Black Seed Oil) – ලෙඩ දහසකට එකම විසඳුම
කළුදුරු තෙල් කියන්නේ ඇඟ ඇතුළේ තියෙන විසබීජ නසන්න පුළුවන් හරිම බලවත් තෙල් වර්ගයක්. විශේෂයෙන්ම ඔයා පීඩා විඳින කුරුලෑ ප්රශ්නයට මේක දිව්ය ඔසුවක්. පර්යේෂණ වලට අනුව මාස දෙකක් විතර මේක පාවිච්චි කළොත් කුරුලෑ සියයට 78කින් විතර අඩු කරගන්න පුළුවන්. ඒ වගේම තුවාල ඉක්මනින් සුව කරන්නත්, කොණ්ඩයේ ඝනකම වැඩි කරන්නත් මේකේ තියෙන තයිමොක්විනෝන් (Thymoquinone) කියන සංයෝගය උදව් වෙනවා.
2. රෝස්මරී තෙල් (Rosemary Oil)
රෝස්මරී කියන්නේ නිකම්ම සුවඳ තෙල් වර්ගයක් නෙවෙයි. මේකෙන් හිස්කබලේ ලේ ගමනාගමනය වැඩි කරලා කොණ්ඩය වැවෙන එක වේගවත් කරනවා. ඒ විතරක් නෙවෙයි, මේ තෙල් සුවඳ ආග්රහණය කළොත් ඔයාගේ මතක ශක්තිය සහ අවධානය වැඩි වෙනවා කියලා පර්යේෂණ වලින් ඔප්පු වෙලා තියෙනවා.
3. එඬරු තෙල් (Castor Oil)
ඔයාගේ කොණ්ඩය තුනී වෙලාද? එහෙනම් කැස්ටර් ඔයිල් තමයි හොඳම විසඳුම. මේකේ තියෙන රයිසිනොලෙයික් අම්ලය නිසා කොණ්ඩයේ අග පැලෙන එක නතර කරලා, මුල් ශක්තිමත් කරනවා. හැබැයි මේක ටිකක් උකු තෙල් වර්ගයක් නිසා පොල් තෙල් හෝ වෙනත් තෙල් වර්ගයක් එක්ක මිශ්ර කරලා පාවිච්චි කරන එක තමයි වඩාත් සුදුසු.
4. භෘංගමාලකාදී තෙල් (Bhringamalakadi Taila)
මේක පාරම්පරික ආයුර්වේද තෙල් වර්ගයක්. භෘංගරාජ්, නෙල්ලි සහ එළකිරි මිශ්ර කරලා හදන මේ තෙල් එක කොණ්ඩය සුදු වෙන එක නතර කරන්නත්, හිසේ කැක්කුම අඩු කරලා ඇස් වලට සිසිලසක් දෙන්නත් පාවිච්චි කරනවා. රෑට මේක ගාලා ඔළුව මසාජ් කළොත් සුවදායක නින්දක් ලබාගන්නත් පුළුවන්.
5. ආගන් ඔයිල් (Argan Oil)
Liquid Gold විදිහට හඳුන්වන ආගන් ඔයිල්, කොණ්ඩයේ පවතින රළු බව නැති කරලා ලස්සන දීප්තියක් ලබා දෙන්න උපකාරී වෙනවා. මේකේ විටමින් E සහ ප්රතිඔක්සිකාරක පිරිලා තියෙන නිසා සමේ රැළි වැටීම අඩු කරලා තරුණ පෙනුම රැක දෙනවා.
6. නීල්යාදී තෙල් (Neelyadi Oil)
හිස්හොරි නිසා ඔයා පීඩා විඳිනවා නම් නීල්යාදී තෙල් කියන්නේ අනිවාර්යයෙන්ම පාවිච්චි කළ යුතු දෙයක්. නිල් අවරිය සහ භෘංගරාජ් අඩංගු මේ තෙල් එක හිස්කබල සිසිල් කරනවා වගේම, හිස්හොරි නිසා ඇතිවෙන කැසීම සහ කොණ්ඩය ගැලවී යාම ක්ෂණිකව පාලනය කරනවා.
7. රතු ළූණු තෙල් (Red Onion Oil)
කොණ්ඩය වැවෙන්න සල්ෆර් හරිම වැදගත්. රතු ළූණු තෙල් වල සල්ෆර් බහුලව තියෙන නිසා කොලජන් නිෂ්පාදනය වැඩි කරලා කෙස් ගස් ශක්තිමත් කරනවා. කොණ්ඩය තුනී වීම පාලනය කරලා ඝනකමට වවන්න මේක හරිම ප්රසිද්ධයි.
8. ජොජෝබා තෙල් (Jojoba Oil)
ජොජෝබා තෙල් වල තියෙන විශේෂත්වය තමයි අපේ සමෙන් නිපදවන ස්වභාවික තෙල් (Sebum) වලට මේක ගොඩක් සමාන වීම. ඒ නිසා තෙල් සහිත සමක් තියෙන කෙනෙක්ට වුණත් මේක පාවිච්චි කරන්න පුළුවන්. මේකෙන් සමේ තෙල් ගතිය සමබර කරලා සිනිඳු බවක් ලබා දෙනවා.
9. ටී ට්රී ඔයිල් (Tea Tree Oil)
ඔයාට තියෙන්නේ කුරුලෑ සහ සමේ ආසාදන පිරුණු සමක් නම්, ටී ට්රී ඔයිල් තමයි ඔයාගේ හොඳම යාළුවා. මේකේ තියෙන ප්රතිබැක්ටීරියා ගුණය නිසා කුරුලෑ වල ඉදිමීම සහ රතු වීම ඉක්මනින් අඩු කරනවා. ඒ වගේම කකුල් වල ඇතිවෙන දිලීර ආසාදන වලටත් මේක හොඳ විසඳුමක්.
10. ස්වීට් ආමන්ඩ් ඔයිල් (Sweet Almond Oil)
ඇස් වටා තියෙන කළු වීම් සහ සමේ තියෙන කැළැල් අයින් කරන්න ආමන්ඩ් ඔයිල් වලට පුළුවන්. විටමින් A සහ E බහුල නිසා මේක හොඳ මොයිස්චරයිසර් එකක් විදිහට වැඩ කරනවා. දිනපතා රෑට මේකෙන් මසාජ් කළොත් සමට පියකරු පැහැපත් බවක් ලැබෙනවා.
ඕනෑම අත්යවශ්ය තෙල් වර්ගයක් (Essential Oils – උදා: Rosemary, Tea Tree) කෙලින්ම සමේ ගාන්නේ නැතුව, පොල් තෙල් හෝ ආමන්ඩ් තෙල් වගේ Carrier Oil එකක් එක්ක මිශ්ර කරලා පාවිච්චි කරන්න මතක තියා ගන්න.
ඔයාගේ පෙනුම සහ සෞඛ්යය වෙනුවෙන් මේ ස්වභාවික තෙල් වර්ග 10න් ඔයාට ගැළපෙන එක අදම තෝරාගන්න.
සාර්ථකත්වය වගේම ලස්සනත් ලැබෙන්නේ නිවැරදි කැපවීමෙන් වැඩ කළොත් විතරයි කියල අමතක කරන්න එපා!
